دوای كۆبوونه‌وه‌كانی له‌گه‌ڵ سه‌رۆك بارزانی و مه‌سرور بارزانی، سه‌رۆكی حكومه‌تی هه‌رێمی كوردستان، سێرگی لاڤرۆڤ وه‌زیری ده‌ره‌وه‌ی رووسیا له‌گه‌ڵ نێچیرڤان بارزانی سه‌رۆكی هه‌رێمی كوردستان كۆبووه‌وه.
ئێواره‌ی ئه‌مڕۆ وه‌زیری ده‌ره‌وه‌ی رووسیا، سێرگی لاڤرۆڤ له به‌غداوه گه‌یشته فڕۆكه‌خانه‌ی نێوده‌وڵه‌تی هه‌ولێرو له لایه‌ن مه‌سرور بارزانی سه‌رۆك وه‌زیرانی هه‌رێمی كوردستان پێشوازی لێكرا.
دوای كۆبوونه‌وه‌ی نێوانیان، لاڤرۆڤ سه‌ردانی سه‌رۆك بارزانی كردو هه‌ردوولا كۆبوونه‌وه‌و دۆخى ئه‌منى و سیاسى عێراق و ناوچه‌كه‌یان تاوتوێكرد.
دواتر وه‌زیری ده‌ره‌وه‌ی رووسیا سه‌ردانی نێچیرڤان بارزانی سه‌رۆكی هه‌رێمی كوردستانی كرد و هه‌ردوولا كۆبوونه‌وه و ره‌وشى نهاى سیاسى و ئه‌منى ناوچه‌كه‌یان باسكرد.
