كاروان محەمەد سینۆ
لەوانەیە ئەم سەرنووسینەی‮ ‬سەرەوە لەلایەن خوێنەرانەوە نامۆبێت؟‮!‬،‮ ‬هەڵبەت بەپێی‮ ‬یاسا و عورفی‮ ‬نێودەوڵەتی،‮ ‬نابێت دوو وڵات لەنێو وڵاتی‮ ‬سێهەمدا شەڕ‮ ‬و‮ (‬تصفەی‮ ‬حساباتی‮ ‬خۆیان بكەن‮). ‬بەڵام ئەگەر بە شێنەیی‮ ‬لە روودا و لێدوانە سیاسی‮ ‬و سەربازییەكانی‮ ‬بەرپرسانی‮ ‬ئێران و ئیسرائیل و عێراق ورد‮ ‬ینەوە لە هەفتەی‮ ‬رابڕدوودا،‮ ‬دەگەینە ئەو راستییەی‮ ‬كە،‮ ‬بەڵێ ئێستاكە ئێران و ئیسرائیل لە عێراقدا لە حاڵەتی‮ ‬شەڕی‮ ‬ڕانەگەینراوی‮ ‬ئیستینزافیدان‮.‬ لەبیرمانە،‮ ‬لە دوو ساڵی‮ ‬رابردوودا،‮ ‬فڕۆكە‮ (‬بەفڕۆكەوان و بێ فڕوكەوانە‮) ‬جەنگییەكانی‮ ‬ئیسرائیل،‮ ‬چەندین جار پێگە و مۆڵگە سەربازی‮ ‬میلیشا و جەبەخانەكانی‮ ‬ئێرانیان لە سوریادا بۆردومان كردبوو‮. ‬ئەگەرچی‮ ‬ئێران و ئیسرائیل ئەم روداوانەیان بە فەرمی‮ ‬پشتڕاست نەكردبێتش،‮ ‬بەڵام نكوڵیشیان لێ نەكردووە‮. ‬لەگەڵ ئەوەشدا جارجار لێرە و لەوێ بەرپرسانی‮ ‬ئێران لە بۆنە و كۆبوونەوەكاندا بەردەوام ئیسرائیل تۆمەتبار دەكەن كە هێڕش دەكاتە سەر خاكی‮ ‬سوریا و سەروەری‮ ‬عێراق پێشێل دەكات و واپێدەچێ ئێستاكە شەڕەكە لە سوریاوە گواستراوەتە نێو عێراق‮.‬ لەم رووەوە رۆژی‮ ‬سێشەممەی‮ ‬رابردوو‮ ‬20ی‮ ‬ئاب لە گوندی‮ (‬ئەلبوحشمە‮) ‬تەنیشت فرۆكە خانەی‮ (‬بەلەد‮) ‬لە پارێزگای‮ ‬سەڵاحەدین‮ (‬64كم باكوری‮ ‬بەغدا‮)‬،‮ ‬لە سەربازگایەكی‮ ‬حەشدی‮ ‬شەعبید كە هاوبەش میلیشیای‮ “‬كەتائب حزب ئەڵڵاه‮” ‬و‮ “‬جوند ئەلئیمام‮” ‬سەربە ئێران لەخۆ گرتووە،‮ ‬تەقینەوەیەكی‮ ‬گەورەی‮ ‬نائاسایی‮ ‬جبەخانەكانی‮ ‬چەك و تەقەمەنی‮ ‬حەشدی‮ ‬شەعبی‮ ‬گرتەوە‮. ‬كە پڕاوپڕ‮ ‬بوو لە چەك و تەقەمەنی‮ ‬نائاسایی؟‮!!.‬ شایانی‮ ‬باسە لەم مانگەدا‮ (‬ئاب‮) ‬ئەمە چوارەم رووداوی‮ ‬تەقینەوەیە لەنێو گۆگاو جبەخانەكانی‮ ‬میلیشاكانی‮ ‬حەشدی‮ ‬شەعبی‮ ‬روودەدات‮. ‬پێشتر‮ (‬12ی‮ ‬ئاب ـ دووەم رۆژی‮ ‬جەژنی‮ ‬قوربان‮) ‬كاتێك تەقینەوە لە سەربازگەی‮ (‬ئەلسەقەر‮) ‬لە دەڤەری‮ “‬ئەبو دشیر‮” ‬لە باشوری‮ ‬بەغدا و سەربازگەی‮ (‬ئەلشوهەدا‮) ‬لە دڤەری‮ ‬ئامرلی‮ ‬لە پارێزگای‮ ‬سەڵاحەدین روویدابوو،‮ ‬بەها ئەلئەعرەجی‮ ‬جێگری‮ ‬سەرۆك وەزیرانی‮ ‬عێراق رۆژی‮ (‬13ی‮ ‬ئاب‮) ‬لە تویتێكدا باس لە سروشتی‮ ‬تەقینەوە و ئاگركەوتنەوەكان دەكات و دەڵێت‮: “‬لە سروشتی‮ ‬ئاگری‮ ‬كۆگای‮ ‬سەربازگەی‮ “‬ئەلسەقەر‮” ‬دەردەكەوێت كە ئەو چەكانەی‮ ‬سوتاون ئاسایی‮ ‬نین و هێزەكانی‮ ‬عێراق و حەشدی‮ ‬شەعبی‮ ‬پێشتر بەكاریان نەهێناوە‮. ‬بۆیە پێمان وایە كە ئەم چەكانە ئەمانەتی‮ ‬وڵاتێكی‮ ‬دراوسێ بووە لای‮ ‬ئێمە و ئەم ئەمانەتە لەلایەن وڵاتێكی‮ ‬ئیستیعماری‮ ‬زاڵم بەئامانج كراوە لەژێر چاودێریەكی‮ ‬خیانەتكارانەی‮ ‬عێراقی‮”.‬ ئەگەر بەشێنەیی‮ ‬لەم لێدوان‮ (‬تویتەی‮) ‬جێگری‮ ‬سەرۆك وەزیران عێراق وەرد ببینەوە و هەردوو رستەی‮ ” ‬ئەم چەكانە ئەمانەتی‮ ‬وڵاتێكی‮ ‬دراوسێ بووە لای‮ ‬ئێمە‮” ‬و‮ “‬لەلایەن وڵاتێكی‮ ‬ئیستیعماری‮ ‬زاڵم بەئامانج كراوە‮” ‬شی‮ ‬بكەینەوە،‮ ‬دەبینین جێگری‮ ‬سەرۆك وەزیران عێراق بەئاشكرا ئاماژە بە بوونی‮ ‬چەكی‮ ‬و تەقەمەنی‮ ‬ئێرانی‮ ‬دەكات لە عێراقدا و هەروەها ئاماژەش بە شەڕی‮ ‬ڕانەگەینراوی‮ ‬نێوان ئێران و ئیسرائیل دەكات لە عێراقدا‮.‬