رێبین‮ ‬ڕەحیم
مێژووی‮ ‬سەد ساڵی‮ ‬ڕابردووی‮ ‬ئێمە لەگەڵ عێراق بەزۆر وێستگە و قۆناغدا تێپەڕیوە و هەڵكشان و داكشانی‮ ‬زۆری‮ ‬بەخۆیەوە دیوە و هەموو جارەكانیش زیانمەندی‮ ‬ڕاستەقینەی‮ ‬دۆخ و پێشهاتەكان خەڵكی‮ ‬كوردستان بووە و سەرەنجامیش هەموو عێراق سوتوی‮ ‬ئەو هەموو پێكدادانە بوون بەڵام تاهەنووكە هەمان‮ ‬یاری‮ ‬و موماتەڵە و كات كوشتن و دواخستن و پاشقول لێدان بەردەوامی‮ ‬هەیە و پێویستە بەگومان بین‮.‬ دوای‮ ‬خیانەتی‮(‬16ی‮ ‬ئۆكتۆبەر‮) ‬و پێشێلكارییەكانی‮ ‬عێراق بەرامبەر خەڵكی‮ ‬كوردستان جارێكی‮ ‬دیكە ئەزموونە تاڵەكانی‮ ‬ڕابردوو خۆیان نمایشكردەوە و هەموومان عەقڵییەتی‮ ‬قڕكردن و جینۆسایدكردنی‮ ‬خەڵكی‮ ‬كوردستانمان بینی‮ ‬لەلایەن‮ ‬بەغداەوە،‮ ‬بۆیە هەقی‮ ‬خۆمانە لەهەموو هەنگاوێكیان بەگومان بین و بەحەزەرەوە هەنگاوەكانمان هەڵگرین‮.‬ ئاكامی‮ ‬هەڵبژاردنەكانی‮ ‬ڕابردوو و هەوڵەكانی‮ ‬ڕاستكردنەوەی‮ ‬ئەو دۆخە نەخوازراوەی‮ ‬ڕووی‮ ‬لەهەرێمی‮ ‬كوردستان كردبوو سەرەتای‮ ‬گەڕێكی‮ ‬دیكەی‮ ‬ئاساییكردنەوەی‮ ‬پەیوەندییەكانی‮(‬هەولێر‮- ‬بەغدا‮)‬بوو كە زۆرێك لە وڵاتانی‮ ‬جیهانی‮ ‬داخوازییان لەكوردستان ئەوەبوو پەیوەندییەكانی‮ ‬لەگەڵ‮ ‬بەغدا‮ ‬ئاسایی‮ ‬بكاتەوە و بگەن بە‮ ‬ڕێككەوتن و لێكگەشتن،‮ ‬بەرەنجامی‮ ‬هەموو ئەمانە ئێستا پەیوەندییەكان لەقۆناغێكی‮ ‬باشتردان لەچاوپێشووتر‮.‬ كابینەی‮ ‬نوێ و ئەو پەیوەندییە نوێیەی‮ ‬كە سەرۆك بارزانی‮ ‬بناغەكەی‮ ‬بۆدانا و عادل عەبدولمەهدیش لێكتێگەیشتنی‮ ‬باشی‮ ‬بۆی‮ ‬هەیە،‮ ‬سەرەتای‮ ‬كردنەوەی‮ ‬پەڕەیەكی‮ ‬نوێی‮ ‬پەیوەندییەكان و چارەسەری‮ ‬كێشە وگرفتەكانی‮ ‬نێوان بەغدا و هەولێرە بەجۆرێك چارەسەری‮ ‬ڕیشەییان بۆبدۆزرێتەوە لەبەر‮ ‬ڕۆشنایی‮ ‬بەندەكانی‮ ‬دەستوری‮ ‬عێراق و ئەو‮ ‬یاسایانەی‮ ‬كە بۆ ئەم مەبەستە لەئایندە دەردەكرێن‮.‬ ڕۆژانە شاندەكانی‮ ‬هەولێر و بەغدا لەسەر ئاستی‮ ‬جیاواز سەردانی‮ ‬یەكتری‮ ‬دەكەن و كۆبوونەوەكان بەردەوامی‮ ‬هەیە تا بتوانرێت تێكڕای‮ ‬كێشە هەنووكەیی‮ ‬ودوور مەوداكانیش چارەسەر بكرێن،‮ ‬ئەم دۆخە نوێیە پێویستی‮ ‬بە چاودێری‮ ‬ورد و بەدیقەت هەیە،‮ ‬تابتوانین زۆرترین سوود بە گەلەكەمان بگەیەنین و سەربەرزانە لێی‮ ‬بێینە دەرەوە و جارێكی‮ ‬دیكە فرت و فێڵی‮ ‬یاسایی‮ ‬گیرۆدەی‮ ‬دۆخێكی‮ ‬دیكەمان نەكاتەوە‮.‬ ئەزموونی‮ ‬ڕابردووی‮ ‬تاڵی‮ ‬ئێمە و‮ ‬بەغدا‮ ‬پێمان دەڵێ عێراق پابەندی‮ ‬ڕێككەوتننامە و واژۆكانی‮ ‬خۆی‮ ‬نابێت،‮ ‬چونكە هەركات عێراق لاواز بووبێت پەنای‮ ‬بۆ‮ ‬ڕێككەوتن و گفتوگۆ هێناوە،‮ ‬هەركاتیش بەهێز بووبێتەوە پەشیمان بووەتەوە و پابەندی‮ ‬ڕێككەوتنەكان نەبووە،‮ ‬بۆیە گرنگە لەگەڵ عێراق و لەسەر بنەمای‮ ‬سوودی‮ ‬دوولایەنە‮ ‬ڕێككەوتن بكەین،‮ ‬بەڵام نابێت هەموو هێلكەكانی‮ ‬خۆمان بخەینە سەبەتەی‮ ‬عێراقەوە و پێویستە هەمیشە بەحەزەرەوە هەنگاو بنێین‮.‬