سەردار شاكر سلێڤانەی‮❊‬
هەلبەت ئاڤاكرن و پەیداكرنا پەیوەندیان دگەل وەلاتێن جیران و وەلاتێن دیتر دبیت‮ ‬یا ئاسان نەبت چونكی‮ ‬نەژادێ ئاڤاكرنا پەیوەندیان و بتایبەتی‮ ‬پەیوەندیێت ئابووری‮ ‬دمینت لدیف سیاسەت و بنەمایێت ئابووری‮ ‬ێن هەروەلاتەكێ، و هەروەسان‮ ‬یا خویایە بهێزبونا ئابووری‮ ‬دمینت لسەر پەیوەندیێت دبلوماسی‮ ‬و سیاسی‮ ‬ێن وەلاتان و چەنداتیا بشت بەستنێ لسەر سیاسەتێن ئابووری‮ ‬ێن وەلاتی،‮ ‬زێدەباری‮ ‬لڤان سالیێن دوماهیێ پتر حەزا وەلاتان پەیدابویە بئاڤاكرنا پەیوەندێت ئابووری‮ ‬دگەل‮ ‬وەلاتێن دەوروبەر و هەمی‮ ‬هەول و پلان دهێنە دارشتن ژلایێ وەلاتێن زلهێز كادی‮ ‬چاوان كونترلا وەلاتێن دی‮ ‬كن برێكا پەیوەندێت ئابووری‮ ‬و راكێشانا سەرمایەیێ وەلاتان بو وەلاتێ خوە، و وەكی‮ ‬یا دیار گەلەك وەلاتان بكوم هەڤپەیمانی‮ ‬پێك ئیناینە و ناوچەیێت ئابووری‮ ‬دامەزراندینە پێخەمەت سەرمایەیێ وان برێكا ڤان پەیوەندی‮ ‬و هەڤپەیمانیان دناڤا وەلاتێن هەڤپەیمان دە بمینت و هەتا هندەك جاران ئەڤ پەیوەندیێت ئابووری‮ ‬دبنە رێكخوەشكەر وەلاتێن هەڤپەیمان نەتنێ هەڤكاریا ئێك و دوو بكن ژلایێ ئابووری‮ ‬ڤە، بەلكی‮ ‬هەتا ژلایێ سیاسی‮ ‬و جەنگیژیڤە دبنە هەڤپەیمان و هەڤكاریا ئێك ودوو دكن‮. ‬لێ‮ ‬یا گرنگ ئەوە ئەم بزانیین هندەك جاران پەیوەندیێت ئابووری‮ ‬دهێنە برین ژلایێ وەلاتان ڤە ژ بەر گەلەك ئەگەران مینا‮: ‬تێك چوونا پەیوەندیێت سیاسی‮ ‬چ ژبەر هندەك لێدوانان بتن‮ ‬یان ژی‮ ‬دیتنا هندەك هەڤالبەندێن دی، بكارئینانا سیاسەتێن دارایی‮ ‬و دراڤی‮ ‬یێن هەڤدژ، داگیركرنا سەروەت و سامانیێن سروشتی‮ ‬ێن هەڤبەش مینا گرتنا ئاڤا روباران لسەر وەلاتیێن جیران و لدوماهیێ ئەنجامدانا كارێن تیرورستی‮ ‬هەمبەر كونسول و دوبلوماسیێن وەلاتێن بیانی‮ ‬ژلایێ كەسیێن تێكدەر‮ ‬یان ژی‮ ‬ژلایێ كارمەندیێن وەلاتی‮ ‬ڤە‮. ‬لێ دڤێ گوتارێ دا من دڤێت لسەر خالا لدوماهیێ براوەستم و پرسیار بكم ئەرێ كریاریێن تیروركرنێ دبنە رێگر بو ئاڤاكرنا پەیوەندێت ئابووری‮ ‬یان نە؟ دا بەرسڤا ڤێ پرسیارێ بدەین بەلێ ئە هەر كریارەكا تیروركرنێ‮ ‬یان هەولا كوشتنێ‮ ‬یا هەڤوەلاتیێن بیانی‮ ‬لناڤ وەلاتێ دەیك دێ بنەرێنی‮ ‬زڤرت بۆ ئابووری‮ ‬و نە دیرە ببنە ئەگەر كو ئەڤ پەیوەندی‮ ‬بئێكجارێ بهێنە برین چ كرین و فروتن دناڤبەرا ڤان وەلاتان بت‮ ‬یان ژی‮ ‬وەبەرهێنان بتن، و نەتنێ كوشتن دبتە ئەگەر لێ هەتا هندەك جاران تێكدانا ئارامیا هەڤوەلاتیێ بیانی‮ ‬ژی‮ ‬دێ بتە ئەگەر ئەڤ پەیوەندیە لاواز ببن مینا بێزاركرنا گەشتیاران‮ ‬یان ژی‮ ‬تێكدانا ئارامیا وان و باشترین نمونە ژی‮ ‬ئەوە كو رویدانا بلندكرنا ئالایێ كوردستانێ ژلایێ گەشتیاریێن كوردڤە ل وەلاتێ توركیا ببو ئەگەر ئارامیا گەشتیارێن كورد بهێتە تێكدان چونكی‮ ‬دبیت ئەڤ گەشتیارێن هە‮ ‬یان گەلەك گەشتیاریێن كورد قەستا ڤی‮ ‬باژێری‮ ‬یان وەلاتی‮ ‬نەكن و ئەڤە دێ بتە ئەگەر گەشتیار كێمتر ببن بو ڤی‮ ‬باژێری، دبیت كەسەك بێژتن ما چاوا چەند گەشتیارەك دێ بنە ئەگەر داهاتێ وەلاتەكێ‮ ‬یان پەیوەندیێت وان‮ ‬یێت ئابووری‮ ‬بهێنە برین و مە دیت كو پشتی‮ ‬حكومەتا عێراقا فیدرال بریارا قەدەغەكرنا هێكان دایی‮ ‬ژ وەلاتێ توركیا كو بویە ئەگەر لدیڤ چەند ژێدەران كو كارگەهێن هێكان و پروژەیێن خودانكرنا مریشكان توشی‮ ‬شكەستنەكا زور بوینە ئەڤە وەك نموونە‮. ‬لهەرێما كوردستانێ ژی‮ ‬گەلەك گرنگی‮ ‬بپەیوەندیێت ئابووری‮ ‬دهێتە دان و هەر كابینەیەكا پەیدابویی‮ ‬هەولا خوەشكرنا پەیوەندیێت ئابووری‮ ‬دگەل وەلاتان دایە و بتایبەتی‮ ‬وەلاتێن جیران و پێشبینیی‮ ‬دهێتە كرن ژ كابینەیا نوی‮ ‬ژی‮ ‬پتر گرنگیی‮ ‬بدروستكرنا پەیوەندیێت ئابووری‮ ‬بهێتە دان دگەل وەلاتیێن جوراو جور و رێك لبەر وان كریاران بهێتە گرتن‮ ‬یێن دبنە ئەگەر‮ ‬یان رێكخوەشكەر بو لاوازی‮ ‬و برینا پەیوەندیێت ئابووری‮ ‬دگەل وەلاتیێن جودا جودا، هەروەسان‮ ‬یا گرنگ و پێدڤی‮ ‬باشتر كرن و بهێزكرنا پەیوەندیێت ئابووری‮ ‬نە دگەل حكومەتا عێراقێ چونكی‮ ‬هێش ئەم وەك هەرێم دچارچوڤێ ڤی‮ ‬وەلاتی‮ ‬دەنە و بودجێ هەرێما مە دهێتە دابینكرن ژلایێ وان ڤە لەوا گرنگە ئەڤ پەیوەندی‮ ‬بهێنە موكمكرن و گرێبەستیێن باوەرپێكری‮ ‬بهێنە ئیمزاكرن ژلایێ هەرێمی‮ ‬ڤە و حكومەتا فیدرال داكو ژێدەریێن داهاتێ هەرێما مە‮ ‬یێن بەردەوام بن و نەتنێ هنارتنا بودجە و موچەیێ ئەڤ سالە بتن و حكومەتا نوی‮ ‬هەولا زێدەكرنا بو دجەیێ هەرێما كوردستانێ بدەتن دا جارەك دی‮ ‬هەرێما كوردستانێ بهێز بكەڤت و بەرسینگا هەر قەیرانەكا دارایی‮ ‬و ئابووری‮ ‬بگرتن‮.‬ ‮❊ ‬ماموستایێ زانكویا پولیتەكنیك‮ ‬یا دهوك‮.‬