هیمداد عەبدوڵڵا خۆشناو
خودایگەوەرە مرۆڤایەتی دروست كردوە لەسەرئەساسی زمان و كلتوری جیاوازدا و حەقی ژیانی پێداون ،نەتەوەی كوردیش وەك هەرنەتەوەیەكی تری سەرزەوی خوایگەورە دروستی كردووە و لەوچوارچێوەیەدا مافی خۆیەتی بەئازادی بژیت وەك هەرگەلێكی تری سەرزەوی.
بەڵام بەداخەوە نەك مافەكانی لێ زەوت كراوە لەلایەن دوژمنانی بگرە مافی ژیانیشی پێ ڕەوا نەبینراوە، ڕژێمە داگیركەرەكان بەزۆری زەبری هێز و چەك كوردیان چەوساندۆتەوە و جۆرەها مردنیان لەسەری تاقی كردۆتەوە و جۆرەها چەكیشیان لەدژبەكار هێناوە وەك بڵێی كورد بوون كفربێت!
هەموو شۆڕش و قوربانیەكانی گەلی كورد لەپێناو ئازادی و سەربەستی بووە و لەوپێناوەشدا دەریایەك خوێنی داوە بۆئەوەی شادبێت بەمافە ڕەواكانی بۆئەوەی وەك هەر گەلێكی تری سەرزەوی بەسەربڵندی بژیت دوور لەژێردەستەیی.
ئەوەی جێی داخە دووژمنان لەژێر ناوی ئاین دژایەتی كردنی گەلی كوردیان كردۆتە كاری لەپێشینەیان و كوردیان چەوساندۆتەوە و كارەساتی نامرۆڤانەیان دەرحەق بەكورد كردوە،لەكاتێكدا بەشی هەرەزۆری سەركردەكانی كورد لە حوجرە وە پێگەیشتوون و هەڵگری ناوی شێخ و مەلا بووینە و ئەو دەوڵەتانەی دین بەكورد دەفرۆشنەوە لەوان دیندارتر و خواناس تربووینە و گومانمان نیە سەركردەكانی دوژمنانمان بۆ ڕیكلام و بانگەشە قورئان بەرز دەكەنەوە و لەژێر مەندیلی مەلا و ڕیشدا، خوێنی كوردیان حەلال كردوە،پێچەوانەی سەركردەكانی ئێمەن چونكە ئەوانەی ئێمە قورئانیان لەسەر خۆیان جێبەجێ كردوە و بازرگانیان پێ نەكردوە،كەسیان بەناحەق نەكوشتووە، هیچ میللەتێكیان ئەنفال و كیمیاباران نەكردوە،تەنها داوای مافی گەلەكەیان كردوە هەروەك پێغەمبەری خوامحمد د.خ دەفەرمووێ:كل المسلم علی المسلم حرام ئەم فەرموودەیە مسوڵمانان و نامسوڵمانیش دەگرێتەوە، واتە چۆن رشتنی خوێنی مسوڵمان حەرامە، بەهەمان شێوە بۆ نامسوڵمانیش حەرامە، هەر بەپێی ئەو فەرموودەیە پێغەمبەر خوێن و ماڵ و ناموس حەرام دەكات نەك حەلال بكات وەك ئەوان.
لەلایەكی ترەوە دوای خەباتی سەدساڵی گەلی كورد دواجار بەسەرۆكایەتی سەرۆك بارزانی گەلی كورد لەباشوری كوردستان لە25ی ئەیلولی 2017 لە ریفراندۆمێكی تەواو دیموكراسیدا، ئەودیموكراسیەی ئەوان بانگەشەی بۆدەكەن لە %93 كوردستانیان بڕیاریاندا كە سەربەخۆبن و ببن بەخاوەنی دەوڵەت، بەڵام دیسانەوە دوژمنان ئەوەیان پێ ڕاوانەبینین و ئەومافەی كەخودای گەورەپێیداوین ئەوان دژی وەستانەوە، هەوڵی شكاندنی شكۆ و كەڕامەتی تاكی كردیان دا بەدژایەتیكردنی ڕیفراندۆم، لەكاتێكداكەرامەتی مرۆڤ چەمكێكی قورئانییەو خوای گەورە جەخت لەسەر پاراستنی دەكاتەوە، كەئەمانیش كۆمەڵێك بنەمای گرنگن بۆ پاراستنی مافەكان و هەست كردن بەبەرپرسیارێتی بەرامبەر بەمرۆڤ.
لەئیسلامدا دەست درێژی بۆ سەر ئەم مافانە دەست درێژیە بۆسەر گەورەترین بەهای مرۆڤایەتی كە كەرامەتی مرۆڤە، چونكە مرۆڤ پیرۆزە و كوردیش مرۆڤن. ئەو گیانەی كەتیایەتی بەشێكە لەگیانی خوا ونفخنا فیە من روحنا هەموو ئەمانە پێمان ئەڵێن نەكوردبوون كفرە، نەڕیفراندۆمەكە كفربوو، نەخوێنی كوردیش حەلالە، ئەوەی دوژمنانیش لەژێرناوی دین بەرامبەرمان دەكەن درۆیەكی شاخدارە و شەرعیەت دانە بەتاوانەكانیان، كە دواجار بەسەر خۆیان دەشكێتەوە و بەر نەعلەتی خوا دەكەون.
