سەردار شاكر سلێڤانەی‮❊‬
دبیت جهێ پرسیارێ بت ئەرێ ما گەشەكرنا ئابووری‮ ‬تنێ بهەبونا كەرەستە و متالێن سروشتی‮ ‬نە؟‮ ‬یان ژی‮ ‬بهەبونا سیاسەتەكا بهیز و لەشكەرەكێ زورە؟ ئەم نابێژن ئەو هەردوو پرسیار نە گەنجاینە،‮ ‬لێ هەبونا گەنجان و دەستێن كاری‮ ‬بتایبەتی‮ ‬تەخا گەنجا گوپیتكا سەركەفتنێ و پێشڤەچوونا ئابوورێ هەروەلاتەكێ‮ ‬یە،‮ ‬هەروەسان‮ ‬یا خویایە كو سەردەمێ نوكە جیهان بویە مەزنترین مالا گەنجان كو زێدەتر ژ دوو بلیون كەسان لسەرانسەر جیهانێ گەنجن كو نێزیكی‮ ‬سێ چارێكا جیهانێ تەخا گەنجانە ێن كو ژیێ وان دناڤبەرا‮ ‬15 ‮ ‬هەتا‮ ‬34 ‮ ‬سالیێ دا‮. ‬لهەرێما كوردستانێ ژ بەر كو چ ئامارێن دروست دەربارێ رێژا گەنجان لبەر دەست نین لێ رێژا گەنجا و دەستێن كاری‮ ‬رێژەیەكا هەری‮ ‬زێدەیە، نەخاسمە پشتی‮ ‬سەرهلدانا سالا1991 ‮ ‬و پشتی‮ ‬بەرقەرابونا سەقامگێریێ لهەرێما كوردستانێ گەنج زێدە بوینە و پشتی‮ ‬سالێت نوتێ ئاستێ زانین و زانیاریان لدەف گەنجێ مە زێدەبویە ئەو ژی‮ ‬بهەبونا كومەكا زانكویان لسەرانسەر هەرێما كوردستانێ و زێدەبونا خاندنگەهان‮. ‬جهێ خوشحالیێیە هەمی‮ ‬كابینەێن حكومەتێ ێن هاتینە پێكئینان هەولا بنبركرنا بێكاریێ و زێدەكرنا دەلیڤەیێن كاری‮ ‬دایە، لێ هێش ئەم بێژن رێژا بێكاریێ زێدەیە و بتایبەتی‮ ‬گەنج چونكی‮ ‬هەروەختا قوتابیی‮ ‬یان گەنج ژ زانكویێ دەرچوو ئێكسەر دێ چاڤێ وی‮ ‬مینت لسەر حكومەتێ كو بدامەزرینت و هەروەختا دەلیڤە نەكەتێ بهێتە دامەزراندن دێ لمال مینت‮ ‬یان ژی‮ ‬ئەگەر چ نیاس و برادەر لكەرتێ تایبەت نەبن،‮ ‬و هەر سال رێژا دەرچوویان زێدەتر دبت و ئەم دشێن بێژن پلەێت كاری‮ ‬ژی‮ ‬دیار كرینە لەوا پێشبینیا تاوانان و مەترسیێ زێدەدبت وەختا تەخا گەنجان مان بێ كار‮. ‬و خالەكا دی‮ ‬یا دبتە رێگر لهەمبەر دامەزراندن و مفا وەرگرتن ژ هێزا گەنجان ئەوە كو فەرمانبەرێت بتەمەن زیی‮ ‬ناهێنە خانەنشینكرن و دبیت زوربەیا فەرمانبەرێت بتەمەن هەتا ژیێ خوە بتەمامی‮ ‬دبورینت لجهێ كاریی‮ ‬بمینت و بڤێ چەندێ رێك دهێتە گرتن لبەر گەنجی‮ ‬و هەتا ئاستێ بەرهەم ئینانێ ژی‮ ‬لدەف فەرمانبەرێ بتەمەن كێم دبت و ئەڤە بنەرێنی‮ ‬دزڤرت هەم بو گەشەكرنا ئابووری‮ ‬هەم ژی‮ ‬بو لەزاتیا برێڤەبرنا مامەلەێن هەڤوەلاتیان و بارگرانی‮ ‬زێدەتر دكەڤت لسەر مللێت حكومەتێ ژی‮ ‬چونكی‮ ‬ببورینا چەندەهان سالان موچەیێ فەرمانبەرێـت بتەمەن دوو هەتا سێ جاران زێدەتر دبت ژ فەرمانبەرێ گەنج‮. ‬لڤێرە من دڤێت بێژم راستە تەخا گەنجان گەلەك‮ ‬یا كێمە دناڤ كابینەیا نویی‮ ‬یا حكومەتا هەرێما كوردستانێ دا،‮ ‬لێ ئەگەر كابینەیا نویی‮ ‬یا حكومەتێ بڤێت ئابوورێ كوردستانێ گەشە بكت و پتر پێشڤە بچت،‮ ‬پێدڤیە ئەڤ خالێـت هە وەك پێشنیار قەبول بكت ئەو ژی‮: ‬بەرێ خوە دانا گەنجان وەك هێزا سەرەكی‮ ‬بو گەشەكرنا ئابووری‮ ‬و روخساندنا دەلیڤەیێن كاری‮ ‬بو تەخا گەنجان و بتایبەتی‮ ‬دەرچویێن پەیمانگەه و زانكویان نە تنێ لكەرتێ گشتی‮ ‬بەلكو هەتا لكەرتێ تایبەت ژی‮ ‬هەروەسان بڤەكرنا كارگەهێت دروستكرنا بەرهەمێ خومالی‮ ‬مینا دروستكرنا تەماتێ و مرەبێ و شەربەتان، زێدەباری‮ ‬خانەنشینكرنا فەرمانبەرێت بتەمەن و ێن هێزا كاری‮ ‬نەیی‮ ‬و ئەم دشێن بخانەنشینكرنا وان و كێم كرنا موچێ وان مفا ژ سەربورێت وان ێت كاری‮ ‬وەرگرن برێكا دروستكرنا گرێبەستەكێ بكوژمەكێ كێم تنێ ئەگەر فەرمانگەه‮ ‬یا پێدڤی‮ ‬شەهرەزایی‮ ‬و سەربورا وی‮ ‬بت،‮ ‬دیسان كارا كرنا بەرنامێت گەشەپێدان و راهێنانا گەنجان و فێركرنا وان مینا بەرنامێت تواناسازی‮ ‬بو هنارتنا قوتابیان بو تەمامكرنا خواندنێت بلند و مفا وەرگرتن ژ وەلاتێن بیانی،‮ ‬دبیت دڤێ گوتارا كورتدا من هندەك خالێن دیتر دیار نەكربن لێ دروستكرن و بهێز راگرتنا ژێرخانەیا ئابووری‮ ‬یا هەر وەلاتەكێ لسەر مللێت گەنجان دمینت،‮ ‬لەوا دهێتە پێشبینیكرن كابینەیا حكومەتا نویی‮ ‬كابینەیا چارەكرنا ئارێشەیێن گەنجان بت چونكی‮ ‬سەروكێ كابینا نویی‮ ‬كەسەكێ گەنج و خودان ئەزمونە دبوارێ ئارامیێ و ئاڤەدانیێ دا‮.‬
‮❊ ‬ماموستایێ زانكویا بولیتەكنیكی‮ ‬دهوك‮.‬