خه‌بات: سەرهەنگ نەجمەدین‮:-‬
زۆر‮ ‬یاریزان هەرن لەهەردوو‮ ‬ڕەگەزی‮ ‬كوڕان وكچان دوورن لەچاوی‮ ‬میدیاكانی‮ ‬وەرزشی‮ ‬كوردستان،‮ ‬بەڵكو زۆربەیان لەلایەن خوێنەرانی‮ ‬وەرزشی‮ ‬كوردستان هەر نەناسراون‮ ‬،‮ ‬بەتایبەتی‮ ‬زۆر لەكچە‮ ‬یاریزانەكانی‮ ‬كوردستان هەن خاوەن بەهرەیەكی‮ ‬یەكجار بەرز و بەتوانان لە‮ ‬یاریكردندا،‮ ‬بەڵام بەداخەوە ئەوان وەك‮ ‬یاریزانانی‮ ‬تۆپی‮ ‬پێ‮ ‬بەدەزگا‮ ‬ڕاگەیاندنەكان نەناسراون و هەمیشە لەزۆر‮ ‬ڕووەوە فەرامۆش كراون‮.‬

جابۆ ئەم مەبەستە لەنزیكەوە بەباشمانزانی‮ ‬كچە‮ ‬یاریزانی‮ ‬پێشمەركەی‮ ‬سلێمانی‮ ‬بدوێنین و ئەو لەبارەی‮ ‬چۆنییەتی‮ ‬هاتنی‮ ‬بۆ نێو دونیای‮ ‬وەرزش بەمشێوەیە گوتی‮: ‬بێگومان هەر لەمنداڵییەوە خولیایەكی‮ ‬زۆرم بۆ وەرزش كردن هەبوو بەتایبەتی‮ ‬لەقوتابخانەكان بەشداری‮ ‬زۆرترین چالاكی‮ ‬وەرزشیم دەكرد،‮ ‬بەتایبەتی‮ ‬لەرێگەی‮ ‬چەند هاورێیەكی‮ ‬نزیك لەخۆم ئەوان بوونە رێگەخۆشكەر كەڕوو لەدونیای‮ ‬وەرزش بكەم‮.‬

سەبارەت بەبەشداریكردنیان لەخولەكانی‮ ‬عێراق وكوردستاندا خاتوو راز بۆ ئەم مەبەستە گوتی‮: ‬بێگومان بەشداریمان لەچەندین پاڵەوانیەتی‮ ‬عێراق وكوردستان كردووە و لەهەر هەمووان توانیوومانە ئەنجامی‮ ‬بەرز بەدەست بهێنن كەشایستەی‮ ‬ئاستی‮ ‬تیپەكەمان بێت،‮ ‬بەڵام ئەوەی‮ ‬نیگەرانی‮ ‬كردووین ماوەی‮ ‬ڕابردوو لەخولی‮ ‬تۆپی‮ ‬بالەی‮ ‬عێراق كە‮ ‬یانەكەمان بەشداری‮ ‬تێدا كردبوو،‮ ‬سیستەمی‮ ‬بەرێوەچوونی‮ ‬خولەكە‮ ‬زۆر ناخۆش بوو،‮ ‬هەموو رۆژێك‮ ‬یارییەكمان ئەنجام دەدا،‮ ‬ئەوەیان بۆ سەرجەم تیپەكەمان كارێكی‮ ‬قورس بوو،‮ ‬چونكە لەنێوان رۆژەكاندا هیچ پشووەك نەدرا بە‮ ‬یاریزان‮.‬

گوتیشی‮: ‬وەرزش كردن زۆر شتی‮ ‬پێ بەخشیووم،‮ ‬لەوانە ناسینی‮ ‬چەندین هاورێی‮ ‬ئازیز لە نێو‮ ‬یانەكەمان بەگشتی‮ ‬و‮ ‬ڕاهێنەری‮ ‬تیپەكەمان بەتایبەتی‮ ‬كەئەو منی‮ ‬گەیاندە ئاستێك كەبتوانم درێژە بەیاری‮ ‬تۆپی‮ ‬بالەی‮ ‬بدەم و هیچ‮ ‬كات دەستبەرداری‮ ‬ئەو‮ ‬یارییە نەبم‮.‬

هەر لەبارەی‮ ‬پێشخستنی‮ ‬ئاستی‮ ‬یاری‮ ‬تۆپی‮ ‬بالەی‮ ‬كچان خاتوو راز بەپەرۆشەوە دەڵێت‮: ‬خوازیارم فێرگەیەكی‮ ‬تۆپی‮ ‬بالەی‮ ‬لەسەر ئاستی‮ ‬بەچكەشێران ولاوان دابمەزرێت تا لەرێكەی‮ ‬ئەو فێرگەیەوە‮ ‬یاریزانی‮ ‬باش ولێهاتوو پێبگەیەندرێت و لەدوا رۆژدا ببنە بناغەیەكی‮ ‬پتەو بەهێز بۆ‮ ‬یانەكانی‮ ‬كوردستان‮.‬

دوا جار ئەو كچە وەرشوانە سەبارەت بەو كەسانەی‮ ‬كەبوونەتە هۆكاری‮ ‬سەركەوتنی‮ ‬لەنێو بواری‮ ‬وەرزشدا ئەو بۆ ئەم پرسە گوتی‮: ‬بێگومان سوپاسی‮ ‬هەموو هاورێیە ئازیزەكان و بەتایبەتی‮ ‬ڕاهێنەر كاك كارزان دەكەم كە ئەو منی‮ ‬گەیاندە ئاستێكی‮ ‬بەرز كەبتوانم لەنێو گۆڕەپانی‮ ‬یاریكردندا خۆم بدۆزمەوە،‮ ‬هەمیشە شانازی‮ ‬بەیاریزانی‮ ‬خۆم دەكەم و هەوڵیش دەدەم لەرێگەی‮ ‬مەشق وڕاهێنانەوە پەرە زیاتر بەئاست و توانای‮ ‬خۆم بدەم‮.‬