خەبات‮: ‬ڕۆشنا عەلی‮:-  ‬
قوتابییەكی‮ ‬كوردی‮ ‬شاری‮ ‬كەركوك لە خوێندنی‮ ‬كوردی‮ ‬دەبێتە‮ ‬یەكەمی‮ ‬شارەكە و لە تەمەنی‮ ‬چوار ساڵییەوە باوكی‮ ‬شەهید بووە‮ ‬،خاوەنی‮ ‬دوو خوشكە كە بەوتەی‮ ‬خۆی‮ ‬هەموو خوشكەكانی‮ ‬وەك ئەدیان زیرەكن و‮ ‬یەكێكیش لەوان لە كێبڕكێدایە لەگەڵ ئەدیان وەك خۆشی‮ ‬دەڵێت‮: ‬لە قوتابخانەیەكی‮ ‬ئاسایی‮ ‬شارەكە بووەو دایكی‮ ‬و مامۆستاكانی‮ ‬هاوكارێكی‮ ‬باشی‮ ‬بوون‮. ‬

یەكەمی‮ ‬خوێندنی‮ ‬كوردی
دەربارەی‮ ‬كۆنمرەكەی‮ ‬ئەدیان وتی‮: ‬بە كۆنمرەی‮ ‬99.14 بوومە‮ ‬یەكەمی‮ ‬شاری‮ ‬كەركوك و لە قوتابخانەی‮ ‬ئامادەیی‮ ‬چوار چرای‮ ‬كچان كە قوتابخانەكەم‮ ‬یەكێكە لە ئامادەییە باشەكانی‮ ‬شاری‮ ‬كەركوك هەموو ساڵێك كۆمەڵێك قوتابی‮ ‬لەم قوتابخانەیە نمرەی‮ ‬بەرز بەدەست دەهێنن ئەمساڵیش من‮ ‬یەكێك بووم لەوان‮ ‬،‮ ‬كە كاتێكی‮ ‬زۆرم بۆ خوێندن تەرخانكردبوو دایكم بەردەوام هاوكارم بووە ونەیهێشتووە بێ باوكی‮ ‬كاریگەری‮ ‬هەبێت لەسەرم وەك مامۆستای‮ ‬تایبەتیش زیندەوەرزانی‮ ‬پێ دەوتم و چەند مامۆستایەكی‮ ‬تایبەتیشم هەبوو لە گەڵ مامۆستاكانی‮ ‬قوتابخانەدا زۆر سوودم لێ وەرگرتن و هۆكاری‮ ‬سەرەكی‮ ‬سەركەوتنەكەم مامۆستاكانم بوون‮.‬

دەربارەی‮ ‬ئەوەشی‮ ‬كە ئایا تاچەند تەكنەلۆژیا كاریگەری‮ ‬هەبووە لەسەری‮ ‬ئەدیان وتی‮ : ‬تەنها بۆكاری‮ ‬زۆر پێویست بە كارم دەهێنا بۆ ئەوەی‮ ‬ئاگاداری‮ ‬تاقیكردنەوەو گۆڕانكاری‮ ‬بم لە گەڵ هاوڕێكانم ئەگەر نا كاتی‮ ‬لێنەگرتووم و هیچ كاریگەری‮ ‬نەبووە‮.‬

كێشەی‮ ‬بژمێر
ئەدیان ئاماژە بەوە دەدات كە ئەوەی‮ ‬كێشەی‮ ‬بۆ ئەو دروستكرد‮ ‬ڕێگە نەدان بوو بە بەكارنەهێنانی‮ ‬بژمیر‮ (‬حاسیبە‮ ) ‬و ئەو وتی‮: ‬بڕیاری‮ ‬بەكارنەهێنانی‮ ‬بژمێر لەیەكەم شەوی‮ ‬تاقیكردنەوە كاریگەرییەكی‮ ‬زۆری‮ ‬لەسەر قوتابییان بە گشتی‮ ‬دروستكرد من تەنها بە هۆی‮ ‬ئەم بڕیارە سێ نمرەم لە وانەی‮ ‬كیمیا لی‮ ‬ڕۆشت و زۆرێكیش لە هاوڕێكانم‮ ‬،‮ ‬چونكە زۆربەی‮ ‬تاقیكردنەوەكانمان پەیوەندی‮ ‬بە بژمێرەوە هەبووكە پێشتر خۆمان بۆ بڕیارێكی‮ ‬لەو جۆرە ئامادە نەكردبوو‮. ‬

گرنگی‮ ‬پێدان‮ ‬
دەربارەی‮ ‬گرنگیدانیش بە‮ ‬یەكەمییەكەی‮ ‬ئەدیان دەڵێت ئەو گرنگییەی‮ ‬بە‮ ‬یەكەمەكانی‮ ‬هەرێم درا وە بە ئێمە نەدرا ئەو وتی‮: ‬راستە‮ ‬ڕێوڕەسمییان بۆكردووین‮ ‬،‮ ‬بەڵام وەك ئەوە نەبوو كەلە هەرێم بۆ قوتابییەكان كراو تا ئێستاش وەزارەتی‮ ‬پەروەردە هیچ رێوڕەسم و‮ ‬ڕێز لێنانێكی‮ ‬بۆ نەكردووین نەلە هەرێم و نەلە حكومەتی‮ ‬فیدڕاڵیش‮. ‬

نەرمین عوسمان بەڕێوەبەری‮ ‬قوتابخانەی‮ ‬ئامادەیی‮ ‬چوار چرا دەربارەی‮ ‬ئەدیان وتی‮ ‬ئەو لە قۆناغی‮ ‬10 وە لە قوتابخانەكەی‮ ‬ئێمەیەو‮ ‬یەكێك بوو‮ ‬لە قوتابییە زیرەكەكان و لە‮ ‬ڕووی‮ ‬مادیش ئاستێكی‮ ‬مام ناوەندییان هەیە دایكی‮ ‬مامۆستایەو باوكی‮ ‬شەهیدە و ئێمە پێشبینی‮ ‬ئەم نمرەیەمان لێ دەكرد و‮ ‬ژمارەیەكی‮ ‬زۆر قوتابیمان ساڵانە نمرەی‮ ‬بەرز بەدەست دەهێنێت و ئەمساڵیش ئەدیان‮ ‬یەكەمی‮ ‬خوێندنی‮ ‬كوردییە لە سەر پڕۆگرامی‮ ‬حكومەتی‮ ‬هەرێم وپڕۆگرامی‮ ‬كوردی‮ ‬بە كۆنمرەی‮ ‬694 لەبەشی‮ ‬زانستی‮.‬
ئەو بەڕێوەبەرە ئاماژەی‮ ‬بەوەشدا كە بڕیاری‮ ‬قەدەغە كردنی‮ ‬بژمێرە كاریگەرییەكی‮ ‬خراپی‮ ‬هەبوو لەسەر قوتابییان بە گشتی‮ ‬و ئەو وتی‮: ‬ئەگەر ئەم بڕیارە نەبووایە بێگومان ژمارەیەكی‮ ‬زۆر قوتابیمان لە‮ ‬یەكەمەكان دەبوون‮. ‬