خه‌بات: توانا زرار:-
رێكخراوی‮ ‬چەپك بۆ گەشەپێدانی‮ ‬مرۆیی،‮ ‬لە شاری‮ ‬ئارنهێمی‮ ‬وڵاتی‮ ‬هۆڵندا سیمینارێكی‮ ‬لە ژێر ناونیشانی‮ ‬ئاستەنگەكانی‮ ‬بەردەم میدیای‮ ‬كوردی‮ ‬بۆ نوسەر و رۆژنامەنوس دلێر عەبدولخالق بەڕێوەبرد‮.‬

لەسەرەتادا،‮ ‬شاخەوان ئەكرەم دوكانی،‮ ‬سەرۆكی‮ ‬رێكخراوی‮ ‬چەپك ئامانجی‮ ‬چالاكیەكانی‮ ‬رێكخراوەكەی‮ ‬بۆ ئامادەبووان روونكردەوە و رایگەیاند‮: ‬بۆ رەوەندی‮ ‬كوردی‮ ‬لە ئەوروپا و هۆڵندا چالاكی‮ ‬سیاسیی‮ ‬و كۆڕ‮ ‬و كۆبونەوە و سیمینارەكان فاكتەری‮ ‬پێكەوەیی‮ ‬و بەیەكگەیشتنی كوردانی‮ ‬دانیشتوی‮ ‬ئەوروپا هاوكاتیش بانگهێشتكردنی‮ ‬رۆژنامەنوسان و چالاكانی‮ ‬هەرێمی‮ ‬كوردستان دەبێتە سەكۆی‮ ‬ئاگاداربوون لە رەوشی‮ ‬سیاسیی‮ ‬و رۆژنامەوانی‮ ‬هەرێم و دانەبڕانی‮ ‬كوردانی‮ ‬تاراوگە لە واقعی‮ ‬ژیانی‮ ‬كوردستان‮. ‬

دواتر و دوای‮ ‬بەخێرهاتنی‮ ‬نوسەر و رۆژنامەنوس دلێر عەبدولخالق بۆ ئەوروپا،‮ ‬ناوبراو سیمینارێكی‮ ‬چڕو پڕی‮ ‬لەسەر رەوشی‮ ‬میدیایی‮ ‬كوردی‮ ‬و ئاستەنگەكانی‮ ‬بەردەم رۆژنامەنوسان و كاریگەری‮ ‬واقعی‮ ‬سیاسیی‮ ‬و‮ ‬یاسایی‮ ‬و ئابوری‮ ‬و كۆمەڵایەتی‮ ‬لەسەر میدیا پێشكەش كرد.دلێر عەبدولخالق ئاستەنگەكانی‮ ‬بەردەم میدیای‮ ‬كوردی‮ ‬بۆ لەمپەڕە سیاسیی‮ ‬و‮ ‬یاسایی‮ ‬و پیشەیی‮ ‬و ئابوری‮ ‬و كۆمەڵایەتی‮ ‬دابەشكرد و لەسەر هەر ئاستەنگێك بە ژمارە و داتا و كەیس بەرچاو‮ ‬ڕوونی‮ ‬بۆ ئامادەبووانی‮ ‬سیمینارەكە خستەڕوو‮. ‬هاوكاتیش تیشكی‮ ‬خستەسەر ئاڵنگاریەكانی‮ ‬رۆژنامەوانی‮ ‬كوردی‮ ‬و بوونی‮ ‬میدیای‮ ‬سێبەر و ئەو كەناڵەنەی‮ ‬هی‮ ‬كەس و شەخسن و سەرگەرمی‮ ‬بە شەخسەنەكردنی‮ ‬پەیامی‮ ‬میدیاین وەك مەترسی‮ ‬جدی‮ ‬ئەم قۆناغەی‮ ‬هێنایە زمان.ناوبراو باسی‮ ‬لەو پێشێلكاریانەش كرد كە لە ماوەی‮ ‬رابردوودا بەرامبەر رۆژنامەنوسان لە هەرێمی‮ ‬كوردستات كراون و بەشێك لەو كەیسە قانونیانەشی‮ ‬روونكردەوە كە تێیدا مافی‮ ‬رۆژنامەنوسان بەرامبەر سیاسیەكان و دەسەڵاتداران پێشێلكراوە‮. ‬رەخنە لەوەشگیرا‮ ‬یاساكانی‮ ‬رۆژنامەنوسی‮ ‬جێبەجی‮ ‬ناكرێن و زۆرجار رۆژنامەنوسان بە گوێرەی‮ ‬یاسای‮ ‬سزادانی‮ ‬عێراق ژمارە111ی‮ ‬ساڵی‮ ‬1969‮ ‬سزا دەدرێن‮.‬

دواتریش ئامادەبووان بەشداریەكی‮ ‬كارایان لەو پرسەدا كرد و چەندین پرسیار و سەرنج و تێبینیان پێشكەش بە سیمینارەكە كرد‮. ‬كە زۆرینەیان ئاماژەیان بە رەخساندنی‮ ‬دەرفەتی‮ ‬زیاتر بۆ ئازادی‮ ‬رۆژنامەوانی‮ ‬و دەستبەركردنی‮ ‬مافی‮ ‬زانین بۆ هاوڵاتیان و رۆژنامەنوسانی‮ ‬هەرێم دەكرد‮. ‬لە كۆتایدا،‮ ‬چەپكەگوڵی‮ ‬رێزلێنان و میدالی‮ ‬رێزلێنانی‮ ‬رۆژنامەنوسی‮ ‬لەلایەن رێكخراوی‮ ‬چەپكەوە پێشكەش بە دلێر عەبدولخالق كرا‮.‬