رێكەوت شێخانی
لە مەلیك فەیسەڵ تاكو ئەم دواییەش، حكوومەتە یەك لە دواییەكەكانی عێراق، بەچاوی هاوڵاتی پلە دوو سەیری كوردیان كردییە، لە چوارچێوەی عێراقێكی شمولی مەركەزی كۆنترۆڵكراو. بەڵام حەقیقەتێكیش هەیە، بە درێژایی ئەو 103ساڵە، هەندێكیان لەگەر ئەوانیتر جیاوازتر و باشتر ئیدارەدانی مەلەفی كوردییان داوە، بۆ نموونە، لە دووای ڕووخان و لەناو بردنی حكومەتی بەعس، ئەیاد عەلاوی، عادل عەبدولمەهدی بەراوردی ئەوانیتر بكەین، لەوانیتر باشتر دەردەچین. بەتایبەت حكوومەتی ئێستا عادل عەبدول مەهدی كە تاڕادەیەك لەوانی پێشوو باشتر بووە.
عادل عبدولمەهدی لەكاتێكدا پۆستی سەرۆك وەزیرانی عێراقی وەرگرت، مالیكی و عەبادی وێرای داگیركردنی كەركوك، بە ئاشكرا لولەی ئابرامزیان لە هەولێركربوو، دەیانویست هەولێریش بە زەبری هێز داگیر بكەن، ئەو پیاوە عادل عەبدولمەهدی بە پێچەوانەی مالیكی و عەبادی جوڵایە وپەیوەندی هەولێرو بەغدای تارادەیەك زۆر باش بووە، بۆ كوردیش لە قۆناغی دووایی ئەنجامدانی پرۆسەی ڕیفراندۆم زۆر باشبوو. مالیكی پێش ئەنجامدانی پرۆسەی ڕیفراندۆم، عەبادیش دووای ئەنجامدانی پرۆسەی ڕیفراندۆم، هەردووكیان هاوشێوە و بیركردنەوەی سەدام هەوڵی ئەوەیان دەدا، كورد وەك میللەتێكی عێراقی و كوردستان وەك هەرێمێكی فیدڕاڵی لە ڕەگوڕیشە دەربێنن. كەچی ئەو عادل عەبدولمەهدی مامەڵەی لەگەڵ هەولێردا دەكات وەك ناوەندێكی سیاسیی فیدڕاڵی، بەحەقیقەت كوردیش دەیەوێت كێشەكان لەگەڵ بەغدا چارەسەر بكات.
تێروانینم بریتینییە لەوەی بڵێم، عادل عەبدولمەهدی لەچاو ئەوانی پێشوو، فریشتەیە و بۆ كورد باشە، ئەگەرچی تاكو ئێستا هەموو كێشەكانی چارەسەر نەكردووە و هەندێك جاریش چاوپۆشی لە هەندێك پێشێلی كردووە وەكو تەعریبی ناوچە كوردستانییەكانی دەرەوەی ئیدارەی هەرێم و ئیفلیج كردنی دەستووری عێراق ماددەی 140.
ئەمڕۆ یان سبەی ئەو دۆخەی ئێستا لە بەغداو دەورووبەری دروستكرایە، وەكو گوشارێك بۆ سەر عادل عەبدولمەهدی، تا دەستلەكار بكێشێتەوە، كەپ دەكرێتەوە بارودۆخی ئەو ناوچانە ئاسایی دەكرێتەوە. ئەگەر بپرسین بۆ و لەبەرچی، ئەو وەڵامەمان دەستدەكەوێت، كە عەبدولمەهدی كەسێكی میانڕۆ و گونجاوە لەلایەن وڵاتانی زلهێز و نێوەندە نێودەوڵەتییەكان بۆ ئەم قۆناغەی عێراق. پێموایە زۆر زەحمەتە لە رێگەی خۆپیشاندەرانەوە شوێنی عادل عەبدلمەهدی لەق بكرێ. هەروەها لادان و خستنی عادل عەبدول مەهدی لەبەرژەوەندی كەسدا نییە بەڵكو دۆخی عێراق لە ئالوزییەوە رووەو و قەیران و پشێوی ئاراستە دەبێت، هەروەها ئەگەر و گەنتی چارەسەری كێشەكانی هەوڵیر و بەغدا نامێنێت، چونكە هێشتا روون نییە كە كێ ئەو فەوزایەی عێراق ئاراستە دەكات و رەنگە دیسان هەمان سیاسەتی مالیكی عەبادی پیادە بكرێتەوە.
