خالد ئەحمەد بادی
ناسناما مللەتان زمان‮ ‬و جلكێن وانان بخۆنە و هەر مللەتەك ب جلكێن خۆ و زمانێ خۆ و وەلاتێ خۆ‮ ‬دهێتە نیاسین و دەربرینێ ژ كەتوار و دورهێلێ گەلان دكەت و ئانكو هەر مللەتەك ب جلكێن خۆ دهێتە نیاسین كو دبیتە زمانەكێ تایبەت ب جلكان ئانكو دەمێ جلكێن وانان دبینن بێگومان دهێتە نیاسین كا چ مللەتە‮ ‬یان خەلكێ كیش وەلاتی‮ ‬یە‮. ‬زۆر ژێدەرێن دیرۆكی‮ ‬ددەنە خۆیا كرن كو دەمێ ڤەكرنێن ئیسلامێ ئانكو‮ (‬فتوحات اسلامیە‮) ‬هاتینە ئەنجامدان و گەهشتینە چیایێ حەمرینی‮ ‬گوت لوێرە ئیكسەر راوەستان و وی‮ ‬سەركردەی‮ ‬ئانكو وی‮ ‬سەرلەشكەری‮ ‬نامەیەك بو خەلیفەی‮ ‬هنارت و تێدا دیاركر كو ئەم‮ ‬یێن گەهشتینە جهەكی‮ ‬نە زمان و نە جلك و نە دەڤەر وەكی‮ ‬یێن مەنە و مللەتەكە ئەم و ئەو دهەڤدوو ناگەهین و ب هەمی‮ ‬لایان ڤە جوداهی‮ ‬لناڤبەرا مە و وانان دا هەیە و دبێژنی‮ (‬الاكراد‮). ‬ئانكو لڤێرە دیار دبیت كو ئێكسەر ئەو مللەت هاتنە نیاسین چونكە جلك و ئاخفتن و جه ژ ێك جودا بوون‮. ‬هەر دیسان گەلەك دیرۆكڤان و زمانزان و رەشەنبیر‮ ‬وزانایێن بیانی‮ ‬و عەرەبی‮ ‬و خۆیی‮ ‬پەسنا جلكێن كوردان كریە و مفایێن دجلكێن كوردیدا ژئالیێ جوانی‮ ‬و ساخلەمی‮ ‬و رێكوپێكیێ ڤە كو مفایێن ئێكجار مەزن دگەهیننە لەشێ مرۆڤان ئانكو كوردان‮. ‬نوكە و لڤی‮ ‬سەردەمی‮ ‬پشتی‮ ‬رووبارێن خوینا شەهیدان و سەدان هزار قوربانی‮ ‬و ب دەهان ئاوارەبوون و ئەنفال و دەردەسەری‮ ‬كو سەرا ڤان جلكان بوویە و هەمی‮ ‬دوژمنێن كوردان بتنێ دوژمناتیا كوردان دكر ژبۆ بنبڕ‮ ‬كرن و نەهیلان و بەرزەكرنا ڤێ ناسنامێ‮ ‬كو ئەو ژی‮ ‬جلكێن كوردانە نوكە پشتی‮ ‬كورد بخۆ دەستهەلاتی‮ ‬دكەن ڤێجا هندەك كوردان ئەم دبینین دجەرگێ دهوكێ دا‮ ‬یان ل كوردستانێ دشداشێن عەرەبان دكەنە بەر خۆ و ب شانازی‮ ‬ڤە ژی‮ ‬بكار دئینن و ب وان جلكێن كو نە‮ ‬یێن باب وبابپیرێن وانە دچنە مزگەڤت و بازاڕ‮ ‬و سپێدەهیا دچن نان و سەمونا دكڕن و كولان و هەمی‮ ‬جهان بێ شەرم دگەڕن،‮ ‬دێ بێژی‮ ‬یێ ل پارێزگەها‮ (‬ناسرییێ‮). ‬بلا ئەو كەسێن ب دشداشە و جلكێن عەرەبان،‮ ‬خو ل دهوكێ و باژێرێن كوردستانێ باددەن بلا بچنە میسل‮ ‬یان بەغدا‮ ‬یان هەر جهەكێ دی‮ ‬ل عیراقێ دێ ئێكسەر هێتە بەرزە كرن كو تا نوكە ژی‮ ‬ل عیراقێ ناهێلن خانی‮ ‬و عەرد لسەر ناڤێن كوردان بهێنە تاپو كرن و بەرامبەر وانان لڤێرە هەمی‮ ‬ئاسانكاری‮ ‬بۆ وان دهێنەكرن و رێزەكا مەزن ل وان دهێتەگرتن كو دێ بێژی‮ ‬یێ ل گوندێ خۆ‮. ‬ب هزرا من نوكە ژی‮ ‬تەعریب‮ ‬یا دهێتەكرن و ئەگەر دەستهەلاتێ وان بهێز بكەڤیت دێ پتر دوژمناتیا مە كەن‮. ‬ب راستی‮ ‬زۆر‮ ‬غەمگین دبم دەمێ‮ ‬یێ كورد و لسەر خاكا كوردان و ل جەرگێ باژێرێن مە دشداشێن عەرەبان و جلكێن وانان دكەنە بەر خۆ و بلا لشوینا وان دشداشا شەلوالێن‮ ‬كوردی‮ ‬یان خاكێن كوردان بكەنە بەر خۆ،‮ ‬بۆ وان ساخلەمی‮ ‬ترە و جوانترە و داكو بەرەبابێن داهاتی‮ ‬ژی‮ ‬چاڤ لوان بكەن و فێر ببن جلكێن كوردی‮ ‬بكەنە بەر خۆ و ناسناما خۆ‮ ‬یا كوردایەتیێ ژدەست نەدەین‮.‬