خه‌بات: ئومێد بابان‮:-
‬شاكارێكی‮ ‬شانۆیی‮ ‬نووسەری‮ ‬جیهانی‮ ‬هینریك ئیبسن ‮ ‬1828‮‬- 1906كە بە باوكی‮ ‬شانۆی‮ ‬ڕیالیزمی‮ ‬دادەنرێت،‮ ‬لە شاری‮ ‬هەولێر كاری‮ ‬دەرهێنانی‮ ‬بۆ كراوە و نمایش دەكرێت،‮ ‬ئەویش شانۆگەریی‮ ‬دوژمنی‮ ‬گەلـە،‮ ‬لەم شانۆگەرییەدا كە ژمارەیەكی‮ ‬فراوانی‮ ‬بەشدارانی‮ ‬لەخۆ گرتووە،‮ ‬دەستەیەك لە شانۆكارە گەنجەكانی‮ ‬شاری‮ ‬هەولێر‮ ‬ڕۆڵەكان بەرجەستە دەكەن و كارە هونەرییەكان‮ ‬ڕادەپەڕێنن‮. ‬سەبارەت بەم نمایشە،‮ ‬دەرهێنەر ئەرسەلان دەروێش دەڵێت‮: ‬شانۆگەریی‮ ‬دوژمنی‮ ‬گەل كە لەساڵی‮ ‬1882دا بڵاو بووەتەوە لە‮ ‬ڕێگای‮ ‬بابەتی‮ ‬پیسبوونی‮ ‬ئاوی‮ ‬شارێكی‮ ‬باكوری‮ ‬ڕۆژهەڵاتی‮ ‬نەرویژەوە،‮ ‬پرسی‮ ‬نغرۆبوونی‮ ‬ویژدانی‮ ‬خەڵك لە نێو زەلكاوی‮ ‬بەدمۆڕاڵی‮ ‬و پشت لە‮ ‬ڕاستیكردن و ملدان بۆ ستەم و چەواشەكاریی‮ ‬دەسەڵاتداران دەخاتە‮ ‬ڕوو‮. ‬جێی‮ ‬باسە،‮ ‬شانۆگەریی‮ ‬دوژمنی‮ ‬گەل‮ ‬یەكێك لە بەناوبانگترین دەقەكانی‮ ‬نووسەری‮ ‬مەزنی‮ ‬نەروێژی‮ ‬هینریك ئیبسنـە،‮ ‬كە لەم كارەدا دەستەیەك لە شانۆكارە گەنجە ئەكادیمییەكان بەشداری‮ ‬دەكەن و كارە هونەرییەكانی‮ ‬ڕادەپەڕێنن،‮ ‬كە بڕیارە لە‮ ‬ڕێكەوتی‮ ‬9ی‮ ‬ئەیلوولەوە‮ ‬ڕۆژانە كاتژمێر‮ ‬5ی‮ ‬ئێوارە لە پەیمانگای‮ ‬هونەرە جوانەكانی‮ ‬هەولێر نمایش بكرێت‮.‬