بەدواداچوون‮: ‬عەلی‮ ‬بانیشاری‮-‬هەولێر
كۆمەڵێك قوتابی‮ ‬زانكۆ كە كەسوكاری‮ ‬شەهیدن و ژمارەیان‮ ‬15 ‮ ‬قوتابی‮ ‬زیاتر دەبێت لەلایەن وەزارەتی‮ ‬شەهیدان و ئەنفالكراوانی‮ ‬حكوومەتی‮ ‬هەرێمەوە ئاگادار كراونەتەوە كە چی‮ ‬دیكە پارەی‮ ‬ساڵانەی‮ ‬بەشەناوخۆییان بۆ نادرێت‮. ‬یەكێك لەو قوتابیانە كە ئامادە نەبوو ناوی‮ ‬بڵاو بكرێتەوە دەڵێ‮” ‬لەئێستادا بەدوای‮ ‬شوێنی‮ ‬مانەوەدا دەگەڕێین و وەزارەتی‮ ‬شەهیدان پێی‮ ‬راگەیاندووین بۆ لەمەودوا پارەی‮ ‬بەشەناوخۆییمان بۆ نادرێت و خاوەن باڵەخانەش تا‮ ‬1ی10 ‮ ‬موڵەتی‮ ‬چۆڵكردنی‮ ‬پێداوین‮”. ‬بەپێی‮ ‬ئەو زانیارییانەی‮ (‬خەبات‮) ‬لە نێو وەزارەتی‮ ‬شەهیدان دەستی‮ ‬كەوتووە وەزارەت نیازی‮ ‬نییە بۆ ساڵی‮ ‬نوێی‮ ‬خوێندن بەشەناوخۆیی‮ ‬بۆ قوتابیانی‮ ‬كەسوكاری‮ ‬شەهیدان بگرێـتەوە،‮ ‬بەهۆكاری‮ ‬ئەوەی‮ ‬دەرماڵەیان پێی‮ ‬دەدات‮.‬
هەفتەی‮ ‬رابردوو‮ ‬چەند قوتابییەك بە نوێنەرانی‮ ‬قوتابیانی‮ ‬كەسوكاری‮ ‬شەهیدان لە شاری‮ ‬هەولێر سەردانی‮ ‬وەزارەتی‮ ‬شەهیدان و ئەنفالكراوانیان كرد و لەوێ لەلایەن چەند بەرپرسێكی‮ ‬وەزارەتەوە پێشوازیان لێكرا‮. ‬سەردانەكەی‮ ‬ئەو قوتابیانە بەمەبەستی‮ ‬بەردەوامی‮ ‬مانەوەیان بووە لەو بەشەناوخۆیەدا كە ئێستا بڕیاری‮ ‬چۆڵكردنی‮ ‬دراوە‮. ‬وەكو‮ ‬یەكێك لەو قوتابیانە دەڵێ‮: ‬وەزارەت پێی‮ ‬راگەیاندین كە بۆ ساڵی‮ ‬نوێ بەشەناوخۆیمان بۆ ناگرێتەوە‮”. ‬
ئەو قوتابیە كە ئامادە نەبوو ناوەكەی‮ ‬بڵاو بكرێتەوە و لای‮ (‬خەبات‮) ‬ناوەكەی‮ ‬پارێزراوە دەشڵێت‮: ‬لە وەزارەت پێیان وتین گرتنی‮ ‬بەشەناوخۆیی‮ ‬بۆ قوتابیانی‮ ‬كەسوكاری‮ ‬شەهیدان تەنها لە شاری‮ ‬هەولێر كراوەتەوە و لە شارەكانی‮ ‬دیكە نەكراوەتەوە‮.‬
دەشڵێت‮: ‬پێشتر قوتابیان بۆ ماوەی‮ ‬4‮ ‬‮-‬5 ‮ ‬ساڵ لە بەشەناوخۆیی‮ ‬لەلایەن وەزارەتی‮ ‬شەهیدانەوە بۆ گیراوە،‮ ‬بەڵام دەبێت ئێمە كە هەر‮ ‬یەكەمان لە قۆناغێكی‮ ‬زانكۆین و هێشتا چەند ساڵێكمان ماوە بۆ ئەوەی‮ ‬خوێندن تەواو بكەین بۆ داهاتوو لەسەر گیرفانی‮ ‬خۆمان بەشەناوخۆیی‮ ‬بگرین‮”. ‬
وەكو ئەو قوتابیەی‮ ‬زانكۆ دەڵێت‮” ‬پێش شەڕی‮ ‬داعش وەزارەتی‮ ‬شەهیدان و ئەنفالكراوان وەكو دەرماڵە ساڵانە بڕی‮ ‬یەك ملیۆن و‮ ‬800 ‮ ‬هەزار دینار دەدایە قوتابیانی‮ ‬كەسوكاری‮ ‬شەهیدان،‮ ‬لەو بڕە پارەیە‮ ‬900 هەزار دیناری‮ ‬بۆ كرێی‮ ‬بەشەناوخۆیی‮ ‬بوو،‮ ‬بەڵام كە شەڕی‮ ‬داعش دروست بوو وەزارەت بڕی‮ ‬پارەكەی‮ ‬كەم كردەوە بۆ‮ ‬900 ‮ ‬هەزار دینار،‮ ‬كە‮ ‬450 ‮ ‬هەزار دیناری‮ ‬بۆ كرێی‮ ‬بەشەناوخۆیی‮ ‬بوو،‮ ‬بەڵام ئێستا دەرماڵەكە نادرێت بە قوتابیان و بەشەناوخۆیشیان بۆ ناگرێتەوە‮”.‬
ئەوەشی‮ ‬گوت‮” ‬نوێ نەكردنەوەی‮ ‬گرێبەستی‮ ‬بەناوخۆیی‮ ‬قورساییەكی‮ ‬زۆر دەخاتە سەر قوتابیانی‮ ‬كەسوكاری‮ ‬شەهیدان لە زانكۆ ئەهلییەكان‮”. ‬گوتیشی‮” ‬لە‮ ‬2017ـەوە كە لە زانكۆی‮ ‬ئیشق وەرگیراوم،‮ ‬یەك دیناری‮ ‬دەرماڵەم لەلایەن وەزارەتی‮ ‬شەهیدانەوە وەرنەگرتووە،‮ ‬بەڵام قوتابیانی‮ ‬زانكۆ لوبنای‮ ‬فەڕەنسی‮ ‬پێش‮ ‬20 ‮ ‬رۆژ لەمەوبەر دەرماڵەی‮ ‬ساڵی‮ ‬2017‮ -‬2018 یان وەرگرتووە كە‮ ‬900 ‮ ‬هەزار دینارە‮. ‬
ئەو بەشەناوخۆییەی‮ ‬كە‮ ‬15 ‮ ‬قوتابیەكەی‮ ‬تێدا نیشتەجێیە دەكەوێتە گەڕەكی‮ ‬مەنتكاوەی‮ ‬شاری‮ ‬هەولێر‮. ‬وەزارەتی‮ ‬شەهیدان بۆ كرێی‮ ‬ئەو بەشەناوخۆییە مانگە بڕی‮ ‬2 ‮ ‬ملیۆن‮ ‬500 ‮ ‬هەزار دینار دەدات،‮ ‬بەڵام وەكو قوتابیانی‮ ‬ئەو بەشەناوخۆییە بە(خەبات‮)‬یان راگەیاندووە‮: ‬بۆ ساڵی‮ ‬نوێی‮ ‬خوێندن وەزارەتی‮ ‬شەهیدان گرێبەستەكە لەگەڵ خاوەن باڵەخانەكە نوێ ناكاتەوە و بەناچاری‮ ‬دەبێت لە هەفتەی‮ ‬داهاتوودا چۆڵی‮ ‬بكەین‮”.‬
پەیامنێری‮ (‬خەبات‮) ‬بۆ بەدواداچوونی‮ ‬زیاتر بۆ كێشەی‮ ‬ئەو قوتابیانە پەیوەندیكرد بە عەبدوڵڵا حاجی‮ ‬مەحمود،‮ ‬وەزیری‮ ‬شەهیدان و ئەنفالكراوان،‮ ‬بەڵام ناوبراو وەڵامی‮ ‬پەیوەندییەكەی‮ ‬نەدایەوە،‮ ‬سەرەڕای‮ ‬ئەوەی‮ ‬لە رێگەی‮ ‬نامەی‮ ‬مۆبایلەوە پەیامنێرمان ئاگاداری‮ ‬ناوبراوی‮ ‬كردەوە‮. ‬هەر لەسەر هەمان كێشە پەیوەندیكرا بە فوئاد عوسمان،‮ ‬وتەبێژی‮ ‬وەزارەتی‮ ‬شەهیدان،‮ ‬ناوبراو تەنها ئەوەندەی‮ ‬گوت‮: ‬رێگەی‮ ‬پێنەدراوە پاش مەحمود ساڵح حەمە كەریم،‮ ‬وەزیری‮ ‬پێشووی‮ ‬شەهیدان و ئەنفالكراوان لێدوان بدات‮.‬