خەبات: سەفەر یوسف میرخان ژاژوكی:-
لە یادی 58مین ساڵەی هەڵگیرسانی شۆڕشی مەزنی ئەیلوول،ئەو شۆڕشەی كە پانتاییەكی جوگرافیای بەرفراوانی گرتەوەو دڕێژترین شۆڕشی كورد بوو لە مێژووی بزاڤی رزگاڕیخوازی كورد بە سەركردایەتی باوكی رۆحی نەتەوەی كورد بارزانیی نەمر كە بە خۆی سەركردایەتی ئەم شۆڕشە و پارتی و پێشمەرگەكانی و خۆڕاگری جەماوەری كوردستان كە هەموویان پێكەوە شۆڕش و بەرخودانیان كرد.بە پێویستمان زانی چاوپێكەوتنێك لە گەڵ پێشمەرگەی ئەم شۆڕشە ساز بكەین.
لە پیرمام چاومان بە پێشمەرگەی ماندوونەناسی شۆڕشی مەزنی ئەیلوول و گوڵان مام یەزدین كۆلەكی كەوت كە رۆڵێكی قارەمانانە هەبووە لە هەموو داستانەكان بەمشێوە باسی خەباتی پێشمەرگایەتی خۆی دەكات: لە شۆڕشی مەزنی ئەیلوول بریاری ئێمە بریاری بارزانیی نەمر بووە، ژیانی ئێمە ژیانی بارزانیی نەمر بووە لە پێش چوونمان بۆ بادینان بارزانیی نەمر ئێمەی كۆكردەوە وە فەرمووی لەو سەفەرە هەر كەسێك بێت دەبێ بزانی رێگای مان و نەمانمان لە پێشە بۆ ئاواتەكانی كوردستان و دواترچووینە بادینان ، بارزانیی نەمر دیسان فەرموو قەد ئێوە لە بیرناكەم چونكە ئێوە لەو زەروفەدا بریاری مردنتان لەگەڵ من دا ، بارزانیی نەمر بە رابەریكی ئاشتیخواز و عەدالەتخواز ناسراو بووە بۆیە ئیرادەمان هەبووە و سەركەوتنێكی زۆرمان بەدەست هێنا و شەڕ لە بادینان و چیای ئاكرێ و پیرس و زاوێتە و چەندەها تری بەشداریمان كرد بە ئەو ئیمكانیەی كەم كەهەمان بوو توانیان دوژمن وناحەزانی كورد شكست بدەین وشۆڕش و عەدالەتی بارزانیی نەمر رۆژ بە رۆژ چوویە ناو دڵی خەڵك بۆیە هەمیشە خەڵكی دەڤەری بادینان وەكو دەڤەرەكانی تری كوردستان خەڵك بە هەموو روویەكەوە پێشوازییان لە شۆڕش كرد وهەرچی پێداویستیەك هەبووایە بۆ شۆڕشیان پەیدا دەكرد و رۆڵیان جوامیرانە بوون و ئەوان لە رووی ئیمكانیات و خواردن و پیداویستەكان لە گەڵ ئێمە دا بوون و ئەو دەڤەرەش دەورێكی ئەساسی شۆڕشیان هەبوو رۆژ بە رۆژ خەڵكی دەڤەری بادینان هەستی كوردایەتیەوە خەباتیان بۆ رێبازی بارزانی و كوردایەتی كردووە. ئەم شۆڕشە سەرتاسەری بوو و هەموو چین و توێژێك بەشداری تێدا كرد، بۆیە بارزانیی نەمر لەگەڵ پێشمەرگەكانی لەماوەی ئەم چەند ساڵەی شۆڕش توانی پەیوەندی بە هەموو ناوچەكان بكات.
بارزانیی نەمر هەرچی لەشكر لەوی بوو پاڵپشتی میللەت بووە وەك چیایەك لە شوێنك كە قوەتی سیار لەوی بوو واتە لە پێش قوەتی سەیاردابووە، ئەو تەنها بۆ كودایەتی هەمیشە چەكی لە شان بوو و بارزانیی نەمر خۆراگر بووە و ئەو بیروباوەڕ و هەستی نەتەوایی و كوردایەتی بارزانیی نەمر بۆیە ئامادەبووین خۆراگر و چاونەترس بین تاكو خۆمان فیدای كوردستان بكەین.
لە پیرمام چاومان بە كادیر و پێشمەرگەی شۆڕشی مەزنی ئەیلوول و گوڵان حاجی یاسین ئیسماعیل زاخۆیی كەوت دەكاتە برازای شەهیدی فەرماندە عەلی هالۆ زاخۆیی و برای 3 شەهیدی قارەمانی شۆڕشی مەزنی ئەیلوول شەهیدرەمەزان زاخۆیی و شەهید تەها زاخۆیی و قاسم زاخۆیی و هەروەها دەكاتی خالی شەهیدمەحمود هالۆ، بەرێزیان بەمشێوە هاتە ئاخەوتن: شۆڕشی مەزنی ئەیلوول شۆڕشێكی سەرتاسەری بووە و بارزانیی نەمر لە دەڤەری بادینان شۆڕشی بەرپا كرد و جەماوەر و خەڵكی ئەو دەڤەرە كە بگرە لە هەموو چین و توێژەیەكەوە چوونە پاڵ شۆڕشی بارزانیی نەمر كە كوردایەتی بووە ئەو شۆڕشە كە بتوانین مافەكانی كوردستان بەرجستە بكات و بارزانیی نەمر بە خۆی پێشمەرگەكانی لە دەڤەری زاخۆ تا كو خانەقین شۆڕشیان كرد وبەرگریان لە كوردستان كرد و هەر لە ناوچەیەك زوڵم و زۆرداری هەبوایە نەیدەهێشت، شۆڕشەی مەزنی ئەیلوول شۆڕشە درێژوپێدەری شۆڕشەكانی تر بووە و شۆڕشی مەزنی ئەیلوول شۆڕشێكی بەرفراوان بووە و بەیانی 11 دەسكەوتی شۆڕشی مەزنی ئەیلوول بووە، لە شۆڕشی مەزنی ئەیلوولكادیرەكانی پارتی دیموكراتی كوردستان دەورێكی گرنك و باش هەبووە و كیشەكانی میللەتی چارەسەر دەكرد ومن بە شانازیەوە كادیر و پێشمەرگەی شۆڕشی مەزنی ئەیلوول لە دەڤەری زاخۆ بووم كە لەگەڵ مامی قارەمانمان شەهیدی فەرماندە عەلی هالۆ زاخۆیی دابووم كە لەگەڵ شەهیدی فەرماندە عیسا سواری سێلكی ئامیر هێزی زاخۆ بووە ، پێشمەرگەكان هێزی مەعنەوەیی بەرزیان هەبووە و بەتایبەتی دەڤەری ئێمە كە رۆژانی خەڵك بە ماڵ ونانی خۆیان هاوكاری شۆڕش دەكرد و جەماوەریش پاڵپشتی شۆڕش بوون، هەروەها چەندەها جار لە شۆڕشی مەزنی ئەیلوول كۆبوونەوەكان بارزانیی نەمر لەگەڵ جەماوەر و كادیر و پێشمەرگەكان بەشداربووم كەهەمیشە بارزانیی نەمر دەیفەرموو: دەبێ خوا و میللەت لە خۆمان رازی بكەین و پێویستە ئەو كەسانەی كە كاروباری ئەم میللەتیان لە دەست دابێ و دەبێ ئەو كەسانە بە دڵسۆزانە ئەركی خۆیان بە دروستی بكەن و نابێ بە دوای نەفسی خۆیان بڕۆن ئەو شۆڕشی دەچووینە گوندەكانن و هەتا كۆبوونەوەمان لەگەڵ جەماوەر دەكرد و هەمیشە دەبێ خزمەت بە میللەت بكەن و كادیر بەرپرسیارە كە میللەتی بیپارێزە بۆیە بارزانیی نەمر هەمیشە ئێمەی كادیران ئاگادار دەكرد كە دەبێ كادیر راست و دروست بێت بۆ گەل و نیشتمانی و لە هەموو زەروفێكدا هەوڵ بدات خزمەتی گەل بكات بۆیە ئێمەی كادیرەكانی هەریەك خۆمان بە بەرپرسیاری ئەركەكانمان دەزانی بۆ خزمەتكردن بە گەل. بۆیە بارزانیی نەمر داوای لە حزب و پێشمەرگە و كادیرەكان دەكرد كە هەتا ئاخرین نەفس بەرگری لە خۆیان بكەن بۆیە بارزانیی نەمر هەمیشە دەیگوت ئەگەر میللەتی كوردستان لە گەڵماندا بێت دوژمن هەزارجار بە هێز بێت شكست دەخوات، چونكە میللەت لە گەڵ ئێمە دایە بۆیە شۆڕشی مەزنی ئەیلوول بەسەروكایەتی بارزانیی نەمر گەورترین دەسكەوتی بەدەستهێنا.
خەباتكار مامیەزدین كۆلەكی لە بارەی هەندێك لە بیرەوەرییەكانی لە شۆڕشی مەزنی لەگەڵ بارزانیی نەمر و پێشمەرگەكان دا گوتی: لە شۆڕشی مەزنی ئەیلوول بارزانیی نەمر هەموو كات شان بە شانی ئێمەی پێشمەرگە لە پێشەوەی شەڕەكان دابووە و گەورەترین نەخشەی بۆ دوژمن دادەنا كە سەركەوتنی زۆر بەدەست دەهێنا، بارزانیی نەمر كەسێكی چاونەترس و هەمیشە هانی پێشمەرگە دەدا و ورەی پێشمەرگەكانی بەررز دەكردەووە ، لە شۆڕشی مەزنی ئەیلوول پێشمەرگە گیانفیدا بوون رۆژانە هەبوو ئێمە چەندین شەڕمان دەكرد لەگەڵ دوژمن كە تەواوی هێزی خۆی لە تانك و فرۆكە دەهاتە سەرمان بەڵام دیسان ئێمە هەر خۆڕاگر و دلێرانە شەڕی مان و نەمانمان دەكرد كەئەمەش دەگەڕێتەوە بۆ سەركردایەتی حەكیمانەی بارزانیی نەمر ،بارزانیی نەمر رابەریكی بە قەناعەت بوو لە ژیانی خۆی وەك پێشمەرگە دەژیاو لە رووی جلوبەرگ و خواردن چ جیاوازی نەبوو لەگەڵ پێشمەرگە هەمیشە خۆی بە خزمەتكاری میللەتی دەزانی، بۆیە بارزانیی نەمر هەمیشە لە ناو ئێمە پێشمەرگە خۆی دەناساندو ئەگەر نانێك هەبوایە لەگەڵ پێشمەرگە پێكەوەیان دەخوارد، لای بارزانیی نەمر بوون و نەبوونی خواردن و جلوبەرگ لای گرنگ نەبوو بەڵكۆ هەڤاڵێتی لە گەڵ پێشمەرگە پێ خۆش بوو، هەمیشە ئامۆژگاریەكانی بارزانیی نەمر لە كاتی شەڕ دا ئەوە بوو كە دەبێ سەبر و ئومێدتان هەبێت و نابی هیچ كاتێك خۆتان بە گەورە بزانن، بەڵكو ئێمە خزمەتكاری خەڵكی كوردستانین، بۆیە بارزانیی نەمر هەمیشە دەویسیت هەموو خەڵكی كوردستان تێكەڵ بكات بۆ ئەوەی كوردایەتی بە هێز بێت و بۆ نموونە من لە شۆڕشی مەزنی ئەیلوول پێشمەرگەی دەڤەری بارزان بووم لە دەڤەری بادینان خزمەتم دەكرد یان پێشمەرگە زاخۆ یان خانەقین و دهۆك و سلێمانی و هەولێر هەریەك لە شوێنی تر ئەو هەست بوون بە كوردستان و بێ جیاوازی بوو كە دەبێ یەك و تەبا بین بۆ كوردایەتی .بارزانیی نەمر هیچ كاتێك خۆی لە ئێمەی پێشمەرگە جیا نەدەكرد و خۆی بە خزمەتكاری میللەتەكەی دەزانی و ئێمەش شوێن هەڵگری ئەو بووین لە لای خەڵك خۆشەویست بوو.
كادیرو پێشمەرگەحاجی یاسین ئیسماعیل زاخۆییلە بارەی عەدالەتی بارزانیی نەمر لە شۆڕشی مەزنی ئەیلوولدا گوتی: بارزانیی نەمر هەمیشە لە گەڵ حەق بووە و دەیگوت مرۆڤ دەبێ راستگۆ بێت و ئەو بەرپرس و كەسانەی كە خزمەتیان بە میللەت نەدەكرد شوێنان نەبوو لای، بارزانیی نەمر هەمیشە لە گەڵ حەق بوویە بۆیە شۆڕشی لە پێناو كوردایەتی بەرپا كردبوو .بارزانیی نەمر رابەرێكی دڵسۆز و هەژار دۆست بوو و هەموو كاتێك لە گەڵ پێشمەرگە بێ جیاواز بووە و هەروەها بارزانیی نەمر ئینسانێكی بەوەفا بوو وهەرگێز چاكە و خزمەتی هیچ كەسێكی تەنانەت بۆ شۆڕشی كورد لە بیر نەدەكرد بۆیە زۆربەی هەرە زۆری جەماوەری كوردیتان لە دەوری بارزانیی نەمر كۆبوونەوە لە شۆڕشی ئەیلوول چونكە هیچ جیاوازیەك نەبوو لە ناو میللەت و جەماوەر یەك بوون و هەتا لەو شۆڕشەدا رابەری كورد بارزانیی نەمر هەموو كاتێك گوند بە گوند سەردانی خەڵك دەكرد كە وهاوكار و پاڵپشتی فەقیر و هەژارانی دەكرد بەڕاستی بارزانیی نەمر عەدالەتێكی زۆربەهێزی هەبوو لەبەر ئەوەی هەمووكوردستان لە ژێر فەرماندەیی و سەركردایەتی بارزانیی نەمر و پارتیمان كۆ بوویتەوە و جەماوەر دەورێكی باڵای هەبووە و هەتا چینی ئافرەت و قوتابیان و لاوانیش وجەماوەر لەم شۆڕشەدا بەشداری بێ وێنەیان هەبوو، مام و 3 برام و كەسوكارم لە سەر ئەو ڕێبازە شەهید بوونە و هەرخۆم بە پێشمەرگە و كادیری رێبازی بارزانی و پارتی دەزانم و تاكو مردن بەردەوام دەبم و هەروەها سەركردەی نەمر ئیدریس بارزانی و جەنابی سەرۆك بارزانی ئەوانیش لە شۆڕشی مەزنی ئەیلوول رۆڵیان هەبووە و درێژەپێدەری رێبازی باوكیان بوون و شۆڕشی گوڵانیان بەرپا كرد كە ئەوەی ئێستا ئێمە تێداینە بەرهەمی خەباتی بارزانیی نەمر و پێشمەرگە قارەمانەكان و بەرهەمی خوێنی شەهیدانە.
لە كۆتایی دا بۆ یادی شۆڕشی مەزنی ئەیلوول مامیەزدین كۆلەكی گوتی: دوای نسكۆی شۆڕشی مەزنی ئەیلوول ئاوارەیی ئێران بووین و بەهەمان روحیەوە بەشداریم لە شۆڕشی گوڵان كرد بە سەرۆكایەتی شەهیدی هەمیشە لەیاد ئیدریس بارزانی و جەنابی سەرۆك مسعود بارزانی و بەشداری چەندەها داستانم كرد ئەمرۆ كە یادی شۆڕشی مەزنی ئەیلوول دەكەین یادی رۆژگاری سەختەكانم دەكەین كە لە گەڵ رابەرمان بارزانیی نەمر بۆ كوردستان خەباتمان دەكرد یادی شۆڕشەكان دەكەینەوە و یادی شەهیدەكانمان دەكەین داوا بكەم كە یەك هەڵوێست و یەك بیرۆچوون بین پاڵپشتی سەرۆك بارزانی بین كە بۆ تەبایی و ئارامی، ئەمڕۆش نەوەكانی بارزانیی نەمر كە هەریەك بەرێز نێچیرڤان بارزانی سەرۆكی هەرێمی كوردستان و بەرێز مەسرور بارزانی سەرۆكی حكومەتی كوردستان خزمەت دەكەن كەئەوە نیشانەی ئەوەیە ئەوانیش بەهەمان رێبازی باوك و باپیران بەردەوام بۆ خزمەتكردن بە كوردستان. سوپاس بۆ ئێوەی بەرێز و رۆژنامەی خەباتان دەكەم كە ئێمە بە سەر دەكەنەوە،لە یادی 58 ساڵەی بوونم بە پێشمەرگەی شۆڕشی مەزنی ئەیلوول پڕ بەدڵ پیرۆبایی خۆم ئاراستەی هەموو پێشمەرگەكانی قارەمانی كوردستان و خانەوادەی سەربەرزی شەهیدانی كوردستان دەكەم و هەزاران سڵاو لە سەرجەم شەهیدانی رێگای ئازادی كورد و كوردستان و سەروەریان بارزانی باوك و كاك ئیدریسی هەمیشە لە یاد.
