سلێمان عەبدوڵڵا ساڵح ناسراو بە سلێمانی‮ ‬عەبەكە هاووڵاتییەكی‮ ‬دانیشتووی‮ ‬شاری‮ ‬سلێمانییە و ماوەی‮ ‬زیاتر لە‮ ‬70 ساڵە كاری‮ ‬ئەو پاسكیل چێتییە و رۆژانە ژمارەیەكی‮ ‬زۆر كڕیار سەردانی‮ ‬دەكەن بۆ كڕینی‮ ‬پاسكیل.پاسكیل حەز و خولیای‮ ‬منداڵی‮ ‬بووە و زۆربەی‮ ‬ژیانی‮ ‬ئەم پیاوە لەگەڵ پاسكیلدا بووە،‮ ‬ئەو لەو بارەیەوە بۆ ئاژانسی‮ ‬ئانادۆڵو گوتی‮: “‬لە تەمەنی‮ ‬چوار ساڵییەوە لەگەڵ براكەم دەستم بە كاری‮ ‬فرۆشتنی‮ ‬پاسكیل كردووە،‮ ‬سەرەتا لە ساڵی‮ ‬1953 دوكانێكمان دانا و بوین بە بریكاری‮ ‬كۆمپانیای‮ ‬رۆیجی‮ ‬بەریتانی‮ ‬و بە كەناڵی‮ ‬سوێسدا پاسكیلمان لە بەریتانیاوە دەهێنایە عێراق و شاری‮ ‬سلێمانی‮ ‬و لە رێگەی‮ ‬بانكی‮ ‬رافیدەینیشەوە پارەكەمان رادەستی‮ ‬كۆمپانیاكە دەكرد‮”.

‬ئەو گوتی‮: “‬پاسكیل لە منداڵییەوە حەزو خولیای‮ ‬تایبەتی‮ ‬خۆم بووە و دوای‮ ‬تەواوكردنی‮ ‬پۆلی‮ ‬سێ لە قوتابخانەدا دەستم لە خوێندن هەڵگرت و خۆم بۆ ئیشەكەم‮ ‬یەكلاییكردەوە،‮ ‬ئێستاش منداڵەكانم هەمان كار دەكەن و سەرقاڵی‮ ‬كاری‮ ‬پاسكیلچێتین‮”.‬سلێمانی‮ ‬عەبەكە لەبارەی‮ ‬بازاڕی‮ ‬كڕین و فرۆشتنی‮ ‬پاسكیل لە سلێمانی‮ ‬قسەی‮ ‬كرد و گوتی‮: “‬ئێستا پاسكیل لە چینەوە دەهێنین،‮ ‬وەرزی‮ ‬پاسكیل زیاتر لە وەرزی‮ ‬هاوین و پشووی‮ ‬هاوینەی‮ ‬قوتابخانەدایە تا ئەو كاتەی‮ ‬پشوو كۆتایی‮ ‬دێت،‮ ‬رۆژانە ژمارەیەكی‮ ‬زۆر خەڵك سەردانمان دەكەن و پاسكیل دەكڕن بە تایبەت پاسكیلی‮ ‬منداڵان،‮ ‬بەپێچەوانەی‮ ‬جارانیشەوە كە عەیبە بوو،‮ ‬ئێستا پاسكیلی‮ ‬ئافرەتانیش كڕیاری‮ ‬هەیە و وەك كوڕان ئەوانیش پاسكیل دەكڕن‮”.‬ئەم پاسكیلچییە بە ئەزموونەی‮ ‬شاری‮ ‬سلێمانی‮ ‬ئاماژە بۆ ئەوە دەكات،‮ ‬بە هۆی‮ ‬ئەوەی‮ ‬شاری‮ ‬سلێمانی‮ ‬ناوچەیەكی‮ ‬شاخاوییە و بەرزی‮ ‬و نزمی‮ ‬زۆری‮ ‬تێدایە،‮ ‬بەراورد بە شارەكانی‮ ‬هەولێر و كەركووك كە زیاتر رووتەختن،‮ ‬هاووڵاتییان لەم شارە كەمتر پاسكیل بەكار دەهێنن لە ژیانی‮ ‬رۆژانەی‮ ‬خۆیاندا‮.‬