خالد ئەحمەد بادی
ئەگەر لناڤەروكا فەرهەنگا دیروكی‮ ‬و سیاسی‮ ‬و كومەلایەتی‮ ‬دا لێگەریانەكێ بكەین و هێدی‮ ‬هێدی‮ ‬لاپەرێن فەرهەنگێ ڤەكەین و پێداچونەكا لناڤ رێز و رستەیێن وێ دا بكەین دێ بینین كو ئەڤ جیهانە مینا تەڤنێ تەڤن پیركێ‮ ‬یێ گرێكدار و ئاسێ‮ ‬یە و پرنسیپێ بەرژەوەندێن تایبەت‮ ‬یێ پێش چاڤ وئاشكەرایە و شەرێ وەلاتێن‮ ‬زلهێز و مەزن و وەلاتێن بەرژەوەندخواز و‮ ‬یێن خودانێن بڕیار وبەرژەوەندێن تایبەت‮ ‬یێ بەردەوامە و لسەر زور پرس وكاران ناكوكن لێ لسەر پرسێن بەرژەوەندێن تایبەت و بەرفرەه كرنا نفوزێ خۆ و سنورێن تایبەتێن خۆ دهەڤ بریار و هەڤ رانە‮. ‬كورد هەردەم كەفتینە دناڤ گێلەشوك و تەبك و داڤێن بەرژەوەندخواز و زلهێزان و مللەتێ كورد و كوردستان بووینە پاریێن بساناهی‮ ‬و خوش داعیراینە و زەرەرمەندێ ئێكێ وسەرەكی‮ ‬هەر كورد بویە،‮ ‬مللەتێ كورد هەردەم كەفتیە بەر باروڤا نەحەز و دوژمنان وكورد مللەتەكێ ئارام و جوامێرە و هەر دەم دكەڤنە بن كونترولا پتریا وەلاتێن جیهانێ و ژبەر جوامێری‮ ‬وئارامی‮ ‬و دلساخیا خو باوەریێ ددەت‮ ‬یێ بەرامبەر لێ ژبەر وێ باوەریا بێ گونەه دكەڤنە بەر باهوز و باروڤە‮ ‬یا نەحەزان و مینا هەمی‮ ‬جاران ل رێكەفتی‮ ‬9\10\2019 هێرشێن مەزن چونە سەر كوردان ل روژئاڤایێ كوردستانێ ژلایێ توركیا ڤە ژبەر وێ سیاسەتا شاش و ئیستراتیجیەتا نەئاشكەرا‮ ‬یا دەستهەلاتدارێن روژئاڤایێ كوردستانێ كو جاران خۆ دگەل لایەنێ وەلاتێن ئەمریكی‮ ‬و ئەوروپی‮ ‬خو دگونجاند و هندەك جاران ژی‮ ‬دگەل لایەنێ روسیا بوون و جاران ژی‮ ‬دگەل ئیرانا عەلەوی‮ ‬دا‮ ‬بوون و هەر جار ب ئیستراتیجیەتەكا نە دیار تا كو گەهشتیە ڤی‮ ‬رادەی‮ ‬كو زاروك و ژنێن كوردان و پیرەژن و پیرەمێر لبەرچاڤێن مە دهێنە شەهیدكرن و زولم لسەر وانان دهیتە كرن و براستی‮ ‬ئەڤە كارەساتەكا مەزنە و مینا ئەنفال و جینوسایدایە‮. ‬زور رێكەفتن و پیلان لسەر كوردان‮ ‬گرێداینە و سەركەفتن بدەست ڤە ئیناینە مینا‮ ‬رێكەفتناما سایكس پیكو‮ ‬یا جەزائیر و‮ ‬یا ئوسمانلی‮ ‬یا ل سالێن هەشتێیان كو بتنێ هەمییان بەرژەوەندیێن خو‮ ‬یێن تایبەت پاراستن و كورد فرۆتن ب بهایەكێ ئەرزان و ڤێ جارێ ژی‮ ‬كورد هاتنە فروتن ژلایێ چوارگوشەكا مەترسیدار ڤە كو ئەو ژی‮ ‬ئەمریكا و روسیا و توركیا و بریتانیا نە و ل پشت پەردێن رەشتاری‮ ‬پیلان هاتنە گێران و پەسەند كرن و دیسا هەر تیشكا كەسك دایە توركیا كو هیرشێ بكەت سەر كوردان و دا پشت كەش و هەوایێ سیاسی‮ ‬و جوگرافی‮ ‬و كومەلایەتی‮ ‬وهتد‮ ‬مینا خۆ وبەرژەوەندێن خۆ لێك بدەن و ب پارێزن‮. ‬ل روژهەلاتا ناڤەراست هاوكێشە دهێن گهورین و ئاراستە دهێنە بن پێ كرن و رەوش ئالوزتر لێ دهێت و بەرەف‮ ‬دیمەنێن خرابتر ڤە دچیت و ڤاڤارتنێن سیاسی‮ ‬و ئابوری‮ ‬و دارایی‮ ‬و مەزهەبی‮ ‬و ئایینی‮ ‬و نەتەوەیی‮ ‬دهێنە كرن و دەڤەر هەمی‮ ‬دكەفتە بەر لێهمشتا گران و هندەك مللەت بسەر دكەڤن و هندەكێن دی‮ ‬ژی‮ ‬دشكێن و دبنە قوربان‮. ‬برسیارا من بوچی‮ ‬كورد هەردەم لبەر ڤان لێهمزشتا دكەن؟ ئایا ژبەر بێ چانسیا وانە؟‮!‬،‮ ‬یان ژی‮ ‬قەدەرا وان‮ ‬یا هویە؟‮ ‬یان ژی‮ ‬تێگەهشتنا دورهێلی‮ ‬لدەڤ كوردان‮ ‬یا كێمە‮! ‬یان لدور ناسەیر كەین‮! ‬یان ژی‮ ‬باوەریا خو ددەن لایەنێن دی‮! ‬یان ژی‮ ‬نە دئێكگرتی‮ ‬نە؟‮. ‬چونكە كوردان حوكمرانیەت كریە و ب دەهان میرگەه و میرنشین و دەولەت هەبوینە و هەمی‮ ‬هاتینە تێك شكاندن ئانكو سەربەورا حوكمرانیەتێ ژی‮ ‬هەبویە لێ بەرسف بلا بو خویندەڤانان بیت‮. ‬و لداویێ پەیاما من ئەوە هەڤدو بگرن ودەستێن خۆ بكەنە دناڤ دەستێن برایێن خو دا و بلا ب هەڤرا كار بكە ندا كودوژمنان بشكێنن پاشان كار بكەن بۆ وەرگرتنا دەستهەلاتی‮ ‬لێ ئەگەر ب ڤی‮ ‬شێوەی‮ ‬بیت كەس ژبەر باروڤ و باهوز و لێهمشتان قورتا نابیت كوردستان ئێكگرتی‮ ‬بیت و ئالایێ وێ‮ ‬یەك ئالا بیت و هێزا وێ پێشمەرگە بیت دێ كورد پاراستی‮ ‬بن و دوژمن روی‮ ‬رەش بن و خودانێن بڕیاران شكەستی‮ ‬بن‮.‬