خه‌بات: ‬فاتیح بەرزنجی:-
ڕێگاوبانەكانی‮ ‬كوردستان پێویستیان بە بودجەیەكی‮ ‬زۆر هەیە تا بكرێن بە جووت ساید و زۆربەی‮ ‬رووداوەكانی‮ ‬هاتوچۆ بۆ خراپی‮ ‬رێگاوبانەكان دەگەڕێتەوەو لەم ساڵانەی‮ ‬دواییشدا بەهۆی‮ ‬قەیرانی‮ ‬دارایی‮ ‬نەتوانراوە بودجە بۆ چاككردنەوەو قیرتاوكردنی‮ ‬ڕێگاوبانەكان تەرخان بكرێت‮. ‬وەزارەتی‮ ‬ئاوەدانكردنەوەو نیشتەجێكردن لە چوارچێوەی‮ ‬كارو بەرنامەی‮ ‬خۆی‮ ‬خەریكە كارو پڕۆژەكانی‮ ‬ڕێگاوبان دەست پێ بكاتەوەو لەو ماوەیەش بڕی‮ ‬40 ملیار دیناری‮ ‬بۆ نۆژەنكردنەوەی‮ ‬ڕێگاوبانەكان تەرخانكرد سەبارەت نۆژەنكردنەوەی‮ ‬ڕێگاوبانەكان وەك‮ ‬ڕۆژنامەی‮ ‬خەبات ئەو بەدواداچوونەمان ئەنجامدا‮:‬

تەرخانكردنی‮ ‬بڕی‮ ‬40 ملیار دینار بۆ چاككرنەوەی‮ ‬ڕێگاوبانەكان
لە لێدوانێكدا بۆ دەزگاكانی‮ ‬ڕاگەیاندن دانا عەبدولكەریم وەزیری‮ ‬ئاوەدانكردنەوەو نیشتەجێكردن‮ ‬ڕوونیكردەوە‮: ‬بڕی‮ ‬40 ملیار دینار بۆ نۆژەنكردنەوەی‮ ‬ڕێگاوبانەكان تەرخانكراوەو لە چەندین شوێن كارەكان دەستیان پێكراوەو دراوەتە بەڵێندەرەكان و هەربەڵێندەرێكیش كەمتەرخەم‮ ‬بێت لەكارەكەی‮ ‬سزا دەدرێت و بەردەوام چاودێریكردن بۆ پڕۆژەكان هەیەو پێویستە بەماوەی‮ ‬70 ڕۆژ كاركردن لەو پڕۆژانە تەواو بكرێن و بڕی‮ ‬ئەو پارەیەی‮ ‬كە تەرخانكراوە بەو شێوەیە دابەشكراوە بڕی‮ ‬11 ملیار دینار بۆ چاككردنەوەو نۆژەنكردنەوەی‮ ‬ڕێگاوبانەكانی‮ ‬سنووری‮ ‬شاری‮ ‬هەولێر تەرخانكراوەو ژمارەیەك‮ ‬ڕێگاوبانی‮ ‬دەڤەری‮ ‬سۆرانیش نۆژەن دەكرێنەوەو ئێستاش كاركردن تیایدا بەردەوامەو زۆرجار هەوڵ دەدەین ئەو پڕۆژانە لەشارەكان بەسەر بكەینەوە پێویستە پڕۆژەكان بەكوالیتیەكی‮ ‬بەرز ئەنجام بدرێت و بڕە پارەیەكیش دراوەتە بەڵێندەرەكان و چاودێری‮ ‬كارەكانیان دەكرێت و كەمتەرخەمی‮ ‬لە هییچ بەڵێندەرێك قەبوڵ ناكەین‮.‬
دواتر‮ ‬سدقی‮ ‬ئامێدی‮ ‬بریكاری‮ ‬وەزارەتی‮ ‬ئاوەدانكردنەوە بۆ‮ ‬ڕێگاوبان‮ ‬ڕوونیكردنەوە‮: ‬وەزارەتی‮ ‬ئاوەدانكردنەوەو نیشتەجێكردن بەردەوام لە هەوڵی‮ ‬چاككردنەوەو پاراستنی‮ ‬ڕێگاوبانەكانەو ئەگەر قەیرانی‮ ‬دارایی‮ ‬نەووایە ئەوا ژمارەیەك‮ ‬ڕێگاوبان دەكران بە جووت سایدو زۆربەی‮ ‬ڕێگاوبانە تێكچووەكانیش قیرتاو دەكرانەوەبەشێوەی‮ ‬ستادندارد واخەریكە لەچوارچێوەی‮ ‬كارەكانمان‮ ‬كارو پڕۆژەكان دەست پێ دەكەنەوەو بڕی‮ ‬40 ملیار دینار بۆ نۆژەنكردنەوەی‮ ‬ڕێگاوبانەكان تەرخانكراوەو كارەكان دەستیان پێ كراوەو پێویستە بەماوەی‮ ‬70 ڕۆژ كارەكان تەواو بكرێن و هەر بەڵێندەرێكیش كەم تەرخەم بێت سزا دەدرێت و بەردەوام چاودێری‮ ‬پڕۆژەكان دەكەین‮.‬

پڕۆژەی‮ ‬نۆژەنكردنەوەی‮ ‬ڕێگاوبانەكان بە تۆكمەیی‮ ‬ئەنجام دەدرێت
ئەندازیار دڵشاد عیمادەدین بەڕێوەبەری‮ ‬چاككردنەوەو پاراستنی‮ ‬ڕێگاوبانی‮ ‬هەولێر‮ ‬ڕوونیكردەوە‮: ‬ماوەی‮ ‬چەندین ساڵ بوو لەبەر هۆكاری‮ ‬قەیرانی‮ ‬دارایی‮ ‬نەمان دەتوانی‮ ‬كار بۆ نۆژەنكردنەوەی‮ ‬ڕێگاوبانەكان بكەین واخەریكە بەهەوڵ و كۆششی‮ ‬حكومەتی‮ ‬هەرێم و وەزارەتی‮ ‬ئاوەدانكرنەوە كارە كان دەست پێ دەكەنەوەو ماوەیەكە كاری‮ ‬نۆژەنكردنەوەكە دەستیان پێ كردووەو كارەكان بەشێوەیەكی‮ ‬تۆكمەو داڕێژراو بەڕێوە دەچن و ئێمەش چاودێری‮ ‬ووردی‮ ‬پڕۆژەكان دەكەین و پلان و بەرنامەی‮ ‬وەزارەتی‮ ‬ئاوەدانكردنەوە گرنگیدانە بە تۆڕی‮ ‬ڕێگاوبانەكان و لەنزیكەوەش وەك بەڕێوەبەرایەتی‮ ‬چاككردنەوەو پاراستنی‮ ‬ڕێگاوبان سەردانی‮ ‬مەیدانی‮ ‬پڕۆژەی‮ ‬نۆژەنكردنەوەی‮ ‬ڕێگاوبانەكان دەكەین هەوڵمانداوە بەزوویی‮ ‬ڕێگا سەرەكیەكان‮ ‬چاك بكرێنەوەو كارەكان گەلێك زۆرن چاككردنەوەكەش بەشێوازی‮ ‬ستاندارد چاك دەكرێنەوە بۆ ئەوەی‮ ‬كارەكان لەكاتی‮ ‬خۆی‮ ‬تەواو بكرێت چەندین جار كۆبوونەوەمان لەگەڵ ئەندازیاران و تەكنیكارانی‮ ‬خۆمان كردووەو تیمەكانمان لە شارو شارەدیچیەكانی‮ ‬سنوری‮ ‬شاری‮ ‬هەولێر كاری‮ ‬خۆیان ئەنجام دەدەن دیارە هەموو ئەو كارانە بەپێی‮ ‬پلان و ئەو دەرخستانەی‮ ‬كە پێشتر ئامادەمان كردووە پڕۆژەكان دەستیان پێ كراوەو لەلایەن حكومەتی‮ ‬هەرێمیش بودجەی‮ ‬بۆ تەخانكراوەو‮ ‬ڕۆژانە كارەكان درێژەیان هەیە‮.‬