به‌كر كه‌ربم حه‌سه‌ن
هەروەكو پێشینان دەلێن‮” ‬قوتابی‮ ‬ئەمانەتە و مامۆستاش ویژدانە‮”.‬
بێگومان گواستنەوەی‮ ‬قوتابیان بۆ قوتابخانەكان‮ ‬یەكێكە لە بابەتە گرنگ و هەستیارەكانی‮ ‬قوتابخانە بەتایبەتی‮ ‬و كۆمەڵگەش بە گشتی‮. ‬قوتابخانەكانی‮ ‬ناحكومی‮ ‬و حكومی‮ ‬پێویستە بەرپرسیارانە و پەروەردەییانە هەڵسوكەوت لەگەڵ ئەم بابەتە بكەن،‮ ‬قوتابیان ئەمانەتی‮ ‬كۆمەڵگەن لای‮ ‬قوتابخانەوە دایك و باوكی‮ ‬قوتابیان بەردەوام پەرۆشن و دوو دڵ و راڕان لە چۆنیەتی‮ ‬گواستنەوە و گەیاندنی‮ ‬منداڵەكانیان بۆ قوتابخانە و باخچەكان،‮ ‬پێویستە كارگێڕی‮ ‬قوتابخانە ئەو ترس و دڵە راوكێیەی‮ ‬دایك و باوكان بڕەوێنێتەوە ئەویش گرنگە لە سەرەتادا منداڵی‮ ‬بچووك و گەورە تێكەڵ‮ ‬یەك نەكرێن لە ناو‮ ‬یەك پاس دا،‮ ‬بەڵكو پێویستە جیاوازی‮ ‬تەمەنیان كەم بێت‮. ‬واتە قوتابیەكی‮ ‬پۆلی‮ ‬یەكەمی‮ ‬بنەڕەتی‮ ‬لەگەڵ قوتابیەكی‮ ‬پۆلی‮ ‬نۆیەمی‮ ‬بنەڕەتی‮ ‬لە هەمان پاسدا نەبن،‮ ‬لەوانەیە كۆمەلێ كێشەو گرفتی‮ ‬دەروونی‮ ‬بۆ قوتابیانی‮ ‬تەمەن بچوك دروست بكات،‮ ‬رەنگە ببێتە هۆی‮ ‬رق هەستان و دووركەوتنەوە و هەڵاتن لە قوتابخانە و‮ ‬یانیش ببێتە هۆی‮ ‬رووخان و رمانی‮ ‬نەرێنی‮ ‬لە پاشە رۆژ چارەسەری‮ ‬ئاسان نابێت،‮ ‬هەروەها شوفێری‮ ‬پاسەكان پێویستە كۆمەلێ رێنمایی‮ ‬و رێككاری‮ ‬بۆ دابنرێت و پەیڕەوی‮ ‬بكەن،‮ ‬لەلایەن‮ ‬ئەنجومەنی‮ ‬باوكان و دایكان و دوو نوێنەریش لە مامۆستایان‮ ‬چاودێری‮ ‬بەردەوامی‮ ‬پاسەكان بكەن‮. ‬هەر لە رێگای‮ ‬ئەو ئەنجومەنەوە پاس دابین بكرێ بەرێوەبەر و‮ ‬یاریدەر لەو ئەنجومەنە نەبن ئەوان رۆڵی‮ ‬چاودێری‮ ‬كردن و بەدواداچوون ببینن‮.‬

ئەو رێنمایی‮ ‬و رێككارانەی‮ ‬دەبێت شوفێرەكان پاپەندبن،‮ ‬پێویستە هەڵسوكەوت و رەفتارو گوفتاریان پەروەردەیی‮ ‬بێت لەگەڵ قوتابیان،‮ ‬قوتابیان بە كچ و كوڕی‮ ‬خۆیان بزانن و پێگەیشتوو و شیاو بن و خاوەن شارەزایی‮ ‬باش بن لە هاژووتن و هەست بەبەرپرسیاریەتی‮ ‬ئەركەكەیان بكەن و گرنگە خولی‮ ‬راهێنان بە سەرجەم ئەو شوفێرانە بكرێت كە قوتابیان دەگوازنەوە لەلایەن وەزارەتی‮ ‬گواستنەوە و گەیاندن بە هەماهەنگی‮ ‬وەزارەتی‮ ‬پەروەردە لە سەر چۆنیەتی‮ ‬هەڵسوكەوت كردن لەگەڵ قوتابیان و مسۆگەركردنی‮ ‬پاپەندبوونیان و ووشیاركردنەوەیان و جێ بەجێ كردنی‮ ‬رێنماییەكان و رێككارەكان و چۆنیەتی‮ ‬هاژووتن و خێرا لێ نەخورین و جگەرە نەكێشان و مۆبایل بەكارنەهێنان لە كاتی‮ ‬هاژووتن و نەخواردنی‮ ‬خواردن وخواردنەوە لە ناو پاس لەلایەن شوفێرەوە چۆنیەتی‮ ‬راوەستان و بگرە لە ناو پاس نابێ گۆرانی‮ ‬نا پەروەردەیی‮ ‬بگوترێ و پاسەكان پەردەیان نەبێت بێ كێماسی‮ ‬بن،‮ ‬پێداویستییەكانی‮ ‬فێنكەرەوەكان و گەرم كەرەوەیان هەبێت لەگەڵ كۆمەلێ ووردەكاری‮ ‬تر،‮ ‬ئەو خولانە لەلایەن پسپۆڕ‮ ‬و شارەزایانەوە بگوترێنەوە لەلایەن ئەنجومەنی‮ ‬قوتابخانەكان بەدوا داچوون بكرێ‮. ‬هەروەها بوونی‮ ‬سەرپەرشتیار‮ ‬یانیش هاوەل بۆ قوتابیان لە ناو پاسدا گرنگە و پێویستەهەبێت،‮ ‬لەلایەن ئەنجومەنی‮ ‬قوتابخانە دیاری‮ ‬بكرێت‮ ‬بەشداری‮ ‬خولیان پێ بكرێت،‮ ‬لەلایەن توێژەرانی‮ ‬كۆمەڵایەتی‮ ‬كە دڵنیایی‮ ‬زیاتر دەداتە دایك و باوكی‮ ‬قوتابیان و دەستەی‮ ‬كارگێڕی‮ ‬و مامۆستایانیش‮.‬

جەخت دەكەمەوە پێویستە دەستەی‮ ‬كارگێڕی‮ ‬قوتابخانەكان خۆیان بە دووربگرن لە بابەتی‮ ‬گواستنەوەی‮ ‬قوتابیان بەهیچ شێوەیەك پەیوەندییان بە شوفێر و گرتنی‮ ‬پاسەكان نەبێت،‮ ‬بەڵكو رۆلی‮ ‬سەرەكی‮ ‬ئەوان بەدوا داچوون و چاودێری‮ ‬كردن بێت،‮ ‬وە قوتابخانەكان نابێت لایەنی‮ ‬قازانج لە پێش لایەنی‮ ‬پەروەردەیی‮ ‬رەچاوبكەن،‮ ‬چونكە تاوانێكی‮ ‬پەروەردەیی‮ ‬ترسناكە‮. ‬ئەركی‮ ‬قوتابخانەكان گرنگیدانە بە لایەنی‮ ‬پەروەردە و فێركردن لە پێش هەموو شتێكی‮ ‬تر،‮ ‬لە بیرمان نەچێت گواستنەوەی‮ ‬قوتابیان بۆ قوتابخانەكان زۆر گرنگە و پێویستە بە ووردی‮ ‬رەچاوی‮ ‬بكەن لە لایەنی‮ ‬پەروەردەیی‮ ‬و رەفتاری‮ ‬قوتابییەكان و بەها بنچینەییە پەروەردەییەكان لە پێش هەموو شتێكی‮ ‬ترەوەن‮.‬

‮❊ ‬بەرێوەبەری‮ ‬گشتی‮ ‬چاڵاكی‮ ‬وەرزش و هونەر