فەیسەڵ مستەفا ئامێدی‮ ‬
یەكەم‮: ‬گزی‮ ‬و سزاكەی
بەم دواییە وەزارەتی‮ ‬پەروەردە بڕیارێكی‮ ‬دەركردووە بە پێی‮ ‬ئەم بڕیارە‮ : ‬
هەر قوتابییەك لە ئەزموونی‮ ‬كۆتایی‮ ‬ساڵ‮ ‬_لە خولی‮ ‬یەكەم‮ ‬یان خولی‮ ‬دووەم گزی‮ ‬بكات و لێی‮ ‬بگیرێت ئەو ساڵەی‮ ‬خوێندن بە ساڵی‮ ‬كەوتن بە هۆی‮ ‬گزیكردن لە هەموو بابەتەكان‮” ‬ئەزموونەكان‮ ” ‬بۆی‮ ‬دادەنرێت‮ ‬،‮ ‬پێشترو تا ئەم دواییەش ئە سزایە هەبوو‮- ‬ئیتر قوتابی‮ ‬باجی‮ ‬گزییەكەی‮ ‬ساڵێك لە تەمەنی‮ ‬دەدۆڕاند هەبوو پەندی‮ ‬چاكی‮ ‬لێ وەردەگرت و دووبارەی‮ ‬نەدەكردەوە‮.‬

كەس‮ ‬ڕەخنە لەم بڕگەیە ناگرێت‮ ‬،‮ ‬بەڵام ئەوەی‮ ‬لەم بڕیارەدا هاتووە دەڵێت‮ : ‬ئەو قوتابییەی‮ ‬بەهۆی‮ ‬گزیكردن دەكەوێت بۆساڵی‮ ‬دواتر بۆی‮ ‬نییە دەوام بكات‮!‬
من نازانم بە چی‮ ‬یاسایەك و لە كام وڵاتی‮ ‬جیهاندا ئەم جۆرە سزایە هەیە؟ پەند لەوە چییە كە ساڵێكی‮ ‬تریش قوتابی‮ ‬دوور بخەینەوە لە خوێندن؟‮ ‬كە خواخوامانە ساڵێك زووتر قوتابییەكانمان بگەنە ئاواتەكانیان‮.‬

نەك هەر ئەوەندە لە بڕیارە نوێیەكەدا هاتووە ئەگەر ئەم جۆرە قوتابییە لە دەوامی‮ ‬ڕۆژ بوو بۆساڵی‮ ‬سێیەم كە دەگەڕێتەوە نابێت لە‮ ‬ڕۆژ دەوامبكات و پێویستە بچێتە خوێندنی‮ ‬شەو ئەگەر لە خوێندنی‮ ‬شەو بوو پێویستە بچێتە ئەزموونی‮ ‬دەرەكی‮ ‬ئەگەر دەرەكی‮ ‬بوو چیتر مافی‮ ‬درێژە دانی‮ ‬خوێندنی‮ ‬نامێنێت جگە لە ئەزموونی‮ ‬دەرەكی‮ .‬
تكا لە برا پسپۆڕو شارەزا و پەیوەندیدارە بەڕێزەكان دەكەم بەم بڕیارەدا بچنەوە با توشی‮ ‬هەڵەیەكی‮ ‬ئەوتۆ نەبین كە دوایی‮ ‬پێمان‮ ‬ڕاست نەبێتەوە و قوربانییەكی‮ ‬زۆری‮ ‬بۆ بدەین‮.‬