خه‌بات: ‬هاوكار كەڵهوڕی:-
ئاوێزان عوسمان خانمە هونەرمەندێكی‮ ‬شێوەكارە‮ ‬،‮ ‬لەسلێمانی‮ ‬لەدایك بوە و لە قۆناغەكانی‮ ‬خوێندنی‮ ‬ناوەندی‮ ‬خولیای‮ ‬هونەری‮ ‬شێوەكاری‮ ‬بووە،‮ ‬لەدەرفەتێكدا بەپێویستمان زانی‮ ‬دیمانەیەكی‮ ‬لەگەڵ ئەنجام بدەین،‮ ‬كەبەمشێوەیە وەڵامی‮ ‬داینەوە‮.‬
‮❊ ‬كێ ئاوێزانی‮ ‬شێوەكاری‮ ‬دروست كرد،‮ ‬یان خۆت خۆتت دۆزیەوە؟ كێ بەهێزترین پاڵپشتیتە بۆ هونەرەكەت؟
خۆم خۆمم دروست كرد و خۆم دۆزیەوە و گرینگیم بەتواناكانی‮ ‬خۆمدا،‮ ‬سۆزەی‮ ‬خوشكم پاڵپشتیەكی‮ ‬زۆر بەهێزم دەكات‮.‬
‮❊‬گەر بیرت بێت‮ ‬یەكەم وێنە چی‮ ‬بوو كێشات؟
وێنەی‮ ‬نەخشەی‮ ‬كوردستان بوو زۆر بەباشی‮ ‬كێشام بەو وێنەیە دركم بەوەكرد توانای‮ ‬وێنەكێشانم باشە‮.‬
‮❊ ‬ئامانج و خەونی‮ ‬گەورەت چییە؟
تا ئێستا بەشداری‮ ‬چەند پێشانگات كردۆتەوە؟ هیچ كات خەڵاتت وەرگرتووە؟
بەشداری‮ ‬چەند نمایشێكی‮ ‬هاوبەشی‮ ‬شیوەكاریم كردووە لە ناوەوە و دەروەی‮ ‬كوردستان و چوار خەڵاتی‮ ‬ڕێزلێانم پێ بەخشراوە‮.‬
‮❊ ‬چ شتێك هێزت پێ دەبەخشێت؟
ئەو كارەهونەریانەی‮ ‬ئەكێشم هەموی‮ ‬بەركەوتنەكانی‮ ‬ژیانی‮ ‬خۆم و كۆمەڵگاكەمن،‮ ‬كەسایەتییەكی‮ ‬تایبەت بەخۆمم هەیە ئەوەش وای‮ ‬لێكردوم كۆڵ نەدەم لەبەدی‮ ‬هێنانی‮ ‬خەونەكانم‮ ‬،‮ ‬زیاتر گرینگی‮ ‬بەوە ئەدەم كەخۆم ئەمەوێت و هەوڵیشی‮ ‬بۆئەدەم‮.‬
‮❊ ‬كچ بوون سەختی‮ ‬یان ئاسانكاری‮ ‬بۆكاری‮ ‬شێوەكاریت دروست كردووە؟
كچ لەبواری‮ ‬هونەریدا كار بكات هیچ ئاسان نییە چونكە بەربەستی‮ ‬زۆری‮ ‬بۆ دێتەپێش،‮ ‬بەڵام ئەستەمیش نییە ئەبێ ئیرادەی‮ ‬بەهێزبیت و بروای‮ ‬بەخۆی‮ ‬بێت‮.‬
‮❊ ‬شێوەكاری‮ ‬چی‮ ‬بە ئاوێزان بەخشێوە؟‮ ‬ئەی‮ ‬چی‮ ‬لێ سەندیتەوە؟
هونەری‮ ‬شێوەكاری‮ ‬توانای‮ ‬دەڕبین و بروابەخۆبون و خۆشەویستی‮ ‬بینەری‮ ‬تابلۆكانمی‮ ‬پێ بەخشیوم‮.‬
‮❊ ‬پێناسەی‮ ‬خۆت بەیەك وشە بكە؟
عیناد‮ ‬،‮ ‬دڵناسك‮.‬
‮❊ ‬ئەو ستایلەی‮ ‬ئیشی‮ ‬پێ دەكەی‮ ‬ناوی‮ ‬چییە؟
سوریالیزم
‮❊ ‬بۆچی‮ ‬سوریالیزم؟
ئیشكردن بەو رێبازە هونەریە جۆرە دەربڕینێكم پێ ئەبەخشێ كە بەوتن بۆم دەرنابڕیت‮.‬
‮❊ ‬گرینگترین پەیام بتەوێ بە شێوەكاری‮ ‬بیكێشی‮ ‬چ پەیامێكە؟
پەیامی‮ ‬ئاشتی‮.‬
‮❊ ‬كەی‮ ‬سوریالی‮ ‬لە تۆدا سەری‮ ‬هەڵدا؟
نازانم سوریالی‮ ‬لەكەیەوە لەمنا دروست بووە زیاتر بینی‮ ‬ژیانی‮ ‬خۆمە و كردوومە بە ئیش و بۆماوەی‮ ‬شەش ساڵە بە سریالی‮ ‬كاردەكەم‮.‬