خالد ئەحمەد بادی
هەر تشتەكێ لسەر بنەمایێن شاش وخوار هاتبیتە دانان ئانكو كارەكێ بێ بنەما دێ ئەو كار‮ ‬یان كریار ب زویترین دەم هێتە تێكدان وهەرفاندن‮. ‬هەر لدەست پێكا پەیدا بونا دەولەتا عیراقێ ل سالێن بیستان‮ ‬وتا نوكە چونكە لسەر بنچینەكێ شاش وخوار هاتیە دانان تا نوكە كارتێكرنێن نەرێنی‮ ‬كرینە سەر هەمی‮ ‬بوارێن ژیانێ لعیراقا فیدرال وهەمی‮ ‬پێكهات ولایەن و‮ ‬وەلاتیێن سڤێل بوینە قوربان وعیراق ژ وەلاتەكێ زەنگین وپری‮ ‬سەروەت وسامان و ژێدەرێن ژیانێ‮ ‬یێن ب مفا بویە وەلاتەكێ كەفتی‮ ‬وهەژار وپاشكەفتی‮ ‬و پری‮ ‬نەزانین‮.‬
ئارێشا هەرە مەزن‮ ‬یا دناڤ عیراقییان دا ئەو نینە كو وەلاتەكێ زەنگین بیت بەلكو هەژارترین وەلاتە چونكە ژئالییێ نەزانین وجاهلیەتێ هەژارترین وەلاتە وپشت بەستنا خو دایە سەر بنەمایێن شاش وچەوت‮ ‬وزانست ژبیر كریە ونەزانین زور زێدە بویە و دیسا پشت بستیا خو دایە سەر مەزهەبیەت وعەشیرەتگەری‮ ‬و‮ ‬ئاغا وشێخێن عەشیرا ومەلا وقەشە كرینە رێنیشاندەر وبلا بهێلن مەلا مەلاتیا خو بكەت وب دروستاهی‮ ‬ئایینێ پیروز برێڤە ببەت وبهێلن‮ ‬قەشە ب دروستاهی‮ ‬قەشاتیا خو بكەت وكار بكەن بو نەهێلان وبراندنا شێخێن عەشیرەتا ودویڤەلانكیا ئاغا وبەگ وسەروك جاشان وبتنێ پشت بەستیا خو بدەنە زانست وزانین وسیستەم ویاسایان ودێ لوی‮ ‬دەمی‮ ‬نە عیراق بتنێ بەلكو هەموو ئەو وەلاتێن ڤان رەفتار وكاران دكەن دێ لاپەرەكێ نوی‮ ‬ڤەكەن ودێ كەڤنە دكێبركا پێشكەفتنێ دا وژ لیستا وەلاتێن پاشكەفتی‮ ‬دەركەڤن‮ . ‬چ جاران لعیراقێ رەوش ئارام نەبویە وهەر روژەكێ قادا عیراقێ پرسگرێكەكێ بخوڤە دگریت ولڤان روژێن بوری‮ ‬دیسا پێلەكا دی‮ ‬یا نەرازیبون وخونیشاندانێن مەزن وبەرفرەه لزوربەیا باژێرێن عیراقێ رویداینە وبویە ئەگەرێ پەیدا بونا قوربانیێن زێدە ژ كوشتی‮ ‬وبرینداران ودبەردەوامن وئەڤ جارە ژی‮ ‬دیسا عەقلیەتا بەرتەنگا تاكێن عیراقی‮ ‬كو بوینە دار دەستێن وەلاتێن دەردور وهەرێمی‮ ‬وبیانی‮ ‬وئەو وەلاتە ئەجندایێن خو‮ ‬یێن سیاسی‮ ‬وئابوری‮ ‬ودارایی‮ ‬و مەزهەبی‮ ‬لسەر عیراقێ دسەپینن ودیسا زەرەرمەندێ هەر ئێكێ وسەرەكی‮ ‬وەلاتیێن سڤێل وبێ گونەهن‮ ‬،عیراق كەفتیە ددەستێن هندەك حوكمرانان دا كو نەشیێت خو بتنێ‮ ‬برێڤە ببەت‮ ‬ئەڤجا دێ چەوان شێت ئیدارا ملیونان مروڤان بكەت‮ .‬ئەی‮ ‬تاكێن كومەلگەهان‮ ‬پشت راست بە ئەگەر تو شكەستی‮ ‬كەس تە لێك نا دەت بتنێ تو بخو نەبی‮ ‬وئەگەر تە شكەستنەك خوار‮ ‬تو بخو ب شیانێن خو‮ ‬یێن كەسوكی‮ ‬نە بیت تو نا رابیە ڤە لسەر پێت خو بتنێ تە ئەڤ شیانە‮ ‬یێن هەین خو بهێزتر لێ بكە ژ بارودوخ وپرسگرێكێن دونیایێ ئانكو خو ژ دونیایێ بهێزتر لێ بكە وچ بهێتە سەرێ تە نە كە گری‮ ‬وبتنێ بگرنژە ودێ دونیا ژی‮ ‬بو تە گرنژیت وبلا دونیا بو خو بكەتە گری‮ .‬ئەڤجا ئەی‮ ‬وەلاتیێن عیراقی‮ ‬هوین ژی‮ ‬رێكێ نە دەنە بارودوخێن دونیایێ بلا سیستەم وزانست وزانینێ بو خو بكەنە رێنیشاندەر ولەوما روژنامە نڤێس وچیروك بێژ و رەوشەنبیر وزانایێ‮ ‬بیانی‮ ‬یێ بناڤ ودەنگ‮ (‬اریك ارپر بلێر‮) ‬یێ كو ناسناڤێ وی‮ (‬جورج اورویل‮) ‬گوتیە‮ (‬ئەو مللەتێن‮ ‬گەندەل وخائین وخودانێن بەرژەوەندێن تایبەت دهەلبژێرن بو حوكمرانیێ‮ ‬ئەو مللەت نا هێتە هژمارتن قوربانی‮ ‬بەلكو دبیتە شریكێ تاوانێ‮ ) ‬وعیراق‮ ‬یا پرە ژ گەندەل وخائین وبەرژەوەندخوازان لەوما رەوش بەرەف ئالوزتر ڤە دچیت وبلا بوچون بو خویندەڤانێن بەرێز بیت‮.‬