سەركردەی پێشووی بزووتنەوەی هێزە چەكدارە شۆڕشگێڕەكانی كۆڵۆمبیا FARC و سەرۆكی ئێستای پارتی هێزە شۆڕشگێڕە جێگرەوەكان بۆ كۆمەڵگا، رۆدریگۆ لۆندۆنۆ رایگەیاند كە بەردەوامن لە هەنگاونان بەرەو ئاشتی وێڕای كوشتنی بەردەوامی ئەندامەكانیان.رۆدریگۆ لۆندۆنۆ لە دیمانەیەكدا هەڵسەنگاندنی بۆ بڕیاری ژمارەیەك لە فەرماندەكانی پێشووی بزووتنەوەی هێزە چەكدارە شۆڕشگێڕەكانی كۆلۆمبیا FARC كرد كە داوایانكردووە دەست بكرێتەوە بە خەباتی چەكداری دژبە حكوومەت.رۆدریگۆ لۆندۆنۆ روونیكردەوە ژمارەیەك لە فەرماندەكانی پێشووی FARCلەنێویاندا ئیڤان ماركیز كە بڕیاریانداوە بە دەستپێكردنەوە بە خەباتی چەكداری دژبە حكوومەت، هەوڵیانداوە هەڵەكانیان پەردەپۆش بكەن ئەویش لە رێگەی راگەیەندراوێكەوە كە بەم دواییانە بڵاویانكردبوویەوە.سەركردەی پێشووی بزووتنەوەی هێزە چەكدارە شۆڕشگێڕەكانی كۆلۆمبیا، رۆدریگۆ لۆندۆنۆ گوتیشی: “ئەو كەسانەی هیچ پڕۆژەیەكیان نییە ئەو جۆرە كارانە ئەنجام دەدەن كە كاریگەری نابێت لەسەر كارەكانمان، 95لەسەدای ئەو كەسانەیشی واژوویان لەسەر رێككەوتنی ئاشتی لەگەڵ حكوومەتی كۆلۆمبیادا كردووە ئێستا لەناو پارتی هێزە شۆڕشگێڕە جێگرەوەكان بۆ كۆمەڵگە دان، هەروەها بۆ كۆلۆمبیا و جیهان، سەلماندوومانە كە پابەندین بە بەڵێنەكانمان”.
رۆدریگۆ لۆندۆنۆ لە وەڵامی پرسیاری ئەوەی ئایە ئەو كەسانەی بڕیاری دەستپێكردنەوەی خەباتی چەكدارییان داوە، مەترسی راستەقینە بۆسەر پڕۆسەی ئاشتی دروست دەكەن گوتی: “زۆربەی ئەو كەسانەی بڕیاریانداوە خەباتی چەكداری دەست پێ بكەنەوە دەناسم و پێكەوە خەباتمان كردووە، زۆر خەمبارم كە ئەو بڕیارەیان داوە، بە تایبەتیش ئیڤان ماركیز كە رۆڵێكی گرنگی هەبووە لە دانوستانەكانی ئاشتی لەگەڵ حكوومەتی كۆلۆمبیادا، بەڵام بڕیاری ئەو فەرماندانە زیانی زۆری بە هەوڵەكان بۆ گەیشتن بە ئاشتی گەیاندووە كە ئەوەیش جێگەی داخە”.
سەرۆكی پارتی هێزە شۆڕشگێڕە جێگرەوەكان بۆ كۆمەڵگە سەبارەت بە دامەزراندنی رێكخراوێكی چەكداری گوتی: “دامەزراندنی رێكخراوێكی چەكداری قورسە، چونكە پێكهێنان و رێكخستنی یەكە چەكدارییەكان كارێكی ئاسان نییە”.رۆدریگۆ لۆندۆنۆ سەبارەت بە دەستپێكردنەوەی خەباتی چەكداری لە كۆڵۆمبیا لە لایەن فارك-ەوە گوتی: “نەك هەر فارك بەڵكو سەرجەم پارتەكان لەگەڵ حكوومەتی كۆلۆمبیا، تەنانەت كۆمەڵگەی نێودەوڵەتیش بەهیچ شێوەیەك لەگەڵ بڕیاری دەستپێكردنەوەی خەباتی چەكدارییدا نین”.سەركردەی پێشووی بزووتنەوەی هێزە چەكدارە شۆڕشگێڕەكانی كۆلۆمبیا FARC و سەرۆكی ئێستای پارتی هێزە شۆڕشگێڕە جێگرەوەكان بۆ كۆمەڵگە، رۆدریگۆ لۆندۆنۆ سەبارەت بە كوژرانی ژمارەیەك فەرماندەی فارك دوای رێككەوتنی ئاشتی گوتی: “ئەوە راستە، دوای رێككەوتنی ئاشتی ژمارەیەك ئەندامی پێشووی فارك دوای دانانی چەكەكانیان كوژراون و بۆ چەند جارێكیش ئەوەم گوتووە و ئێستاش دەیڵێمەوە كە بەردەوامین لە هەنگاونان بەرەو ئاشتی، وێڕای كوشتنی ئەندامەكانمان، چونكە ئەوە هەر ئەندامانی فارك نییە دەكوژرێن، بەڵكو چالاكوانانی مافەكانی مرۆڤ و داكۆكیكاران لە سروشتیش دەكوژرێن و پێویستە چارەسەرێك بۆ ئەو پرسە بدۆزینەوە”.ئەو گوتیشی: “بێ گومان حاڵەتەكانی كوشتن كاریگەری و رۆڵیان هەیە لە بڕیاری دەستپێكردنەوەی خەباتی چەكداری، دەركمان بەوە كردووە كاتێك رێككەوتنی ئاشتیمان واژوو كرد، رێككەوتنی ئاشتی بەلای ئێمەوە تەنها بریتییە لە ئەنجامێك، بەڵكو سەرەتای قۆناغێكی ئاڵۆزە، چونكە دركمان بەوە كردبوو كە راستڕەوی توندئاژۆ لە كۆڵۆمبیا بێ دەنگ نابێت و هەوڵی كوشتنمان دەدات”.سەركردەی پێشووی بزووتنەوەی هێزە چەكدارە شۆڕشگێڕەكانی كۆڵۆمبیا FARC و سەرۆكی ئێستای پارتی هێزە شۆڕشگێڕە جێگرەوەكان بۆ كۆمەڵگە، رۆدریگۆ لۆندۆنۆ جەختیكردەوە لەسەر ئەوەی كە داكۆكیكاران لە رێككەوتنی ئاشتی لە كۆڵۆمبیا رۆژ بە رۆژ لە زیاد بووندان لە هەمان كاتدا حكوومەتی تۆمەتباركرد كە دوای رێككەوتنی ئاشتی، رێگرە لەوەی پێشڤەچوون لە پڕۆسەی ئاشتی لە وڵاتەكەیدا بەدی بێت و گوتی: “پڕۆسەی ئاشتی تەنها بۆ فارك نییە، بەڵكو میراتی گەلی كۆڵۆمبیایە و لەگەڵ ئەوەی داكۆكیكاران لە رێككەوتنی ئاشتی رۆژ بە رۆژ لە زیاد بووندان، دەتوانین سەرجەم كێشەكان چارەسەر بكەین”.
رۆدریگۆ لۆندۆنۆ جەختیكردەوە لەسەر ئەوەی كە پارتەكەی كار دەكات بۆ كەمكردنەوەی گرژییەكانی نێوان وڵاتەكەی و ڤێنیزوێلا، دوای ئەوەی حكوومەتی كۆلۆمبیا، ڤێنیزوێلا-ی بەوە تۆمەتبار كرد كە پاڵپشتی دەكات لە سەركردەكانی پێشووی فارك و گوتی: “دڵنیام كە حكوومەتی ڤێنیزوێلا پاڵپشتی نەكردووە لە فەرماندەكانی پێشووی فارك كە بڕیاریاندابوو بە دەستپێكردنەوەی خەباتی چەكداری، بەڵام هەندێك لایەن كە سوودمەندن لە رەوشەكە لە چوارچێوەی هەڵسوكەوتی نابەرپرسانە، ئەو تۆمەتەیان ئاراستەی ڤێنیزوێلا كردووە كە بەردەوام پاڵپشتیكردووە لە پڕۆسەی ئاشتی لە كۆلۆمبیا”.سەركردەی پێشووی بزووتنەوەی هێزە چەكدارە شۆڕشگێڕەكانی كۆلۆمبیا FARCو سەرۆكی ئێستای پارتی هێزە شۆڕشگێڕە جێگرەوەكان بۆ كۆمەڵگە، رۆدریگۆ لۆندۆنۆ لە كۆتاییدا ئاماژەی بەوە كرد كە ئەگەری هەیە ناوی پارتەكەی بگۆڕێت، دوای ئەوەی ژمارەیەك فەرماندەی پێشووی بزووتنەوەی فارك بڕیاریاندا بە دەستپێكردنەوەی خەباتی چەكداری لە كۆلۆمبیا.بەم دواییانە لۆسیانۆ مارین ناسراو بە ئیڤان ماركیز كە یەكێكە لە فەرماندەكانی پێشووی بزووتنەوەی فارك، دەستپێكردنەوەی خەباتی چەكداری دژبە حكوومەتی كۆلۆمبیا راگەیاندبوو.
لە 24ی تشرینی دووەمی 2016دا، شاندی دانوستانكاری فارك و حكوومەتی كۆلۆمبیا رێككەوتنێكی ئاشتییان واژوو كردبوو، بە ئامانجی كۆتاییهێنان بە شەڕ و پێكدادانەكانی نێوانیان كە لە 1950وە لەو وڵاتە هەڵگیرسابوو.بەپێی رێككەوتنەكە لە 27ی حوەزیرانی 2017دا، چەكدارانی فارك چەكەكانیان رادەستی نەتەوە یەكگرتووەكان كرد.وێرای رێككەوتنەكە، بەڵام هێشتا لە ژمارەیەك ناوچەی كۆڵۆمبیا شەڕ و پێكدادان بەردەوامە كە لە میاندا چەكدارانی بزووتنەوەی فارك هەوڵ دەدەن ئەو ناوچانە كۆنترۆڵ بكەنەوە كە چەكدارەكانی پێشووی بزووتنەوەكەیان دوای دانانی چەكەكانیان چۆڵیانكردووە.
