خه‌بات‮: ‬هێمن ئاری:-
ڕۆژنامەنووس و فۆتۆگرافەر‮ ‬ڕزگارسیان‮ ‬،‮ ‬لە ساڵی‮ ‬1965 ‮ ‬لە گەڕەگی‮ ‬سەعدوناوە لەشاری‮ ‬هەولێر لەدایكبووە‮. ‬وەك خۆی‮ ‬لەم دیمانەی‮ ‬رۆژنامەی‮ ‬خەبات ئاماژەی‮ ‬پێدەكات لەمناڵیمەوە ئارەزووی‮ ‬هونەری‮ ‬فۆتۆگرافەری‮ ‬هەبووە و بەكامیرای‮ ‬سەرشەقامەكان كە‮ ‬ڕەش و سپی‮ ‬بووە دەستی‮ ‬پێكردووە،لەتەمەنی‮ ‬حەوت ساڵیدا‮ ‬هەستی‮ ‬وێنەگری‮ ‬هەبووە و دەستی‮ ‬بەكاری‮ ‬وێنەگرتن كردووە‮. ‬دەڵێت‮: ‬لە ساڵی‮ ‬1979 ‮ ‬كامیرای‮ ‬كۆداك فەوریم بە كارهێنا وێنەی‮ ‬ئەو سەردەمم گرتووە‮. ‬ئەندامی‮ ‬كۆمەڵەی‮ ‬وێنەگرانی‮ ‬كورستان و ئەندامی‮ ‬سەندیكای‮ ‬ڕۆژنامەنووسانی‮ ‬كوردستان و ئەندامی‮ ‬سەندیكای‮ ‬ڕۆژنامەنووسانی‮ ‬نێودەوڵەتییە‮. ‬هەروەها بەرپرسی‮ ‬ڕێكخراوی‮ ‬زوومە بۆ پەرەپێدانی‮ ‬هونەری‮ ‬و كەلتووری‮ ‬،بەشداری‮ ‬لەدەیان كاروچالاكی‮ ‬ڕێكخراوەكانی‮ ‬مەدەنی‮ ‬كردووە‮ ‬،‮ ‬بەشداری‮ ‬دووەمین ڤیستڤاڵی‮ ‬شیعری‮ ‬كوردی‮ ‬كردووە لە ساڵی‮ ‬1985، لەپێشانگای‮ ‬هاوبەشی‮ ‬فۆتۆگرافی‮ ‬بەشداربووە لەوڵاتی‮ ‬ئەڵمانیا‮ ‬پێشانگای‮ ‬تایبەتی‮ ‬كردۆتەوە،‮ ‬لە هەولێرو شارۆچكەكان پێشانگای‮ ‬كردۆتەوە،‮ ‬دەڵێت:هەر لەساڵی‮ ‬1979‮ ‬بە دوواوە من هەم بەدەنگ و‮ ‬ڕەنگ ئەرشیفێكی‮ ‬زۆری‮ ‬هەیە لەهی‮ ‬كەسایەتی‮ ‬سیاسی‮ ‬و كۆمەڵایەتی‮ ‬و هونەری‮ ‬و‮….‬هتد.

هەروەها بایەخ بەچركاندنی‮ ‬وێنەی‮ ‬سروشتی‮ ‬كوردستان دەدات‮. ‬هەتا ئەو وێنانەی‮ ‬لەسەردەمی‮ ‬شاخ و پێشمەرگایەتی‮ ‬گرتووە هەمووی‮ ‬بەكامیراكەی‮ ‬خۆی‮ ‬وەك مێژوو تۆماریكردوون‮ ‬هەم گوندە‮ ‬ڕووخاوەكان و سەربردەی‮ ‬ئەنفال و شۆڕشەكان و‮ …‬
هەروەها پەیامنێری‮ ‬ئەسوشیتد پرێس بووە بۆ گواستنەوەی‮ ‬هەواڵ و بۆردومانەكانی‮ ‬كوردستان‮ ‬،،‮ ‬پەیامنێری‮ ‬زۆربەی‮ ‬ڕۆژنامە و گۆڤارەكانی‮ ‬كوردستان بووە‮.‬
چۆن بواری‮ ‬هونەری‮ ‬فۆتۆگرافەرت هەڵبژارد؟
لە تەمەنی‮ ‬هەرزەكاریمەوە كە چوومە ناو بارودۆخێكی‮ ‬سیاسی‮ ‬و كۆمەڵایەتی‮ ‬توانیم باوەڕبەخۆبوونم بكەم ئەوكاتیش بۆ تۆماركردنی‮ ‬ڕووداوەكان و گەشتەكانم حەزم چوو كامیرا بكەمە هەگبەی‮ ‬ئەو مێژوو و ئەرشیفانەی‮ ‬كە لەتەمەنما تێدەپەڕێ‮.‬

دیمەن و سروشتی‮ ‬كوردستان تا چ ئاستێك گونجاوە بۆ ئەوەی‮ ‬فۆتۆگرافەر بتوانێت بۆ زومی‮ ‬كامیراكەی‮ ‬سوودی‮ ‬لێوەربگرێت؟
سرووشتی‮ ‬كوردستان كەسەردەكەوی‮ ‬بۆ بەرزی‮ ‬شاخەكانی‮ ‬هەناسەیەكی‮ ‬پاك،‮ ‬دیمەنێك جیاواز كە بەكراوەیی‮ ‬چاوی‮ ‬خۆت و كامیراكەت،‮ ‬نیشتیمانت وێنادەكەیت لەهەموو ئەو باڵندە و درەخت و ژیانی‮ ‬سادەیی‮ ‬ماڵە‮ ‬ڕەوەندەكان و لە كەلی‮ ‬شاخەكانیش ئاسۆی‮ ‬بەیانی‮ ‬و خۆڕئابوون دەبینی‮ ‬كە سرووشتێكی‮ ‬ڕاستەقینەی‮ ‬مرۆڤایەتین‮. ‬وا هەستەكەیت بۆ ئەوە دروستكراون وێنەیان بگریت كەهێندە سەرەنج‮ ‬ڕاكێشە دیمەنەكانی‮.

لەكوردستان تا چ ئاستێك بایەخ بە هونەری‮ ‬فۆتۆگرافەر دراوە بەبەراورد لەگەڵ بوارەكانی‮ ‬دیكەی‮ ‬هونەر؟
بایەخ بە هونەری‮ ‬فۆتۆگرافی‮ ‬دراوە‮ ‬،‮ ‬حەزی‮ ‬گەنجەكانمان زۆر بووە و كامیرای‮ ‬پێشكەوتوو و لێنزە نایابەكان بەدەستیانەوەیە‮. ‬بەڵام ناتوانین بەهەموو كامێرا بەدەستێك بڵێین فۆتۆگرافەر،چونكە ئەویش هونەرێكی‮ ‬گەورەیە،‮ ‬ئەزموونی‮ ‬فۆتۆگرافی‮ ‬لای‮ ‬من پێویستی‮ ‬بەماندووبوون و‮ ‬ڕاوكردنێكی‮ ‬لێزانانە هەیە تا بتوانی‮ ‬ئەو وێنەی‮ ‬كە پێكاوە‮ ‬بۆ جوانییەكەی،‮ ‬یادەبێتە چیرۆكێك و ئەرشێفێكی‮ ‬مێژوویی‮ ‬كە لە داهاتوو بۆ‮ ‬ڕابردوو دەمانگێڕێتەوە‮ ‬،‮ ‬بەداخەوە لە كوردستان‮ ‬كامیرەوانی‮ ‬سەرشەقام و فۆتۆگرافەری‮ ‬ڕاستەقینە‮ ‬جیاناكرێتەوە‮ ‬،‮ ‬هونەری‮ ‬شێوەكاری‮ ‬دیمەنەكانیان زۆر شاراوەن كۆمەڵگای‮ ‬ئێمە زمان و شاكاری‮ ‬سادەو تێگەیشتنێكی‮ ‬خێرای‮ ‬دەوێ،‮ ‬چونكە‮ ‬ڕەنگەكان زۆر ئاڵۆزن‮ ‬بۆ‮ ‬ڕوونكردنەوە‮ ‬یان درەنگ دەكەوێ‮ .‬هونەری‮ ‬شێوەكاریش ئەو تابڵۆیانەی‮ ‬لایەنی‮ ‬كەلتووری‮ ‬كوردەواری‮ ‬و سروشتی‮ ‬ژیانی‮ ‬لادێی‮ ‬تێدا‮ ‬بەرجەستە دەكەن گوزارشت لە مێژووی‮ ‬كورد دەكەن‮.‬

جیاوازی‮ ‬هونەری‮ ‬فۆتۆگرافەر لەگەڵ هونەرەكانی‮ ‬دیكە چییە؟
هونەری‮ ‬فۆتۆگرافەر لەهەموو هونەرەكانی‮ ‬تر جیاوازترە،‮ ‬چونكە هەموو تۆمارێكی‮ ‬هونەری‮ ‬لە چاوی‮ ‬كامیراو ماندووبوونی‮ ‬فۆتۆگرافەرەكەوە هەڵدەگیرێ‮ . ‬كامیرا نە بێ پەنجەكان بەتەنیا ناتوانن شێوەكاری‮ ‬هونەرەكان لە چركەیەكدا‮ ‬تۆمار بكەن‮.‬