خەبات‮: ‬ڕۆشنا عەلی:-‮ ‬
ڕۆژی‮ ‬10‭/‬9‭/‬2019‮ ‬لەهۆڵی‮ ‬ڤیدیۆ كۆنفرانس لە دیوانی‮ ‬وەزارەتی‮ ‬خوێندنی‮ ‬باڵا و توێژینەوەی‮ ‬زانستی‮ ‬كۆنگرەیەكی‮ ‬رۆژنامەوانی‮ ‬دەربارەی‮ ‬پلانی‮ ‬وەرگرتن بۆدەرچووانی‮ ‬دوانزەی‮ ‬ئامادەیی‮ ‬ڕێكخراو هەریەك لە‮ ‬د.خەتاب ئەحمەد مستەفا‮ ‬بەرێوەبەری‮ ‬گشتی‮ ‬خوێندن و پلاندانان بەوەكالەت و‮ ‬د.جەمال كەمال‮ ‬یاریدەدەری‮ ‬بەڕێوەبەری‮ ‬گشتی‮ ‬خوێندن و پلاندانان و‮ ‬ئارام ئیبراهیم‮ ‬بەڕێوەبەری‮ ‬ناوەندی‮ ‬وەرگرتن و‮ ‬ئیبراهیم‮ ‬ڕەشید‮ ‬بەڕێوەبەری‮ ‬خوێندنی‮ ‬تایبەت ئامادەی‮ ‬كۆنگرە‮ ‬ڕۆژنامەوانییەكە بوون‮.‬

زانكۆ لاین كارا دەكرێت
سەبارەت بە وادەی‮ ‬ڕاگەیاندن و كاراكردنی‮ ‬سیستمەكانی‮ ‬وەرگرتن د.خەتاب ئەحمەد‮ ‬ڕایگەیاند‮:‬‮ ‬لە ئەمڕۆ سێشەممە كە دەكاتە‮ ‬ڕێكەوتی‮ ‬10‭/‬9‭/‬2019‮ ‬لە سەعات‮ ‬5‮‬ی‮ ‬ئێوارە وێبسایتی‮ ‬www.regayzanko.com‮‬ بۆدەرچوانی‮ ‬خولی‮ ‬یەكەم و دووەمی‮ ‬دوانزەی‮ ‬ئامادەیی‮ ‬تا سەعات‮ ‬12‮‬ی‮ ‬شەوی‮ ‬ڕۆژی‮ ‬20‭/‬9‭/‬2019‮ ‬واتە بۆ ماوەی‮ ‬10‮ ‬ڕۆژ كارا دەكرێت،‮ ‬بەوەش دەرچوانی‮ ‬پۆلی‮ ‬12‮‬ی‮ ‬ئامادەیی‮ ‬دەتوانن فۆرمی‮ ‬وەرگرتن لە زانكۆ و پەیمانگەكان پڕبكەنەوەو پێشكەشی‮ ‬بكەن،‮ ‬بۆ خوێندنی‮ ‬تایبەتیش بەڕێوەبەری‮ ‬گشتی‮ ‬خوێندن و پلاندانان بەوەكالەت وتی‮: ‬زانكۆ تایبەتەكان لەئەمڕۆوە دەتوانن فۆڕم بەسەر خوازیاران لەخوێندنی‮ ‬تایبەت دابەش بكەن،‮ ‬هەروەك جەختی‮ ‬لەسەر ئەوەشكردەوە كە دەرچوان دەبێ بەبەكارهێنانی‮ ‬هەمان ناوی‮ ‬بەكارهێنەرو وشەی‮ ‬تێپەڕ‮ ‬یوزەیەر نەیم و پاسۆرد‮ ‬كە پێشتر لە خوێندنگەكانیان وەریانگرتۆتەوە دەتوانن فۆرمی‮ ‬وەرگرتن پڕبكەنەوە‮.‬

ژمارەی‮ ‬كورسی‮ ‬خوێندن
سەبارەت بەپلانی‮ ‬وەرگرتن بۆ خوێندنی‮ ‬ئەمساڵ،‮ ‬بەڕێوەبەری‮ ‬گشتی‮ ‬خوێندن و پلاندانان بەوەكالەت پلانی‮ ‬وەرگرتن بەهەرسێ جۆری‮ ‬خوێندن‮ ‬گشتی،‮ ‬پارالێڵ،‮ ‬ئێواران‮ ‬ڕوونكردەوە،‮ ‬بەجۆرێك بۆ خوێندنی‮ ‬گشتی‮ ‬24784‮ ‬كورسی‮ ‬خوێندن و بۆ خوێندنی‮ ‬پارالێڵ‮ ‬10514‮ ‬كورسی‮ ‬خوێندن و بۆ خوێندنی‮ ‬ئێواران‮ ‬11577‮ ‬كورسی‮ ‬خوێندن تەرخانكراوە،‮ ‬بەم شێوەیەش لە زانكۆ حكومیەكان‮ ‬46875‮ ‬كورسی‮ ‬خوێندن تەرخانكراوە و بۆ خوێندنی‮ ‬تایبەتیش‮ ‬23714‮ ‬كورسی‮ ‬خوێندن بۆ دەرچووان تەرخانكراوە،‮ ‬بەم شێوەیەش كۆی‮ ‬كورسی‮ ‬خوێندن بەهەردو جۆری‮ ‬حكومی‮ ‬و تایبەت‮ ‬70589‮ ‬كورسیە‮.‬

سەبارەت بەژمارەی‮ ‬دەرچووانی‮ ‬پۆلی‮ ‬دوانزەی‮ ‬ئامادەیی‮ ‬وتی‮: ‬وەزارەتی‮ ‬پەروەردە ناوی‮ ‬51933‮ ‬بۆ ئێمە‮ ‬ڕەوانە كردووە كە‮ ‬36350‮ ‬دەرچوی‮ ‬زانستی‮ ‬و‮‬15583‮ ‬دەرچوی‮ ‬وێژەیین،‮ ‬بەو شێوەیەش ژمارەی‮ ‬كورسیەكانی‮ ‬خوێندن زیاترە لە ژمارەی‮ ‬دەرچووان‮.‬

هاوكاری‮ ‬دەرچووان
هەر لە كۆنگرە‮ ‬ڕۆژنامەوانیەكەدا د.خەتاب ئەحمەد وتی‮:‬‮ ‬بۆ بەرچاوڕونی‮ ‬زیاتری‮ ‬دەرچوانی‮ ‬پۆلی‮ ‬دوانزە و ئاشنابونیان بەسیستمەكانی‮ ‬وەرگرتن‮ ‬زانكۆلاین،‮ ‬پارالێل،‮ ‬ئێواران و خوێندنی‮ ‬تایبەت‮ ‬دەتوانن سەردانی‮ ‬سەنتەری‮ ‬ڕاوێژكاری‮ ‬زانكۆكان بكەن بۆ‮ ‬ڕونكردنەوەی‮ ‬پێویست لەسەر چۆنیەتی‮ ‬پڕكردنەوەی‮ ‬فۆرمی‮ ‬وەرگرتن بەسیستمە جیاوازەكان،‮ ‬وتیشی‮: ‬ئەوەش دەرەفەتێكی‮ ‬گرنگە بۆ ئەوەی‮ ‬دەرچوان بەر لەوەی‮ ‬فۆرمی‮ ‬وەرگرتن پێشكەش بكەن و ئاگاداری‮ ‬وردەكارییەكانی‮ ‬سیستمەكە بن و هەوڵ بدەن بە ئامادەبونی‮ ‬خۆیان فۆڕمەكانی‮ ‬بۆ پڕبكرێتەوە‮.‬

كرێی‮ ‬خوێندن
سەبارەت بە كەمكردنەوە و كرێی‮ ‬خوێندن بەڕێوەبەری‮ ‬گشتی‮ ‬خوێندن و پلاندانان بەوەكالەت وتی‮: ‬وەزارەتی‮ ‬خوێندنی‮ ‬باڵا هەوڵەكانی‮ ‬بۆ ئەو مەبەستە چڕكردۆتەوەو پلانی‮ ‬كەمكردنەوەی‮ ‬كرێی‮ ‬خوێندنی‮ ‬هەیە،‮ ‬ئەمەش پاڵپشت بە خاڵی‮ ‬13‮ ‬لەكارنامەی‮ ‬حكومەتی‮ ‬هەرێمی‮ ‬كوردستان و هەنگاوەكانمان دەست پێكردووە‮.‬

مینبەری‮ ‬ئێمە سایت و پەیجی‮ ‬وەزارەتی‮ ‬خوێندنی‮ ‬باڵایە
د.خەتاب ئەحمەد سەبارەت بە هەبوونی‮ ‬پەیج و ئەكاونت بەناوی‮ ‬زانكۆلاین و ناوەندی‮ ‬وەرگرتن وتی‮:‬‮ ‬ئێمە وەك ستافی‮ ‬وەرگرتن هیچ جۆرە پەیج و ئەكاونتێكمان لە تۆڕە كۆمەڵایەتییەكان نیە بەناوەكانی‮ ‬زانكۆلاین و ناوەندی‮ ‬وەرگرتن‮ ‬یان هەر ناوێكی‮ ‬دیكە،‮ ‬بەڵكو تاكە مینبەری‮ ‬گەیاندنی‮ ‬ڕێنماییەكانی‮ ‬ئێمە لەڕیگەی‮ ‬سایت و پەیجی‮ ‬فەرمی‮ ‬وەزارەتی‮ ‬خوێندنی‮ ‬باڵا و توێژینەوەی‮ ‬زانستییە‮.‬