خه‌بات: هاوار مورتكەیی:-
ئاریان سەعیدی‮ ‬ئەو كچە لەشجوانە كوردەیە كە لەماوەی‮ ‬رابردوودا توانیویەتی‮ ‬بگاتە فاینالی‮ ‬پاڵەوانێتییەكانی‮ ‬لەشجوانی‮ ‬و چەند جارێك لەنێو سەدان كچ لەشجوانی‮ ‬وڵاتانی‮ ‬دونیادا پلەكانی‮ ‬دووەم و سییەمی‮ ‬بەدەستهیناوە،‮ ‬بەڵام ئەمساڵ لە پالەوانێتییەكە دوور دەكەوێتەوە و ناتوانێت بەشداری‮ ‬بكات‮.‬

لاپەڕەی‮ ‬وەرزشی‮ ‬رۆژنامەی‮ ‬خەبات پەیوەندی‮ ‬بە ئاریان سەعیدیەوە دەكات و لەهۆكاری‮ ‬دابڕانی‮ ‬لەو ماوەیەی‮ ‬رابردوو دەكۆڵێتەوە و ئاریان رایدەگەینیت كە تووشی‮ ‬نەخۆشی‮ ‬و پێكان بووە و پزیشكان پێیان راگەیاندووە كە دەبێ بۆ ماوەی‮ ‬ساڵێك لە بەشداریكردنی‮ ‬پاڵەوانێتییەكان دوور بكەوێتەوە تا ئەوكاتەی‮ ‬بەتەواوی‮ ‬چاك دەبێتەوە‮.‬

هەروەها ئاریان سەعیدی‮ ‬زیاتر گوتی‮: ‬هەوادارنی‮ ‬كوردستان دڵنیا دەكەمەوە هەر كاتێك تەنردوستیم جێگیر بۆوە ئەوكات دووبارە دەگەڕێمەوە سەر ستەیج و هەوڵ بۆ بەدەستهێنانی‮ ‬ئەنجامی‮ ‬باشتر لە رابردوو دەكەمەوە،‮ ‬ئومیدم زۆرە كە بتوانم بۆ پاڵەوانێتی‮ ‬داهاتوو بتوانم بەشداری‮ ‬بگەم و بچمە سەر ستەیجی‮ ‬ئارنۆلد و ركابەری‮ ‬لەسەر نازناوە سێ‮ ‬یەكەمەكان بكەمەوە‮.‬
جێی‮ ‬باسە ئاریان سەعیدی‮ ‬كە ئێستا لە ئەمریكا دادەنیشێت،‮ ‬لە رابردوودا هەرجارێك بەشداری‮ ‬پاڵەوانێتییەكی‮ ‬لەشجوانی‮ ‬جیهانی‮ ‬كردبێت،‮ ‬ئاڵای‮ ‬كوردستانی‮ ‬بەرزكردۆتەوە و دووپاتی‮ ‬كردتەوە كە هەموو ئاواتێكی‮ ‬ئەو ئەوەیە ناو و ئاڵای‮ ‬كوردستان لە سەر ستەیجەكانی‮ ‬جیهانی‮ ‬نیشانی‮ ‬دونیا بدات و لەرێگای‮ ‬وەرزشەكەیەوە ئەو پەیامە بگەیەنیت كە ئافرەتی‮ ‬كوردیش هیچی‮ ‬لە ئافرەتانی‮ ‬دونیا كەمتر نییە لە ركابەری‮ ‬كردن لە وەرزشی‮ ‬لەشجوانی‮.‬