زێرەڤان تەمو
‮‬73‮‬ساڵ ب سەر دامەزراندنا پارتی‮ ‬دیموكراتی‮ ‬كوردستان دەرباز دبن‮ ‬،‮ ‬ئەو پارتیا ب باوەری‮ ‬و ئومێد و بەرچاڤ روونیەكا مەزن و مسوگەر‮ ‬،‮ ‬بۆ بجهئینانا خەون و ئارمانجێن مللەتێ كوردستانێ و ئاڤاكرنا دەولەتا كوردستانێ‮ ‬یا سەربخو و بدەستڤەئینانا ئاییندەیەكێ پر دەستكەفت و گەش‮ ‬،‮ ‬73‮‬ ساڵێن پڕ‮ ‬خەبات و شانازی‮ ‬و كوردایەتی‮ ‬دەربازكری،‮ ‬ئەو پارتیا ل سەر دەستێ رێبەرێ نەتەوەیا كورد بارزانیێ نەمر ل روژا‮ ‬16/ 8/ 1946 ێ هاتیە ئاڤاكرن كو‮ ‬ئەڤە دەمەكێ دا بوو تازە شەرێ جیهانێ‮ ‬یێ دوویێ بدوماهیك هاتبوو‮ ‬،‮ ‬هەر چەندە بەرییا دامەزراندنا پارتی‮ ‬دیموكراتی‮ ‬كوردستان چەند حزب و رێكخراو وبزاڤێن كوردی‮ ‬هەبوون لێ ئەڤان نەكاریبوو تەڤایا گەلێ كوردستانێ ل بن ئێك چادرێ كوم بكەنەڤە و ببنە رێكخستنەكا بهێز دنێڤ تەڤایا تەخ و چینێن كوردستانێ دا‮ ‬،‮ ‬لەوما دامەزراندنا پارتی‮ ‬دیموكراتی‮ ‬كوردستان ل وی‮ ‬سەردەمی‮ ‬پێدڤییەكا گەلەكا فەر و گرنگ بوو بۆ گەلێ كوردستانێ دا دەربرینێ ژ ماف و ئیرادا كوردستانیان بكەت و كەسێن تێكوشەر و‮ ‬كوردپەروەر‮ ‬ل هەمی‮ ‬تەخ و چینان ل تەڤایا كوردستانێ ل‮ ‬ژێر رێكخستنەكا بهێز و‮ ‬یەكگرتی‮ ‬و سەرتاسەری‮ ‬خەباتێ ل پێناڤ مافێن رەوا‮ ‬یێن گەلەكێ زولم لێكری‮ ‬بكەن‮. ‬پارتی‮ ‬دیموكراتی‮ ‬كوردستان د ژیێ خۆ‮ ‬یێ‮ ‬73‮‬ساڵی‮ ‬دا شیایە چەندین دەستكەفتێن نەتەوەیی‮ ‬و نیشتیمانی‮ ‬تومار بكەت و‮ ‬یا دیار و بەرچاڤەژی‮ ‬هەر د دیرۆكێ دا هەتا نوكە پارتی‮ ‬دیموكراتی‮ ‬كوردستان زێدەتر ژ هەمیان پێداگیریێ ل سەر هەلویست و ئارمانج و بەرژەوەندیێن نەتەوەیی‮ ‬و نیشتیمانی‮ ‬یێن گەلێ كوردستانێ دكەت‮ ‬،و هیچ دەمەكێ ژی‮ ‬تەسلیم ب ئیرادا دوژمن وداگیركەرێن كوردستانێ نەبوویە و نابیت ژی‮. ‬پارتی‮ ‬خودانێ بریارا خۆ‮ ‬یە و بریارێ ل كەسێ ژی‮ ‬وەرناگریت‮ ‬،‮ ‬لەوما رۆژ ب رۆژ بهێز دبیت و سەركەفتن لدویڤ سەركەفتنێ بۆ كورد وكوردستانیان تومار دكەت و پیلانێن دوژمن وداگیركەرێن كوردستانێ ودویڤەلانكێت وان ژناڤ دبەت‮.

دیسان بیرەوەریا ژ دایك بونا سەرۆكێ هێژا مەسعود بارزانی‮ ‬یە و ئەو سەروكێ هەمی‮ ‬ژیانا خۆ ل پێناڤ دوزا رەوایا گەلێ كوردستانێ مەزاختی‮ ‬یە و مێژوویەكا پر سەروەری‮ ‬تۆماركریە و ئەڤرۆ ژی‮ ‬ب شانازی‮ ‬ڤە خۆ ب پێشمەرگە دزانیت‮.
‮ ‬و بڤێ هەلكەفتا پیرۆز بفەر دزانین دپێشیێ دا سلاڤ و رێزگرتنێن بێ دوماهیك پێشكێشی‮ ‬بابێ روحی‮ ‬یێ گەلێ كورد و دامەزرێنەرێ پارتی‮ ‬دیموكراتی‮ ‬كوردستان بارزانیێ نەمر و كاك ئیدریسێ هەردەم ساخ و تەڤایا شەهیدێن بزاڤا رزگاریخوازا كوردستانێ بكەین‮.‬

هەر ب ڤێ هەلكەفتێ پیروزباهیێن گەرم پێشكێشی‮ ‬جەنابێ سەرۆكێ هێژا وخوشتەڤی‮ ‬رێزدار مەسعود بارزانی‮ ‬دكەین‮ ‬،‮ ‬وپیرۆزباهیێن خۆ ئاراستەیی‮ ‬سەركردایەتیا پارتی‮ ‬دیموكراتی‮ ‬كوردستان و پێشمەرگەیێن قەهرەمان و تەڤایا كادر وئەندام و لایەنگرێن پارتی‮ ‬و خەلكێ شەرەفمەندێ كوردستانێ دكەین‮ ‬،‮ ‬دەستێن دایكوبابێن شەهیدێن سەربلند ماچ دكەین و دبێژینە وان بەرهەمێ خەبات و قوربانیدانا وەیە ئەم ئەڤرۆ گەهشتینە ڤێ ئاستێ سەروەری‮ ‬و سەركەفتنێ و مە شكست ب پیلانێن دوژمن وداگیركەران ئینان‮. ‬ئەڤرۆ ژی‮ ‬ددەمەكێ دا كو ئەڤێ هەلكەفتا پیرۆز ساخ دكەین گەلی‮ ‬كوردستانێ پتر ژ هەر دەمەكێ پێدڤی‮ ‬ب ئێك هەلویستیا نەتەوەیی‮ ‬ونیشتیمانی‮ ‬رێكخستنا ناڤماڵا كوردی‮ ‬هەیە تاكو هەمی‮ ‬مافێن خۆ‮ ‬یێن دەستووری‮ ‬و‮ ‬یاسایی‮ ‬بدەستڤەبینیت و كوردستانی‮ ‬ب مافێن خۆ‮ ‬یێن رەوا شاد ببن‮.‬