سوورە مەرگەیی
هەموو ئەو كەس و دەستە و گرووپە عێراقچییانەی‮ ‬فرچكیان بە خیانەت و وڵات فرۆشییەوە گرتووە،‮ ‬هێز و بوون و بەرژەوەندیی‮ ‬تایبەتی‮ ‬خۆیان لە عێراقێكی‮ ‬یەكگرتووی‮ ‬ژێر هەیمەنە و باڵادەستیی‮ ‬شیعەدا دەبینن،‮ ‬هەر بۆیەش بەردەوام لە بوونی‮ ‬مەرجەعێك بۆ كوردبوون و كوردایەتی‮ ‬ترساون،‮ ‬ئاخر ئەوانە ناهەقیان نییە و نانیان لە خیانەتدایە و رێگای‮ ‬خیانەتیان لێ بگیرێ نانبڕاو دەبن،‮ ‬بۆیە وەك دەبینین ئەوان بە فیتی‮ ‬دەزگا هەواڵگرییەكانی‮ ‬داگیركارانی‮ ‬كوردستان كەوتوونە هەرا و زونای‮ ‬ئەوەی‮ ‬پارتی‮ ‬دەیەوێ سەرۆك بارزانی‮ ‬بە مەرجەع بكات‮.‬ پێش هەموو شتێك دەبێ ئەوانە جیاوازی‮ ‬لە نێوان بە مەرجەع بوون و بە مەرجەع كردندا بكەن،‮ ‬چونكە هیچ حزبێك ناتوانێ سەرۆك‮ ‬یان سەركردەیەكی‮ ‬خۆی‮ ‬بە مەرجەع بكات،‮ ‬ئەگەر مەرج و تایبەتمەندییەكانی‮ ‬بە مەرجەع بوونی‮ ‬تێدا نەبن،‮ ‬بۆیە پێویستە لە مەرج و تایبەتمەندییەكانی‮ ‬بە مەرجەع بوون بدوێین و بزانین مەرج و تایبەتمەندییەكانی‮ ‬چین و لە كوێوە دەست پێدەكەن؟ دیارە دوو جۆر مەرجەع هەیە،‮ ‬یەكەمیان مەرجەعی‮ ‬دینی‮ ‬و دووەمیشیان مەرجەعی‮ ‬نەتەوەییە،‮ ‬باسەكەی‮ ‬ئێمە تایبەتە بە مەرجەعی‮ ‬نەتەوەیی،‮ ‬چونكە ئەو مەرجەعە زیاتر لەناو گەلە ژێردەستە و چەوساوەكان دەردەكەوێ،‮ ‬كوردیش ساڵەهای‮ ‬ساڵە ژێردەستە و چەوساوەیە و بۆ رزگاربوون لە ژێردەستەیی‮ ‬پێویستی‮ ‬بە بوونی‮ ‬مەرجەعێك هەیە و دەبێ ئەو مەرجەعەش ئەو مەرجانەی‮ ‬هەبن‮:‬ یەكەم‮: ‬كەسی‮ ‬مەرجەع،‮ ‬بەردەوام لەژێر چاودێری‮ ‬داگیركاراندایە و لەلایەن دوژمن و داگیركەران بەردەوامپیلان لە دژی‮ ‬دەگێڕن‮.‬ دووەم‮: ‬دەبێ كەسی‮ ‬مەرجەع،‮ ‬رابردوویەكی‮ ‬شۆڕشگێڕی‮ ‬و مێژوویەكی‮ ‬پاكی‮ ‬هەبێ‮.‬ سێیەم‮: ‬دەبێ رزگاری‮ ‬و بەرژەوەندیی‮ ‬گەلەكەی‮ ‬بخاتە پێشینەی‮ ‬كارەكانی‮ ‬و لەو پێناوەدا ئامادەی‮ ‬چەشتنی‮ ‬هەموو جۆرە ئازارێك بێت‮.‬ ئەگەرسەرۆك بارزانی‮ ‬لە چرای‮ ‬ئەو سێ مەرج و تایبەتمەندییەی‮ ‬سەرەوە بدەین،‮ ‬ئەوا هیچ گومانێك لەسەر ئەو راستییە نامێنێ كە سەرۆك بارزانی‮ ‬لە پێگە و كاریزمای‮ ‬خویدا مەرجەع بۆ خەڵك و دۆزی‮ ‬كورد و كوردستان،‮ ‬مەرجەعیەت و كاریزماكەی‮ ‬سەرۆك بارزانی‮ ‬لە ناخ كەسایەتی‮ ‬و خەباتی‮ ‬خۆی‮ ‬هەڵقووڵیوە نەك بە مەرجەع كراوە،‮ ‬وەك عیراقچییەكان دەڵێن و لە مەرجەع بوونی‮ ‬دەترسێن‮.‬ خاڵێكی‮ ‬تر كە پێویستە ئاماژەی‮ ‬بۆ بكەین ئەوەیە كە داگیركارانی‮ ‬كوردستان و خیانەتكاران هەموو هەوڵەكانیان لەسەر پەراوێزخستن و لاوازكردنی‮ ‬چڕكردوونەوە،‮ ‬بەڵام لەگەڵ ئەوەشدا جار لە دوای‮ ‬جار بەهێزتر دەبێ و ژێردەستە و چەوساوەكان بە ئومێدی‮ ‬رزگاری‮ ‬و سەربەخۆیی‮ ‬زیاتر لە دەوری‮ ‬كۆ دەبنەوە‮.‬ ئەگەر لە رووی‮ ‬نێودەوڵەتیشەوە لە مەرجەع بوونی‮ ‬سەرۆك بارزانی‮ ‬بڕوانین،‮ ‬ئەوا دۆست و دوژمن بۆ چارەسەری‮ ‬كێشەكان وەك مەرجەع بۆی‮ ‬دەگەڕێنەوە‮.‬ لە هەموو ئەوانەش گرنگتر ئەوەیە كە كوردانی‮ ‬پارچەكانی‮ ‬تریش لەگەڵ ئەو هەموو هەڕەشانەی‮ ‬لە لایەن داگیركارانەوە لێیان دەكرێ،‮ ‬بەڵام ئەوانیش بە مەرجەعی‮ ‬خۆیانی‮ ‬دەزانن و ئومێدی‮ ‬سەركەوتنیان لەسەر هەوڵەكانی‮ ‬هەڵچنیوە‮.‬ بە مەرجەع بوونی‮ ‬سەرۆك بارزانی‮ ‬خورسكە و لە ناخی‮ ‬دوزی‮ ‬كورد و خەڵگی‮ ‬تەواوی‮ ‬كوردستاندایە،‮ ‬ئەمەش لای‮ ‬داگیركارانی‮ ‬كوردستانیش بۆتە مەترسییەكی‮ ‬گەورە،‮ ‬چونكە ئەوانیش زۆر باش دەزانن كە داگیرخوازی‮ ‬لەسەر دەستی‮ ‬مەرجەعی‮ ‬كوردایەتی‮ ‬بە كۆتا دێت،‮ ‬بۆیە دژ بە مەرجەعی‮ ‬كورد لە رابردوودا ئەوەی‮ ‬پێیان كرابێ كردوویانە و لە داهاتووشدا ئەوەی‮ ‬پێیان بكرێ دەیكەن‮.‬