خه‌بات: ‬موسلیم دۆڵەمەڕی‮ – ‬بارزان:-
سروشتی‮ ‬كوردستان‮ ‬بە گشتی‮ ‬و دەڤەری‮ ‬بارزان‮ ‬بە تایبەتی‮ ‬خاوەنی‮ ‬سەدان جۆری‮ ‬گوڵ و گیای‮ ‬جۆراو جۆرن‮ ‬چ‮ ‬ئەوانەی‮ ‬بۆ خواردن‮ ‬بە كاردێن‮ ‬یان‮ ‬ئەوانەی‮ ‬كە دەشت و دۆڵ چیاكانی‮ ‬كوردستانیان‮ ‬رازاندۆتەوە، بەڵام‮ ‬ئەوەی‮ ‬جێگەی‮ ‬داخە بە دەیان‮ ‬گوڵ و گیا هەن كە ناوی‮ ‬رەسەنی‮ ‬كوردیان‮ ‬ونكردووەو ناوە بیانیەكانی‮ ‬دەوروبەرمان‮ ‬بەسەریاندا زاڵبوونە بەڵام‮ ‬ئێستا رێكخراوی‮ ‬گوڵ و سروشت‮ ‬لە دەڤەری‮ ‬بارزان‮ ‬لە هەوڵ و تێكۆشاندایە‮ ‬بۆ گەڕاندنەوەی‮ ‬ناوی‮ ‬رەسەنی‮ ‬كوردی‮ ‬بۆ گوڵ و گیاكانی‮ ‬كوردستان‮ ‬بۆ زیاتر زانیاری‮ ‬مەعروف‮ ‬سەلیم‮ ‬زورەگڤانی‮ ‬بەمشێوەیە بۆ‮ ‬خەبات‮ ‬دواو گوتی‮:

رێكخراوەكەمان‮ ‬ناوی‮ ‬گوڵ و سروشتە كە بە شێوەیەكی‮ ‬فەرمی‮ ‬مۆڵەتمان‮ ‬لە حكومەتی‮ ‬هەرێمی‮ ‬كوردستان‮ ‬وەرگرتووەو كار لەسەر‮ ‬بەرنامەكانمان‮ ‬دەكەین‮. ‬
سەبارەت‮ ‬بە ئەندامانی‮ ‬رێكخراوەكەو ئەندامبوون‮ ‬لە رێكخراو گوتی‮:‬ئێستا ئێمە‮ ‬تەنها پێنج‮ ‬ئەندامی‮ ‬سەرەكین‮ ‬لە رێكخراوەكەمان‮ ‬كە سێیان‮ ‬رەگەزی‮ ‬نێرو دووشیان‮ ‬رەگەزی‮ ‬مێن‮ ‬وەكو دەستەی‮ ‬كارگێڕی‮ ‬رێكخراوەكەمان‮ ‬و سەبارەت‮ ‬بە ئەندامبوون لە رێكخراوەكەمان‮ ‬مەرجی‮ ‬سەرەكیمان‮ ‬ئەوەیە‮ ‬دەبێت‮ ‬وێنەگربێت‮ ‬یان‮ ‬ئارەزووی‮ ‬وێنەگرتنی‮ ‬هەبێت‮ ‬بە تایبەتی‮ ‬لە بواری‮ ‬گوڵ و گیادا‮.
‬
سەبارەت‮ ‬بە سنووری‮ ‬چالاكیەكانیان گوتی‮ : ‬چالاكیەكانمان سنووردار نین‮ ‬بەپێی‮ ‬توانامان‮ ‬لە تەواوی‮ ‬كوردستان‮ ‬كەپێویست‮ ‬بێت چالاكی‮ ‬و گەڕان‮ ‬بە دوای‮ ‬دۆزینەوەی‮ ‬گوڵ و گیای‮ ‬دەگمەن‮ ‬ئەنجامدەدەین و لێكۆڵینەوەش لەجۆرەكانیان و ناوەكانیان‮ ‬دەكەین‮ ‬كە تاكو ئێستا‮ ‬زیاتر لە‮ ‬100 ‮ ‬جۆری‮ ‬گوڵی‮ ‬جوان و دەگمەنمان‮ ‬تۆماركردووە‮ ‬بەڵام‮ ‬گرفتی‮ ‬سەرەكیمان‮ ‬دۆزینەوەی‮ ‬ناوی‮ ‬رەسەنی‮ ‬كوردیە بۆ گوڵەكان چونكە هەر شوێنێك‮ ‬ناوی‮ ‬تایبەتی‮ ‬و جیاوازی‮ ‬هەیە بۆ گوڵەكان‮ ‬كە ناوی‮ ‬یەكگرتوومان‮ ‬زۆر كەمە‮. ‬

سەبارەت‮ ‬بە ئامانجی‮ ‬سەرەكی‮ ‬رێكخراوەكەیان‮ ‬گوتی‮ : ‬ئامانجی‮ ‬سەرەكی‮ ‬رێكخراوەكەمان‮ ‬ناساندنی‮ ‬گوڵی‮ ‬خۆرسكی‮ ‬كوردستانەو‮ ‬دۆزینەوەی‮ ‬ناوی‮ ‬رەسەنی‮ ‬كوردیە‮ ‬بۆ گوڵ و گیاكانی‮ ‬كوردستان‮ ‬بە گشتی‮ ‬و دەڤەری‮ ‬بارزان‮ ‬بە تایبەتی
سەبارەت‮ ‬بە كردنەوەی‮ ‬پێشانگاو چالاكیەكانی‮ ‬تریان‮ ‬گوتی‮ : ‬بەڵێ‮ ‬ئێمە بەردەوامین‮ ‬لە گەڕان و ئەنجامدانی‮ ‬چالاكی‮ ‬جۆراو جۆرو هەروەها‮ ‬تاكو ئێستا ژمارەیەك‮ ‬لە پێشانگای‮ ‬جۆری‮ ‬گوڵ و گیامان‮ ‬كردۆتەوە‮ ‬لە چەند‮ ‬ناوچەیەكی‮ ‬جیای‮ ‬كوردستان و ئینشائەڵڵا‮ ‬بەردەوامیش‮ ‬دەبین‮ ‬لە كردنەوەی‮ ‬پێشانگای‮ ‬ترو خستنە رووی‮ ‬گوڵی‮ ‬دەگمەن و ناوی‮ ‬رەسەنی‮ ‬كوردی‮ ‬گوڵەكان‮ ‬بۆ كوردستانیانمان‮.

لەكۆتاییدا گوتی‮ : ‬هیوادارین كوردستانیان‮ ‬هاوكارمان‮ ‬بن لە دۆزینەوە‮ ‬یان‮ ‬وێنەگرتنی‮ ‬گوڵ و گیای‮ ‬دەكمەن و دۆزینەوەی‮ ‬ناوی‮ ‬رەسەنی‮ ‬كوردی‮ ‬بۆ گوڵ و گیاكان و هەروەها‮ ‬داواكارین‮ ‬لە لایەنی‮ ‬پەیوەندار‮ ‬كە هاوكارمان‮ ‬بن‮ ‬بۆ ئەوەی‮ ‬بتوانین‮ ‬زیاتر خزمەت‮ ‬بە ژینگەی‮ ‬كوردستان و زمانی‮ ‬رەسەنی‮ ‬كوردیمان‮ ‬بكەین‮. ‬