خەبات: سولین سلێمان:-
لە چاوپێكەوتنێكدا لە گەڵ خەبات،ئەكتەری دیاری كۆمیدیا” محەمەد نەجات”لە پرۆگرامی بەزمی بەزمە ئێستا دەڵێت: لە ساڵی1984 لە شاری هەولێر لە گەڕەكی”كوران” لە دایك بووم، سەرەتای دەست پێكردنی من دەگەرێتەوە بۆ2003 ئەو كاتەی چوومە پەیمانگای هونەرە جوانەكان بەشی شانۆ، كاتێك كە پەیمانگام تەواو كرد، بریارم دا بچمە كۆلێژ هە ر بەشی شانۆ،لە وێش خوێندنەكە م تەواو كرد، سەبارەت بە كاری ئەكتەریم حەزێكی مناڵی خۆم بووە،هەر لە منداڵییەوە حەزم بە كاری نواندن دەكرد، ئاماژە بە “بەزمی بەزم”دەكات و دەڵێت: پرۆگرامی بەزمی بەزم بیرۆكەیبەرزان سنجاوی بوو كە دەرهێنەری پرۆگرامەكەش بوو،كە لە ساڵی2015 دەستمان پێكرد ئەو كاتە وا بیرمان دەكردەووە كە تەنیا هە ر ساڵێك بەردەوام بێت، بەڵام وا ئێستا پێنجەمین ساڵە بەردەوامین خۆشحاڵین كە بەزمی بەزم جێگای خۆی لە دڵی بینەرەكانمان كردۆتەوە،وە ئێستاش بینەرێكی زۆری هەیە، من بە پێی ئەوەی بە شی شانۆم لە پەیمانگا و كۆلیژ خوێندووە، هەرئەویش وای لێ كردووم كە تا ئێستاش بەردەوام بم، وە ئەو هەوادارە خۆشەویستانەم هەبێت.
هەرواها، باسی بڕوانامەی خۆی دەكات و دەڵێت: بە هەموو بڕوانەمەیەكی دونیا ناگۆڕمەوە، كە بە دەستم هێناوە،چونكە بڕوانامەی هونەر زۆر گەورەیە،هەمووكەسێك ناتوانێت ببێت بە هونەرمەند،راستە كەسانێك ئەتوانن لە رێگای خوێندن ببن بە دكتۆر یا مامۆستا یان ئەندازیار، بەڵام هەمووكەسێك بە خوێندن نابێت بە ئەكتەر ،چونكە كاری ئەكتەری بەهرەیەكە ئەبێ لە خودی خۆتدا هەبێت، راستە بە خوێندن فێری زۆر شت ئەبیت،بەڵام خوێندن ئەو بەهرەیەت بو دروست ناكات دەبێ خۆت هەتبێ سوپاس بۆ خوای گەورە كە ئەو بەهرەی پێ بەخشیم،بۆیە دەڵێم بڕوانامەی هونەر لە هەموو بڕوانامەكانی تر لام گەورەترە،خۆی هەر وایە، بەڵام لە وڵاتی ئیمە گرنگی زۆر بە هونەر نادرێت، لە پرسیارێكدا كە ئایە هونەر لە كوردستان بووەتە پیشە كە بتوانرێێت بژێوی ژیانی پێ دابین بكرێت؟لە وڵامدا دەڵێت: نەخێر تا ئێستا هونەر لە وڵاتی ئێمە نەبووەتە پیشە كە بتوانرێت بژێوی ژیانی پێ دابین بكرێت جا هەر كەسێك بێ لە بواری هونەر ئەكتەر بێ یا گۆرانی بێژ بێ یا میوزیك ژەن بێت ئەبێت بێجگە لە هونەر كارێكی دیكە بكەییت ئەگینا ناتوانی بژێوی ژیانتی پێ دابین بكەیت ،سوپاس بۆ خوا كە ئێمە تاكە گروپین وەك بەزمی بەزم كە بتوانین بژێوییەك بە كارە نواندنەكانمان پەیدابكەین، وامان كردووە خەڵك بە پارە بێن بە دیارمانەووە دابنیشن بو بیبینی نواندنەكانمان،
لە بارەی ئەوەی كە كی پشتگیری لێ دەكات؟ لە وەڵامدا دەڵێت: زۆر سوپاسی بەرزان سنجاوی دەكەم كە هەر لە پەیمانگاوە پشتگیری لێ دەكردم وەك مامۆستایەك بوو بۆ من، من تا دەمرم قەرزاری ئەوم، ئەو بوو كە وای كرد بە و رادەیەی ئێستا بگەم، هەروەها راشی گەیاند كە وا كاركردنم لەگەڵ ئەكتەری خۆشەویست”فورات” زۆر پیخوشە ، وە هەروەها زۆر سەرسامی نواندی ئەیام ئەكرەمم كە بە شەمۆ ناسراوە زۆر كەس پێم دەڵێن كارە نواندنەكام لەو ئەچێت، وە لە بیانییەكانیش زۆر سەرسامی ئەكتەری كۆمیدیمستەر بیین چارلی چاپلن و رۆبێرتۆ بینیینە ،كە ئەمانە كەسانێكن دووبارە نابنەوە.
لە كۆتاییدا گوتی هیوادارم لە كوردستان هونەری كۆمیدیا زۆرتر بەرەو پێشەوە بڕوا چونكە خەڵكی ئێمە پێویستی بە وەیە هەردەم پێبكەنێت هەردەم دڵخۆش بێت، چونكە میللەتی ئێمە زۆر نەهامەتی و ناخۆشی بینیوە،شایەنی ئەوەن هەردەم دڵخۆش بن، هیوادارم ئێمە وەك بەزمی بەزم توانیبێتمان خەندەیەك بخەینە سەر لێوی خەڵكە كەمان، بینەرە خۆشەویستەكەمان، چونكە ئەبێت گرنگی بەولایەنە بدرێت چونكە هونەری ئێمەش هیچی كەمترنیە لە وڵاتانی تر، لە كۆتاییدا دەڵیم كارێكی زۆر جیاوازترمان لە بەزمی بەزم لە پرۆژەدایە.
