كاروان محەمەد سینۆ
بڕیارە لە‮ ‬1ی‮ ‬نیسانی‮ ‬2020 واتا پاش‮ (‬7مانگی‮ ‬دیكە‮) ‬پڕۆسەی‮ ‬هەڵبژاردنی‮ ‬ئەنجوومەنی‮ ‬پارێزگاكان لە عێراقدا ئەنجام بدرێ بە شاری‮ ‬كەركووكیشەوە‮. ‬پێم وایە‮ (‬هیوادارم هەڵەبم‮) ‬ئەم پرۆسەیە لەم بارودۆخەی‮ ‬ئیستای‮ ‬كەركووك و باردۆخی‮ ‬ناوخۆی‮ ‬ناوماڵی‮ ‬كورد بەگشتی‮ ‬و لەشاری‮ ‬كەركووك بەتایبەتی،‮ ‬ئامانجێكی‮ ‬باشی‮ ‬نابێت بۆ دۆزی‮ ‬كورد‮. ‬لەبەر ئەوەی‮ ‬تاكو ئێستا بارودۆخی‮ ‬شاری‮ ‬كەركووك ئاسایی‮ ‬نەكراوە و تاكو ئێستا میكانیزمێكی‮ ‬وا لە ئارادا نییە كە هاوڵاتیان و ئاوارە كوردەكانی‮ ‬شاری‮ ‬كەركووك و گوند و قەزا و ناحیەكانی‮ ‬بەڵنیاییەوە لە شاری‮ ‬كەركووكدا بەشداری‮ ‬پرۆسەی‮ ‬هەڵبژاردنی‮ ‬ئەنجومەنی‮ ‬پارێزگا ببن و ژمارەیەكی‮ ‬زۆری‮ ‬پێشمەرگە و پولیس و پۆلیسی‮ ‬قەزاوناحەكان و ئاسایش و ژمارەیەكی‮ ‬زۆری‮ ‬هاوڵاتیانی‮ ‬كوردی‮ ‬كەركووك تاكو ئێستاكە بەهۆكاری‮ ‬جودا جودا‮ ‬كارتی‮ ‬بایۆمەترییان وەرنەگرتووە،‮ ‬لەلایەكی‮ ‬دیكەوە وەرگرتنی‮ ‬پسولەی‮ ‬خۆراك و ناسنامەی‮ ‬باری‮ ‬كەسی‮ ‬لە كەركووك زۆر ئاسانە بەنیسبەت‮ ‬غەیرە كورد لە شاری‮ ‬كەركووك‮ ‬،‮ ‬سەرەرای‮ ‬چەندین كێشەی‮ ‬دیكە‮. ‬بۆیە ناتوانن بچنە نێو شاری‮ ‬كەركووك بۆ بەشداری‮ ‬كردن لە پرۆسەی‮ ‬هەڵبژاردنی‮ ‬ئەنجومەنی‮ ‬پارێزگای‮ ‬كەركووك‮ (‬2020‮)‬. هەروەها ئاسایی‮ ‬نەبوونی‮ ‬بارودۆخی‮ ‬شاری‮ ‬كەركووك،‮ ‬كاریگەری‮ ‬زۆری‮ ‬دەبێت لەسەر پرۆسەی‮ ‬هەڵمەتی‮ ‬پڕۆپاگەندای‮ ‬تایبەت بە هەڵبژاردن و ئەمنیەتی‮ ‬بنكەكانی‮ ‬پرۆپاگەندا و بنكەكانی‮ ‬هەڵبژاردن و بارەگاكانی‮ ‬حزبە كوردییەكان‮.‬ لەلایەكی‮ ‬دیكەوە نەبوونی‮ ‬دەسەڵات و چاودێری‮ ‬كورد لە نێو حكوومەتی‮ ‬لوكاڵی‮ ‬ئیستای‮ ‬كەركووك،‮ ‬رێخۆشكەرە بۆ لایەنەكانی‮ ‬دیكەی‮ ‬پێكهاتەی‮ ‬كەركووك‮ ‬كە گزی‮ ‬و‮ ‬یاری‮ ‬بە تۆماری‮ ‬سەركییەكانی‮ ‬ناوی‮ ‬هاوڵاتیان بكەن و بەشێوەیەك لە شێوەكان ناوی‮ ‬هاوڵاتیانی‮ ‬كورد لە تۆمارەكاندا شوێنبزر بكەن‮.‬ بەهەر حال‮. ‬لەبەر ئەم هۆكار و چەندین هۆكاری‮ ‬دیكە،‮ ‬وەكو بوونی‮ ‬میلیشیای‮ ‬حەشدی‮ ‬شەعبی‮ ‬و پۆلیسی‮ ‬ئیتیحادی‮ (‬تاك لایەنانە‮) ‬لە كەركووك كاریگەری‮ ‬نەرێنی‮ ‬دەبێت لەسەر رێژەی‮ ‬بەشدار بوونی‮ ‬هاووڵاتی‮ ‬كورد لە هەڵبژارن،‮ ‬وێرای‮ ‬گوشاری‮ ‬ئەمنی‮ ‬و دەروونی‮ ‬لەسەر هاوڵاتیانی‮ ‬كورد لەو بارودۆخەدا‮.‬ بۆیە بەشێنەیی‮ ‬دەڵێم،‮ ‬پێویستە هەموو حزب و لایەنە كوردییەكان كە ناكۆی‮ ‬و بیروبۆچوونی‮ ‬جیاوازی‮ ‬خۆیان وەلا بنێن و دوور لە‮ (‬سیاسەتی‮ ‬مەچەك بادان‮) ‬و موزایەدە و پشك پشكێنە،‮ ‬كێشە و ناكۆكییەكانی‮ ‬خۆیان كەلەدەرەوەی‮ ‬كەركووك‮ ‬هەیانە،‮ ‬نەبە نێو كەركووك و پڕۆسەی‮ ‬هەڵبژاردن لە‮ ‬كەركووك‮. ‬یەك دەنگ و‮ ‬یەك هەڵوێست بڕیار لە پرۆسەی‮ ‬هەڵبژاردنی‮ ‬ئەنجومەنی‮ ‬پارێزگای‮ ‬كەركووك‮ ‬بدەن‮. ‬لەم رووە كورد لە كەركووك‮ ‬سێ بژاردەی‮ ‬لەبەر دەستدایە،‮ ‬یان ئەوەتا هەوڵبدەن بەیەكەوە گوشار بخەنە سەر حكومەتی‮ ‬فیدڕاڵی‮ ‬عێراق كە بەپەلە و بەر لە هەڵبژاردن لەسەر بنەمای‮ ‬ماددەی‮ (‬140)ی‮ ‬دەستووری‮ ‬عێراق بارودۆخی‮ ‬شاری‮ ‬كەركووك‮ ‬ئاسایی‮ ‬بكرێتەوە،‮ ‬یاخود‮ ‬یەكدەنگ بڕیاربدەن بەیەك لیست بەشداری‮ ‬لە هەڵبژاردن بكەن،‮ ‬یان‮ (‬ئەزعەف و ل ئیمان‮) ‬هەموولایەك‮ ‬یەكدەنگ و‮ ‬یەكریز بایكۆتی‮ ‬هەڵبژاردنەكە بكەن‮. ‬چونكە ئەمە قۆناغێكی‮ ‬مێژووییە و مێژووش روحم بەكەس ناكات و وەكو‮ ‬یاری‮ (‬مار و پەیژە‮) ‬دەگەڕێینەوە چوارگۆشەی‮ ‬یەكەمی‮ ‬زەمانی‮ ‬سەددام حوسێن‮.‬