‮‬سوورە مەرگەیی
پەكەكە وەك حزبێكی‮ ‬كوردی‮ ‬كە هەڵگری‮ ‬گەورەترین درووشمی‮ ‬خەیاڵییە و لە هەر بەشێكی‮ ‬كوردستان چەندین كلك و باڵی‮ ‬سەر بەخۆی‮ ‬درووست كردوون،‮ ‬زۆر خراپ كەوتۆتە ناو گەمەیەی‮ ‬دەزگا هەواڵگریەكانی‮ ‬داگیركارانی‮ ‬كوردستان و هەر رۆژە و بە جۆرێك دژی‮ ‬ئامانجە نەتەوەییەكان و خواستی‮ ‬سەربەخۆیی‮ ‬كردستان هانی‮ ‬دەدەن و گۆنگەڵێكی‮ ‬سیاسی‮ ‬پێ ساز دەكەن‮.‬
پەكەكە تا ئێستا نەیتوانیوە گوندێك‮ ‬یان لوتكەی‮ ‬چیایەكی‮ ‬باكوور ئازاد بكا و لەو ناوچانە حەواوەتەوە كە بە خوێنی‮ ‬پێشمەرگە و خەباتی‮ ‬نەپساوەی‮ ‬كوردانی‮ ‬باشوور ئازاد كراون،‮ ‬كەچی‮ ‬دوژمنایەتی‮ ‬پێشمەرگە و حكومەتی‮ ‬هەرێم و ئەزموونی‮ ‬باشووری‮ ‬كوردستانی‮ ‬پێش دوژمنانی‮ ‬كورد و هەر چوار داگیركارەكەی‮ ‬كوردستان خستووە و روون و ئاشكرا دەڵێن‮: ‬دژی‮ ‬دەوڵەتی‮ ‬كوردین و لە هەر بەشێكی‮ ‬كوردستان دەوڵەتی‮ ‬كوردی‮ ‬دابمەزرێ بە گژیدا دەچینەوە‮.‬
پەكەكە پرۆسەی‮ ‬بنیاتنانی‮ ‬دیموكراسی‮ ‬لە رۆژهەڵاتی‮ ‬ناوەڕاست پێش پرۆسەی‮ ‬رزگاری‮ ‬نیشتیمانە داگیركراوەكی‮ ‬و ئازادی‮ ‬گەلە ژێردەستەكەی‮ ‬خستووە و بانگەشەی‮ ‬ئەوەش دەكات‮: ‬لە رێگەی‮ ‬رۆژهەڵاتی‮ ‬ناوەڕاستی‮ ‬دیموكراتەوە كورد رزگار بكات،‮ ‬لە كاتێكدا رۆژهەڵاتی‮ ‬ناوەڕاست مەیدانی‮ ‬بەریەككەوتنی‮ ‬بەرژەوەندیە نێودەوڵەتیەكان و وڵاتانی‮ ‬زلهێزی‮ ‬وەك ئەمەریكا و روسیا و بەریتانیا و‮ ‬یەكێتی‮ ‬ئەوروپایە،‮ ‬ئەوە جگە لە بەرژوەندی‮ ‬وڵاتانی‮ ‬ناوچەكە و لە ناویشیاندا بەرژەوەندی‮ ‬هەر چوار داگیركارەكەی‮ ‬كوردستان‮.‬
ئەو درووشمەی‮ ‬پەكەكە بۆ حزبێك كە وڵاتەكەی‮ ‬دابەشكراو و داگیركراو و گەلەكەشی‮ ‬ژێردەستە و چەوساوەیە و تا ئێستاش نەیتوانیوە هیچی‮ ‬بۆ بكات،‮ ‬بە تایبەتیش لە ناوچەیەك كە سەرچاوەی‮ ‬كلتووری‮ ‬تیرۆر و توندڕەوی‮ ‬نەتەوەیی‮ ‬و سەرەڕۆیی‮ ‬ئایدۆلۆژیە،‮ ‬نەك خەیاڵی‮ ‬و ئەقڵانی‮ ‬نییە،‮ ‬بەڵكو بۆ وڵاتێكی‮ ‬زلهێزی‮ ‬وەك ئەمەریكا و روسیاش خەیاڵی‮ ‬و ئەقڵانی‮ ‬نییە‮.‬
ئاخر پەكەكە بەو فەلسەفەی‮ ‬هەڵیگترووە تا ئێستاش نەیتوانیوە تورك و عەرەب و فارس دەستبەردای‮ ‬كوردكوشتن بكات،‮ ‬یان لانی‮ ‬كەم وا بكات واز لە كلتووری‮ ‬پاوانخوازی‮ ‬نەتەوەیی‮ ‬و توندڕەوی‮ ‬ئایدۆلۆژی‮ ‬و خواستی‮ ‬تیرۆریستی‮ ‬و سەربڕین بێنن و فێری‮ ‬پێكەوەژیانیان بكات،‮ ‬چۆن دەتوانێ هەموو بەرژەوەندیە ناوچەیی‮ ‬و هەرێمی‮ ‬و نێودەوڵەتیەكان لە نێو ئەو درووشمە خەیاڵئامێزەی‮ ‬خۆیدا كۆ بكاتەوە؟‮!‬