خەبات‮-‬مەریوان نەقشبەندی
خاتوو كیوجی‮ ‬سوجینو كەسایەتی‮ ‬ناسراوی‮ ‬ژاپۆن و سكرتێری‮ ‬گشتی‮ ‬رێكخراوی‮ ‬ئاشتی‮ ‬جیهانی‮ ‬ئەو وڵاتە و سكرتێری‮ ‬كارگێڕی‮ ‬دامەزراوەی‮ ‬نێودەوڵەتی‮ ‬ئاینەكان لەپێناوی‮ ‬ئاشتی‮ ‬لە لێدوانێكی‮ ‬تایبەت بە رۆژنامەی‮ ‬خەبات باسی‮ ‬مەترسییەكانی‮ ‬ئاشتی‮ ‬لە ناوچە جیاجیاكانی‮ ‬جیهان دەكات و دەڵێ گوشارێكی‮ ‬گەورەی‮ ‬ئیقلیمی‮ ‬و نێودەوڵەتی‮ ‬لەسەر كوردستان هەیە و جیهان هەموو چاودێری‮ ‬كوردستان و حیكمەتی‮ ‬سەركردەكان و گەلی‮ ‬كوردستان دەكەن‮. ‬
خاتوو كیوجی‮ ‬سوجینو لەدرێژەی‮ ‬لێدوانە تایبەتەكەیدا بۆ رۆژنامەی‮ ‬خەبات گوتیشی‮: ‬لە كێشەی‮ ‬هەردوو كۆریا بگرە هەتا كێشەی‮ ‬ڤەنزویلا و دانیشتووانە رەسەنەكەی‮ ‬كیشوەرەكانی‮ ‬باكوور و باشووری‮ ‬ئەمەریكا و ئەفریقیا و ئوسترالیا و لەرۆژهەڵاتی‮ ‬ناوەڕاست و نەیجیریا و ئۆگەندە و كێشەی‮ ‬كشمیر لەنێوان هندستان و پاكساتان و موسڵمانانی‮ ‬میانمار و بوزییەكان و كێشەی‮ ‬توندڕۆیی‮ ‬ئاینی‮ ‬و مەزهەبی‮ ‬و سیاسی‮ ‬و كێشەی‮ ‬كۆچبەر و پەنابەر و برسێتی‮ ‬و تێكچوونی‮ ‬ژینگە هەموویان پێكەوە هەرەشە لەهەسارەی‮ ‬زەوی‮ ‬و دانیشتووانەكەی‮ ‬دەكەن‮. ‬
ئەم خاتوونە ژاپۆنیە كە چالاكوانێكی‮ ‬ناسراوی‮ ‬بواری‮ ‬ئاشتی‮ ‬و پێكەوەژیانی‮ ‬جیهانە لەدرێژەی‮ ‬لێدوانەكەیدا بۆ رۆژنامەی‮ ‬خەبات گوتی‮: ‬لە رۆژهەڵاتی‮ ‬ناوەڕاست نائارامیەكی‮ ‬ئێجگار زۆر لەهەست و دڵی‮ ‬دانیشتووانی‮ ‬ناوچەكە هەیە كە گرنگترینیان مانەوەی‮ ‬كێشەی‮ ‬كورد لەناوچەكە و كێشەی‮ ‬عەرەب و ئیسرائیل و كێشەی‮ ‬مەزهەبی‮ ‬نێوان سوننە و شیعەیە كە سەری‮ ‬كێشاوە بۆ دەستوەردانی‮ ‬ئیقلیمی‮ ‬و نێودەوڵەتی‮ ‬لەتەواوی‮ ‬وڵاتانی‮ ‬ناوچەكە و بەتایبەتیش هەرەشەی‮ ‬دوولایەنەی‮ ‬ئەمەریكا و ئێران بۆ بەرپاكردنی‮ ‬شەڕێكی‮ ‬كاولكار كە هەموو خەڵكی‮ ‬ناوچەكە زەرەرمەند دەبن تێیدا‮. ‬
خاتوو كیوجی‮ ‬سوجینو گوتیشی‮: ‬ئەگەرچی‮ ‬كورد لەباكووری‮ ‬عێراق ژیرانە سیاسەت دەكەن لەمامەڵەكردنیان لەگەڵ ئەم كێشە ئیقلیمی‮ ‬و نێودەوڵەتیەی‮ ‬كە دەیان ساڵە پێوەی‮ ‬دەناڵێنن،‮ ‬بەڵام چارەسەركردنی‮ ‬كێشەی‮ ‬كورد و لەبەرچاوگرتنی‮ ‬مافی‮ ‬رەوای‮ ‬گەلانی‮ ‬كوردستان و ئەو ئەزموونە سەركەوتووەی‮ ‬كە هەرێمی‮ ‬كوردستان لەئاشتی‮ ‬كۆمەڵایەتی‮ ‬و پێكەوەژیانی‮ ‬نێوان ئاین و نەتەوە و مەزهەبەكان پەیڕەو دەكرێ،‮ ‬گەرەنتی‮ ‬هێوركردنەوەی‮ ‬بەشێك لەكێشەكانی‮ ‬رۆژهەڵاتی‮ ‬ناوەڕاستە و پێویستە نەتەوەیەكگرتوەكان و كۆمەڵگەی‮ ‬نێودەوڵەتی‮ ‬زیاتر مرۆییانە هەڵسوكەوت بكەن و لەسەر بنەمای‮ ‬بەهێزی‮ ‬و لاوازی،‮ ‬گەورە و بچووك مامەڵە لەگەڵ خەڵكی‮ ‬كوردستان و ناوچەكە نەكەن‮. ‬لەكۆتایی‮ ‬قسەكانیشیدا ئەم خاتوونە هیوای‮ ‬خواست لەنزیكترین كاتدا سەردانی‮ ‬كوردستان بكات و بەچین و توێژەكانی‮ ‬بگات و گفتوگۆیان لەگەڵ بكات‮.‬