خەبات-ساسان دەروێش‮ ‬
لە زۆربەی‮ ‬زۆری‮ ‬وڵاتانی‮ ‬دنیا،‮ ‬باخچەی‮ ‬لاپەڕەكانی‮ ‬مێژووی‮ ‬خۆیان بە گوڵی‮ ‬رەنگاوڕەنگی‮ ‬كەسایەتییەكانیان دەڕازێننەوە و بۆن و بەرامیان لە كار و كردەوەكانیان و خزمەتەكانیان بۆ نەتەوە و نیشتیمان دەكەنە دیاری‮ ‬نەوەكانی‮ ‬دوای‮ ‬خۆیان‮. ‬شەقام و كۆڵان و گۆڕەپانە سەرەكییەكان دەكەنە ناویان و پەیكەری‮ ‬جوانیان بۆ دادەنێن بۆ ئەوەی‮ ‬لەبەر چاوان بن تا لە بیر نەكرێن و لە خاوەندارێتی‮ ‬بنەماڵەوە دەبنە موڵكی‮ ‬گشتی‮ ‬و ساڵانەش گەنجان و لاوانی‮ ‬وڵات،‮ ‬تاجەگوڵینەی‮ ‬رێزگرتنیان بۆ دادەنێن لەپای‮ ‬گەورەیی‮ ‬و خزمەتەكانیان‮.‬
ئێمەی‮ ‬نەتەوەی‮ ‬كوردیش بەدەرنین لە كەسایەتیی‮ ‬گەورەی‮ ‬نیشتمانپەروەر و خۆنەویست و خزمەتكاری‮ ‬گەلی‮ ‬خۆیان،‮ ‬یەكێك لەو گوڵە گەشاوانەی‮ ‬باخچەی‮ ‬لاپەڕەكانی‮ ‬مێژووی‮ ‬كوردستان،‮ ‬پڕۆفیسۆر دكتۆر جەمال نەبەزە،‮ ‬وەك قەڵەمێكی‮ ‬خۆشڕەوان بۆ زمان و ئەدەبیاتی‮ ‬كوردی،‮ ‬لە چەند رۆژێكی‮ ‬رابردوودا لە شاری‮ ‬سلێمانی‮ ‬لەنێو حەوشەی‮ ‬هۆتێل فەرەح لەنێو بازاڕی‮ ‬شاردا بە ئامادەبوونی‮ ‬بەشێكی‮ ‬بەرچاو لە هاوبیران و دۆستان و رۆشنبیران و خەڵكی‮ ‬شار لە مەراسیمێكی‮ ‬شایستەدا لە‮ ‬27ی‮ ‬تەمموزی‮ ‬2019‮ ‬رێوڕەسمی‮ ‬پەردەلادان لەسەر پەیكەری‮ ‬زانای‮ ‬نێوداری‮ ‬كورد پڕۆفیسۆر جەمال نەبەز لادرا،‮ ‬كە تیایدا لەلایەن ئامادەكاری‮ ‬رێوڕەسمەكە دەوەن مەعروف،‮ ‬گوتارێكی‮ ‬پێشكەشكرد و لە گرنگی‮ ‬پەیكەرەكە و شوێنەكە دوا‮.‬
دواتر لەلایەن خوشكی‮ ‬جەمال نەبەز و چەند كەسایەتییەكی‮ ‬ئامادەبوو،‮ ‬پەردەكە لە‮ ‬ڕووی‮ ‬لادرا و لە كۆتایشدا خاتوو نیعمەت تۆفیق لە گوتەیەكدا وەك سوپاسی‮ ‬ئامادەبووانی‮ ‬كرد و گوتی‮ ‬ئاخری‮ ‬خەمی‮ ‬كوردستان بێ و هەر جەمال نەبەزیان لەبیر بێت،‮ ‬ئەوەی‮ ‬شایانی‮ ‬باسە پەیكەرەكە بە دەست و پەنجەی‮ ‬رەنگینی‮ ‬هونەرمەندی‮ ‬پەیكەرسازی‮ ‬بە توانا و ئەزمووندار چینەر نزار دروستكراوە و خاتوو نیعمەت تۆفیق خوشكی‮ ‬جەمال نەبەز،‮ ‬ئەركی‮ ‬خەرجی‮ ‬جێبەجێكردنی‮ ‬گرتووەتە ئەستۆی‮ ‬خۆی‮ ‬و لەلایەن نووسەر و رۆشنبیری‮ ‬گەنج و دۆستی‮ ‬نزیكی‮ ‬جەمال نەبەز و خانەوادەكەیان دەوەن مەعروف وەك هەڵسوڕاوێكی‮ ‬نێو ئەم ئامادەكارییە دیار بوو،‮ ‬بۆ زانیاریش هۆتێل فەرەج كە پەیكەرەكەی‮ ‬لە ئامێزی‮ ‬خۆی‮ ‬گرت،‮ ‬دیاری‮ ‬و موڵكی‮ ‬بنەماڵەی‮ ‬رەوانشاد مامۆستا جەمال نەبەز و سەرجەم خوشكەكانی‮ ‬بوو بۆ شاری‮ ‬سلێمانی‮ ‬كە بكرێت بە مۆزەخانەی‮ ‬كەلەپوری‮ ‬لە سلێمانی‮ ‬و لە ساڵی‮ ‬2006‮ ‬ئەم دیارییەیان پێشكەش بە بەڕێوەبەرایەتی‮ ‬شوێنەواری‮ ‬سلێمانی‮ ‬كرد،‮ ‬ئەمەش‮ ‬یەكێكە لە دیارییە جوانەكانیانە بۆ شاری‮ ‬سلێمانی‮ ‬لەگەل ئەو خانووەی‮ ‬كە لە نزیكی‮ ‬ئەسحابە سپییە و لە نۆژەنكردنەوەیدان بۆ بوونی‮ ‬بە مۆزەخانەیەكی‮ ‬نیشتمانی‮ ‬و هەڵگری‮ ‬بەها پیرۆزەكانی‮ ‬مامۆستا جەمال نەبەز بێت‮.‬
جەمال نەبەز لە رۆژی‮ ‬8ی‮ ‬مانگی‮ ‬12‮ ‬ساڵی‮ ‬رابردوو لە تەمەنی‮ ‬85‮ ‬ساڵیدا لە شاری‮ ‬بەرلین پایتەختی‮ ‬ئەڵمانیا كۆچی‮ ‬دواییكرد و لە رۆژی‮ ‬22ی‮ ‬هەمان مانگدا تەرمەكەی‮ ‬گەڕێندرایەوە شاری‮ ‬سلێمانی‮ ‬و لە گردی‮ ‬شێخ مارف بە خاكی‮ ‬پیرۆزی‮ ‬كوردستان سپێردرا‮.‬
‮ ‬لە كۆتایشدا جێگای‮ ‬خۆیەتی‮ ‬سوپاسێكی‮ ‬پێ پایانی‮ ‬نووسەری‮ ‬گەنج و لێهاتوو دەوەن مەعروف بكەم كە ئەم ساڵ لە مانگی‮ ‬نیسان كە بۆ‮ ‬یادی‮ ‬60 ساڵەی‮ ‬بە ئاشكرا دەرچوونی‮ ‬رۆژنامەی‮ ‬خەبات گەڕابوومەوە بۆ كوردستان و دەرفەتێكی‮ ‬پڕ‮ ‬لە بەهای‮ ‬بۆ خۆم و زانیار سەردار قڕگەیی‮ ‬نووسەر و رۆژنامەنووس سازكردین بۆ دیدەنیكردنمان بۆ لای‮ ‬خاتوو نیعمەت خوشكی‮ ‬رەوانشاد جەمال نەبەز و دواتر ئەو خانووەی‮ ‬نیشانداین كە رەوانشاد جەمال نەبەزی‮ ‬تیایدا ژیاوە و كاژیكنامەی‮ ‬تیایدا نووسیوە،‮ ‬لە داهاتوویەكی‮ ‬نزیكیشدا دكرێتە مۆزەخانە،‮ ‬هەروەها هەموومان سەردانی‮ ‬مەزارگاكەیمان كرد لە گۆڕستانی‮ ‬شێخ مارف و رۆحمیان شاد كرد بە دانانی‮ ‬گوڵ بۆ رۆحی‮ ‬پاكی‮ ‬ئەو گەورە نووسەر و رۆشنبیرەی‮ ‬كورد‮.‬