د.خاتونزین بەرزەنجی
دەسەڵاتی جێبەجێكردن لە كوردستان پێك هاتووە لە سەرۆكی هەرێم كە گەورەترین و بەدەسەڵاترین جومگەی حكومڕانیە، ئەویش جەنابی سەرۆك نێچیروان بارزانییە. جەنابیان جێگری سەرۆكی پارتیشن كە بە بەهێزترین وزۆرترین قەبارە حیزبی سیاسی لە باشوردا دادەندرێت.
دووەم دەسەڵات، سەرۆكی حكومەتە، كە بەرێز كاك مەسرور بارزانییە، ئەویش لە هەموو كابینەكانی پێشوو هاوكاری حكومەت بووە و هەموو كات ئارامی شار و گوندەكانی كوردستانی بەگیان و بە دڵ پاراستووە. ئێستا كاتی سەركەوتنی ئەو پرۆسە سیاسییە كە حكومەتی كوردستان لە ماوەی سی ساڵەی تەمەنی هەوڵی بۆداوە.
یەكگرتنی سەرجەم حیزبە كوردستانیەكان و فریو نەخواردن بەدەستی دوژمنە، چونكە هەموو كات، هەندێك كەسی خائین و چاوبرسی هەن، كە هەڵەكان دەقۆزنەوە، هەوڵدەدەن بۆ لەناو چوونی یەكگرتنی كوردان و دابەشكردنیان بۆ چەند بەشێكی بچووك كە دواتر ئاسانتر دەتوانن لەناویان ببەن یان بەكرێیان بگرن. بۆیە لەم قۆناغە دژوارە، چواردەورمان، دیسان لە بۆسەدایە بۆمان، كە ئێمە چۆن پەرتەوازە بین تابتوانن بە ئاسانی ماسی لە ئاوی لێل بگرن.
ئێستا ئەو كاتەیە كەكورد نابێت بیر لە ناكۆكی ناو خۆی بكاتەوە، بەڵكوو دەبێ تەنها بیرو هۆشی زاڵ بوون بەسەر دوژمن بێت و چەسپاندنی مادەی 140، كە مادەیەكی دەستوریە، و دەبێت بەغدا پەیوەست بێت پێوەی.
سەرۆك مسعود بارزانی، رووبەرووی گەورەترین هەڵوێستی دژایەتی بووەوە، تەنها لەبەر ئەوەی داوای مافی گەلێكی بەش خوراوی كرد، كە بەپلانی سایكس بیكو سەدساڵ لەمەوبەر كوردی دابەشكرد بەسەر چوار وڵات، ئەو وڵاتانەش لەڕۆژی داگیر كردنی كوردستان، هەوڵیاندا بۆ قەڵاچۆكردنی كورد و لەبەین بردنی بە دڕندانەترین شێوە، هەر بۆیە دەستیان كرد بە ئەنفال و كیمیاباران كردن و بەسوخرەبردنی گەنجان مان. لە باكوور قوتابخانە دەسوتێندرا كەپڕ بوو لە منداڵی كورد، لە رۆژهەڵات زمان و كولتوری كوردی تا ئێستاش قەدەغەیە لەخوێندنگاكان، هەروەك لە رۆژئاواو و باكووریش وایە. جابۆیە كورد دەبێت هەوڵدا لەناوخۆ بەهێزتربێت، چونكە هیچمان دەست ناكەوێت لەدژایەتی كردنی یەكتری.
دوێنێ و پێرێ، لە سەماوە كە گۆڕە بەكۆمەڵەكانی سەماوەمان هەڵدەداوە، ئێسك وپروسكی گەنج ومنداڵ وپیری ئێمەبوو، كەچی ئاڵای كوردستانیان ،پێ رەوا نەدەدیتین لەسەر رووفاتی شەهیدانمان بشەكێتەوە، سەرەڕای ئەوەی مافێكی دەستوریە، لە عێراق رێگا پێدراوە.
ئەوەش دەگڕێتەوە سەر ئەو هۆكارانەی كە ئێمە لەناو خۆی كوردستان بەهێزنین و بە چەندین رەنگ لەگەڵ دراوسێكانی كوردستان مامەڵە دەكەین، كەپێویستە لەمەو بەدوا تەنها نوێنەری حكومەت لەگەڵ كۆمپانیا و سەفیرەكان ودەوڵەتانی دراوسێ راوێژبكات، نەك هەر ڕۆژەی لەكەلێنێك كۆبوونەوەی نهێنی بكرێت، بەڵكو دەبێ هەموو كۆبونەوەكان، بە ئاشكرای بێت، مەگەر ئەوانەی تایبەتن بە ئاسایشی وڵات. برالە پشت برابێت مەگەر قەزا لای خوا بێت.
