خه‌بات: هاوار مورتكەیی:-
رۆژنامەیەكی‮ ‬ئیسپانی‮ ‬بەندێكی‮ ‬نهێنی‮ ‬رێكەوتنی‮ ‬نێوان لیۆ مێسی‮ ‬و‮ ‬یانەی‮ ‬بەرشلۆنەی‮ ‬ئاشكرا كردووە كە ئەو ئەستێرەی‮ ‬ئەرژەنتین بۆی‮ ‬هەیە لە كۆتایی‮ ‬هەر وەرزێك‮ ‬یانەی‮ ‬بەرشلۆنە جێبهێڵێت و بروات‮.‬

رۆژنامەی‮ ‬ئیلباییسی‮ ‬ئیسپانی‮ ‬ئەوەی‮ ‬ئاشكرا كردووە كە مێسی‮ ‬لەوكاتەوەی‮ ‬لە ساڵی‮ ‬2005 بۆندی‮ ‬لەگەڵ‮ ‬یانەی‮ ‬بەرشلۆنەدا مۆركردووە،‮ ‬و بۆندەكە تا ساڵی‮ ‬2021ە،‮ ‬بەڵام لەنیو بۆندەكەدا هاتووە كە تا ئێستا هیچ دەزگا و شوینیك ئاشكرای‮ ‬نەكردووە،‮ ‬مێسی‮ ‬لەگەل كەتەلۆنیا وارێككەوتووە كە بۆی‮ ‬هەیە لە‮ ‬30 حوزەیرانی‮ ‬هەموو ساڵێك‮ ‬یانەكە جێبهێڵێت،‮ ‬یانەی‮ ‬بەرشلۆنەش بۆیە ئەو بەندەی‮ ‬زیادكردووە چونكە پشت ئەستوورە بە وەفای‮ ‬مێسی‮ ‬بۆ‮ ‬یانەكە و ئەمەش رێزێكە بۆ ئەو‮ ‬یاریزانە كە هەركاتێك بیەوێت كار بەو بەندە بكات و‮ ‬یاریگای‮ ‬كامپ نو جێبهێڵێت‮.‬
بەگوێرەی‮ ‬بەرنامەی‮ ‬كارۆسیل دیپۆرتیڤۆ،‮ ‬مێسی‮ ‬بۆی‮ ‬هەیە ئەو بەندە كارابكات كە بیەوێ بچێتە‮ ‬یانەیەكی‮ ‬دیكەی‮ ‬ئەورووپی،‮ ‬بە واتایەش مەرجێك هەیە و تایبەتمەندە بە رێكەوتنەكەی‮ ‬نێوانیان ئەویش هەر كاتێك مێسی‮ ‬بیەوێ بگەڕێتەوە وڵاتەكەی‮ ‬و ئاواتەكەی‮ ‬بێنیتەدی‮ ‬بە‮ ‬یاریكردن لە ریزی‮ ‬یانەی‮ ‬نیو ئۆڵد بویزی‮ ‬ئەرژەنتیمی‮.‬

رۆژنامەكە ئەوەشی‮ ‬روون كردۆتەوە كە ئەو بەندە نهێنییەی‮ ‬لە رێككەوتنی‮ ‬نێوان مێسی‮ ‬و بەرشلۆنەدا هەیە،‮ ‬بەندێكە تا ئێستا بەنهێنی‮ ‬لەنێوان هەردوولا پارێزراوە و نەیانویستووە ئەو بەندە لە راگەیاندنەكاندا بوروژێنرێت.‬