سەردار شاكر سلێڤانەیی‮❊‬
ئەم دشێن بێژن بابەتێ زێدەكرنا زاروكان و و زێدەكرنا داهاتی‮ ‬چ داهاتێ خێزانێ بت‮ ‬یان ژی‮ ‬داهاتێ نشتیمانی‮ ‬بابەتەكە جهێ دان و ستاندنێ‮ ‬یە و پێدڤی‮ ‬گەلەك ڤەكولینا‮ ‬یە دا ئەم بكارن بەرسڤا دروست‮ ‬یان پەیوەندیا دروست دناڤبەرا ڤان هەردوو زاراڤان دە بزانین‮. ‬
یا خویایە ئاكنجیێن جیهانێ و مروڤیێن وێ بەردەوام زێدە دبن بتایبەتی‮ ‬ژی‮ ‬لڤان سالیێن دوماهیێ و پشتی‮ ‬بەرقەراربونا ئاسایشا وەلاتان و كێم بونا شەرێن جیهانی‮ ‬دناڤبەرا وەلاتان دە،‮ ‬هەروەسان دهێتە گوتن و پێشبینیكرن ئەڤ زێدەبونا زور‮ ‬یا هەڤوەلاتیان لسەرانسەر جیهانێ بویە هەرەشە لسەر كێم بونا دەرامەتیێن سروشتی‮ ‬بتایبەتی‮ ‬ژی‮ ‬ل وەلاتێن گەشەكرنا وان‮ ‬یا ئابووری‮ ‬یا لاواز و هێدی،‮ ‬لە وا ژبەر هندێ لسەرانسەر جیهانێ ڤەكولەر و زانا لهندەك رێكان دگەرن دا ژ ئاریشەێن كێم بونا دەرامەت و كەرەستەێن سروشتی‮ ‬رزگار ببن و رێكێ لهەژاریێ و برسیاتیێ بگرن‮. ‬زێدەباری‮ ‬بشێوەیەكێ گشتی‮ ‬بەرێ خوەدانا ئابووری‮ ‬بو زێدەبونا هژمارا ئاكنجیان لدیڤ دوو لایان دراوەستیت ئەو ژی‮ ‬پێكهاتینە ژ‮: ‬لایێ ئێكێ هژمارا ئاكنجیان دهێتە هژمارتن وەكی‮ ‬هێزا بكارئینانێ و ئەڤ بكارئینانە پەستانەكا زێدە دروست دكن لسەر وان دەرامەتێن هەین و بتایبەتی‮ ‬ژی‮ ‬لسەر ئابوورێن بجوراو جوركرنی‮ ‬نەخاسمە مینا وەلاتێ عێراقێ كو پشت بەستنێ بتنێ لسەر كەرتەكێ دیار كری‮ ‬دكتن مینا پەترولێ و ئەڤ هێزا بكارئینانێ و ئینانا كەل و پەلان ژدەرڤە د پاشەروژێ دا نەدیرە كارتێكرنەك نەرێنی‮ ‬لسەر ئابوورێ ڤی‮ ‬وەلاتی‮ ‬پەیدا بكت،‮ ‬دیسان ژ لایێ دوویێ ڤە هژمارا ئاكنجیان دهێتە هژمارتن وەك هێزا بەرهەم ئینانێ ئەو ژی‮ ‬بگەلەك رێكان مینا‮: ‬كاركرن،‮ ‬شەهرەزای،‮ ‬ریڤەبرنەكا دروست و بەرهەم ئینانەكا زور كو ئەڤ خالە دبنە پالپشت بو مفا وەرگرتنێ و زێدەكرنا بەرهەمێ نشتیمانی‮ ‬و ناڤخویی‮ ‬بو نمونە هژمارا ئاكنجیێن وەلاتێ‮ ‬یابان دگەهتە‮ ‬100 ‮ ‬ملیون كەسان كو زێدەترە ژ هژمارا هەر چوار وەلاتێن مینا‮: ‬ئەلمانیا،‮ ‬بریتانیا،‮ ‬ئیتالیا و فەرەنسا،‮ ‬لێ شیایە بزیرەكانە هەڤسەنگیەكێ دناڤبەرا هژمارا ئاكنجێت خوە ێت زێدە و كێمیا دەرامەتێن سروشتی‮ ‬بكت و بكارت ببت وەلاتەك سەركەفتی‮ ‬ژلایێ بەرهەم ئینانێ ڤە و ئابوورێ خوە بهێز كریە‮. ‬یا خویایە پەیوەندی‮ ‬دناڤبەرا هژمارا زور‮ ‬یا هەڤوەلاتیان و زێدەبونا داهاتی‮ ‬دا ئەم دكارن بسێ گریمانان خەسلەت بكن ئەو ژی‮: ‬ئێك پەیوەندیەكا هەڤسەنگ دناڤبەرا هژمارا ئاكنجیان دە و كەرەستە و متاێن هەین و ئەڤ كاودانە هەتا رادەیەكێ ئاسان نی‮ ‬نە و ئابوور بسانەهی‮ ‬ناگەهتێ‮. ‬یا دوویێ دبیت هژمارا ئاكنجیان زێدەتربن ژ كەرەستە و متایێن هەین ئەڤە دبت ئەگەر ئابوور بەرامبەر دوو كاودانان براوستت ئەو ژی‮ ‬یان بكارئینانا ڤان كەرستەیێن كێم بژیرانە‮ ‬یان ژی‮ ‬بەرف مەترسیا نەمانێ و بێ هەولدان بكێم كرنا مەترسیێ‮. ‬خالا سیێ و‮ ‬یا دوماهیێ پێكهاتیە ژ كێمیا هژمارا ئاكنجیان و زوریا كەرەستە و متالان كو د ڤی‮ ‬كاودانی‮ ‬دا چ مەترسیی‮ ‬لسەر ژیانا هەڤوەلاتیان نابن لێ هەردیسان دڤێت مفا ژ زوریا كەرەستەێن سروشتی‮ ‬بهێتە دیتن و بدروستی‮ ‬و‮ ‬یەكسانی‮ ‬بهێنە بەلاڤكرن دا ئابوور بەردەوام لسەر ورارێ و پێشڤەچونێ بت‮. ‬چێدبت ئێك پرسیار بكت و بێژت ئەرێ كیش شێواز گونجایترە بۆ ئابوورێ وەلاتی؟ ئەم دێ بێژن هەر شێوازەك لدیف كاودانێت وەلاتی‮ ‬دمینت و دهەمی‮ ‬شێوازان دە بەرهەم هەر دهێتە دروستكرن لێ بكارئینان دڤێت بژیرانە بت،‮ ‬بەلێ زێدەبونا زور‮ ‬یا ئاكنجیان و زێدەتر ژ گەشەكرنا داهاتێ نشتیمانی‮ ‬گەلەك كارتێكرنێن نەرێنی‮ ‬دێ هەبن و بمەترسی‮ ‬دهێت قەلەم دان ئەو ژی‮ ‬ژبەر كو‮: ‬ئاستێ ژین و ژیارێ دێ تێك چت و كێم بت،‮ ‬هەژاری‮ ‬دێ بەربەلاڤ بت،‮ ‬رێژا هلگرتنا دراڤی‮ ‬دێ كێم بت،‮ ‬كێم بونا شیانێت زێدەكرن و بەرهەم ئینانێ،‮ ‬كێماتی‮ ‬د تەرازوویا پێدانێ دا،‮ ‬و لدوماهیی‮ ‬ژی‮ ‬زێدەبونا رێژا بێكاریێ‮. ‬ئەرێ پا دا هەڤسەنگی‮ ‬پەیدا ببت دناڤبەرا هژمارا زور‮ ‬یا ئاكنجیان دە و زێدەبونا داهاتێ نشتیمانی‮ ‬چارەسەری‮ ‬یا دروست چیە؟ ئەم دشێن بێژن هندەك خال وەك پێشنیار دڤیا بت پێگریی‮ ‬پێ بهێتە كرن مینا‮: ‬پاراستنا سەروەت و سامانێ نشتیمانی‮ ‬و كەرەستە و متایێن سروشتی‮ ‬ژ هەر كارەكێ نەشیاو مینا دزین و دەست بەلاڤیێ،‮ ‬پەیداكرنا مورالەكا بهێز‮ ‬یا گهورینێ و پێشڤەبرنا ئابوورێ وەلاتی،‮ ‬پشت بەستن لسەر شیانێت گەنجان و هزر و بیرێن وان،‮ ‬و لدوماهیێ بەلاڤكرنا روشەنبیریا سەردەریكرنا سەروەت و سامانی‮ ‬بشێوازین دروست كو ئەڤە ژی‮ ‬هەر وەكی‮ ‬من دگەلەك گوتارێن بوری‮ ‬دا تەكەز لسەر كری‮ ‬پێدڤیە بابەتەك د درێژاهیا خواندنێ دا بو قوتابیان بهێتە شلوڤەكرن و روهنكرن دهەمی‮ ‬قوناغێن خواندنێ مینا سەرەتایی‮ ‬و دوواناڤەندی‮ ‬و ئامادەی‮ ‬ژی‮ ‬دا تاكێ مە هەر ژ دەستپێكا ژیانا خوە لسەر زاراڤ و گرنگیا دارایی‮ ‬و ئابووری‮ ‬هلببن و توشی‮ ‬ئاریشەیێن كێمیا داهاتی‮ ‬نەبن هەتا چەند هژمارا ئاكنجیێن مە زور بن و درامەتیێن مە كێم بن ژی‮.‬

‮❊ ‬ماموستایێ زانكویا پولیتەكنیكی‮ ‬دهوك‮.‬