دیندار مستەفا
خویا د جیهانگیریا ئەڤرۆكەدا برێكا زانست و تەكنولوژیایێ هەر تشت د هەمی‮ ‬سێكەتەرێن ژیانێ دا بەر ب گورین و گورانكاریان و بچوكبوونێ ڤە دچیت،‮ ‬و روژ ب روژێ ئەڤ گورین و بەرەڤ پێشچوونە دبەردەوامن،‮ ‬نەمازە‮ ‬د سیستەمێ دەولەتداریێ و برێڤەبرنا دەولەتێدا‮. ‬دهەیاما سالێن بوری‮ ‬ب تایبەت ل سەردەمێ دەستهەلاتداریا رێزدار نێچیرڤان بارزانی‮ ‬دا و ب تایبەتر ژی‮ ‬د كابینا بوریا حكومەتا هەرێما كوردستانێدا ناڤبری‮ ‬ب جدی‮ ‬كار ژبوی‮ ‬وێ چەندێ كر كوحكومەتەكا ئەلكترونی‮ ‬دابمەزرینیت‮. ‬ئانكو ب واتایەكا دی‮ ‬بێژین‮: ‬د هەمی‮ ‬دامودەزگەهێن میریدا مفا ژ تەكنولوژیا سەردەم بهێتە وەرگرتن،‮ ‬ژپێخەمەت وێ چەندێ كو خزمەتا هاولاتیێن هەرێما كوردستانێ پێ بهێتەكرن و هاولاتی‮ ‬د ماوەیەكێ كورت دا كاروبارێن خو ب ئاسانی‮ ‬برێڤە ببەن د ناڤا دامودەزگەهێن میریدا‮. ‬بیروكەیا دامەزراندنا ئەڤێ حكومەتا ئەلترونی‮ ‬ژ كابینا بورییا حكومەتێ بۆ جەنابێ سەرۆكێ نهایێ هەرێما كوردستانێ دزڤریت‮. ‬ئەڤ بیروكەیە بو ئەگەرێ وێ چەندێ كو ئەڤرۆكە ل هەرێما كوردستانێ ل پارێزگەهێن هەرێمێ تا رادەیەكێ زۆر سیتەمێ ئەلكترونێ بۆ برێڤەبرنا كاروبارێن هاولاتیان بكاربهێت‮. ‬بۆ نموونە سیستەمێ بایومەتری‮ ‬و ئەو سیتەمێ ئەلكترونیێ كو نها د رێڤەبەریێن هاتنوچونێدا دهێنە بكارئینا زێدەباری‮ ‬چەندێن رێڤەبەری‮ ‬و فەرمانگەهێن دیترێن حكومەتا هەرێمێ ب ئاوایەكێ گشتی‮ ‬ئەڤ سیتەمە دهێنە بكارئینان‮. ‬كو ئەڤرۆكە ل هەمی‮ ‬وەلاتێن پێشكەفتی‮ ‬ئەڤ جورێ جورێ سیستەمی‮ ‬واتە حكومەتا ئەلكترونی‮ ‬بۆ برێڤەبرنا كاروبارێن هاولاتیان دهێتە بكارئیینان‮. ‬ب دیدا مە‮ ‬بڤێ پێنگاڤا مودێرن حكومەت دێ‮ ‬یا مفاداربیت هەروەكی‮ ‬د ئەڤان خالێن خوارێدا مە خویاكرینە‮:‬
‮❊ ‬پەیدابوونا شەفافیەتێ و دادمەندیێ د برێڤەبرنا كاروبارێن هاولاتیاندا‮.‬
‮❊ ‬رازیبوونا هاولاتیان ب ئەدایا حكومەتێ و پێشكێشكرنا خزمەتەكا مەزنتر و مودێرنیزمانە بۆ هاولاتیێن خۆ‮.‬
‮❊ ‬زڤراندنا دەمەكێ زۆر بۆ هاولاتیان،‮ ‬كۆ بەریا نها هاولاتی‮ ‬دەمەكێ زۆر و ماندیبوونەكا زۆر د دیت ل دەمێ سەرەدانا وی‮ ‬بۆ ئێك ژ فەرمانگەهێن میری‮. ‬ئانكو ب واتایەكا دی‮ ‬هاولاتی‮ ‬دێ شێت هەر لمال كاروبارێن خۆ برێڤەبەت برێكا ئەنترنێتێ‮.‬
‮❊ ‬فەرمانبەر و كار ب دەستێن فەرمانگەهێن میری‮ ‬دێ ئاوایەكێ باشتر و ب ماندیبونەكا كێمتر ئەركێ خۆ ئەنجامدەن‮.‬
‮❊ ‬ئەو قەلەبالغی‮ ‬و جەنجالیا‮ ‬نها ل رێڤەبەری‮ ‬و فەرمانگەهێن میری‮ ‬هەی‮ ‬نامینیت‮.‬
‮❊ ‬برێكا سیتەمێ ئەلكترونی‮ ‬دێ رێگری‮ ‬ل گەندەلیێ و دیاردێن مینا رەوش و بەرتیل وەرگرتنێ هێتە گرتن‮ ‬یا كێمكرن‮. ‬
‮❊ ‬ب هەبوون و جێبەجێكرن و گشتاندنا ئەڤی‮ ‬سیتەمێ ئەلكترونی‮ ‬ل هەمی‮ ‬وەزارەت و دامودەزگەهێن میریدا‮. ‬دێ حكومەت متمانە و باوەریێ ل سەر ئاستێن ناڤخویی‮ ‬دەرڤە بدەستخو ئێخیت كو بازرگان و بزنس مەن و سەرمایەدارێن ناڤخویی‮ ‬و دەرڤەیی‮ ‬پتر وەبەرهێنانێ بكەن و سەرمایێ خۆ ل هەرێما كوردستانێ خەرج بكەن‮.‬
‮❊ ‬خالەكا دن‮ ‬یا گرنگی‮ ‬و هەبوونا ئەڤی‮ ‬سیتەمی‮ ‬ب تایبەت د سیتەمێ بانكیدا‮. ‬دێ حكومەت متمانە و سەرنجا كومپانیێن مەزنێن ناڤخویی‮ ‬دەرڤەیی‮ ‬بۆ خۆ راكێشیت كو هەم وەبەرهێنانێ و هەمژی‮ ‬سەرمایێ خۆ بپارێزن ل هەرێما كوردستانێ‮.‬
ئەڤە و زێدەباری‮ ‬چەندین خالێن دیتر‮. ‬كو بدیدا مە ئەگەر كابینا داهاتی‮ ‬یا هەرێما كوردستانێ ب ئاوایەكێ بەرفرەهتر و جدی‮ ‬تر كار لسەر ئەڤێ بیروكا زێرین بكەت،‮ ‬ئەوا بەریا نها رێزدار نێچرڤان بارزانی‮ ‬دكابینەیا بوریدا بەرێ بنیاتی‮ ‬بۆ دانایی‮. ‬دێ شێت ببیتە حكومەتەكا بهێزو شەفاف و دادمەند و مودێرن و خزمەتگۆزار‮.‬