خه‌بات- سەید فاتیح بەرزنجی:
رۆژانە هاووڵاتیان گلەیی‮ ‬و گازندە لە وەزارەتی‮ ‬ئاوەدانكردنەوە دەكەن كە بۆچی‮ ‬رێگاوبانەكانی‮ ‬دەرەوە دووبارە قیرتاو ناكەنەوەو هەوڵی‮ ‬چاككردنەوەی‮ ‬دەدەن ئەگەرچی‮ ‬ئەو رێگاوبانانە شادەماری‮ ‬ئابووری‮ ‬كوردستانن و هاووڵاتیان خوازیارن حكومەتی‮ ‬تازەی‮ ‬هەرێم پرۆژەی‮ ‬تۆڕی‮ ‬رێگاوبانەكان دووبارە دەخاتە بەرنامەو هەموو رێگا‮ ‬یەك سایدەكان‮ ‬بكرێتە جووت ساید تا چیتر ئەو رێگاوبانانە نەبنە دێوەزمەی‮ ‬مەرگ بۆ هاووڵاتیان دەربارەی‮ ‬ئەو بابەتە وەك رۆژنامەی‮ ‬خەبات ئەو راپۆرتەمان ئامادەكرد
رۆژانە هاووڵاتیانی‮ ‬دەوروبەری‮ ‬هەولێرو گەشتیاران گلەییان لە خراپ بوونی‮ ‬رێگاوبانەكان دەكەن بۆ ئەو مەبەستە ژمارەیەك لە هاووڵاتیان سەبارەت بە خراپی‮ ‬رێگاوبانەكان گلەییان هەیە
محەمەد شوفێری‮ ‬هێڵی‮ ‬سۆران هەولیرەو گووتی‮: ‬بەرلە قەیرانی‮ ‬دارایی‮ ‬چەندین پڕۆژەی‮ ‬گرنگی‮ ‬رێگاوبان لەلایەن وەزارەتی‮ ‬ئاوەدانكردنەوە لەبواری‮ ‬رێگاوبان ئەنجامدرا و بووە مایەی‮ ‬بەختەوەری‮ ‬هاووڵاتیان و شوفیران،‮ ‬بەڵام بەداخەوە‮ ‬ماوەیەكە قەیرانی‮ ‬دارایی‮ ‬نەماوە نازانین بۆچی‮ ‬ڕێگاوبانەكان فەرامۆش كراوەو بودجەی‮ ‬پێویست نییە بۆ دووبارە قیرتاو كردنەوەی‮ ‬رێگاوبانەكان هیوادارین كابینەی‮ ‬تازەی‮ ‬حكومەتی‮ ‬هەرێم لە سەرەتای‮ ‬بەرنامەی‮ ‬خۆی‮ ‬گرنگی‮ ‬بە رێگاوبانەكان بدات
لوقمان شوفیریكی‮ ‬دیكەبوو گووتی‮: ‬رێگاوبانەكان‮ ‬ڕۆژانە لەلایەن بەڕیوەبەرایەتی‮ ‬چاككردنەوەی‮ ‬رێگاوبانەكان چاكك دەكریتەوە بەڵام ئەو رێگاوبانانە بە چاككردنەوە چارەسەر ناكرێ بەڵكو بە دووبارە قیرتاو كردن چاك دەبیتەوە
‮ ‬شاكر شوفیریكی‮ ‬دیكەبوو گوتی‮: ‬بەجووت سایدكردنی‮ ‬رێگاوبانەكان پڕۆژەیەكی‮ ‬گرنگی‮ ‬حكومەتی‮ ‬هەرێم بوو،‮ ‬بەڵام قەیرانی‮ ‬دارایی‮ ‬نەیهیشت بەرنامەكە ئەنجام بدریت‮ ‬ئومیدیكی‮ ‬گەورەمان بە كابینەی‮ ‬تازەی‮ ‬حكومەتی‮ ‬هەرێم هەیە تا زیاتر گرنگی‮ ‬بە رێگاوبانەكان بدریت‮.‬
كاروان هیمداد دانیشتووی‮ ‬شاری‮ ‬كۆیە گوتی‮: ‬ماوەی‮ ‬چەندین ساڵە‮ ‬رێگای‮ ‬كۆیە بۆتە دیوەزمەی‮ ‬مەرگ بۆ هاووڵاتیان دەبووایە حكومەتی‮ ‬هەرێم چارەیەكی‮ ‬بۆ فراوانكردنی‮ ‬ئەو‮ ‬رێگایە هەبووایە تا چیتر هاووڵاتیان‮ ‬یلەو‮ ‬ڕێگایە دووچاری‮ ‬ڕووداوی‮ ‬هاتوچۆ نەدەبوون‮.‬
‮ ‬كەریم سلیمان دانیشتووی‮ ‬هیران گوتی‮: ‬ماوەی‮ ‬چەندین ساڵە رێگاوبانەكانی‮ ‬دەوروبەری‮ ‬هیران گرنگی‮ ‬پێ نەدراوەو چاكیش نەكراوەتەوە ئەوەتا رێگای‮ ‬گوندی‮ ‬فریز بەتەواوی‮ ‬لەكار كەوتووەو لەشەواندا هەموو شوفیران ناتوانن هاتوچۆ لەسەر بكەن و رێگایەكی‮ ‬ستراتیژیە و بارهەڵگرەكان ئەو رێگایەیان تیكداوەو چاوەڕوانی‮ ‬حكومەتی‮ ‬تازە دەكەین كە ئەو رێگایەمان بۆ چاك بكاتەوە
بەڕیوەبەرایەتی‮ ‬چاككردنەوەو پاراستنی‮ ‬رێگاوبان بەردەوام رێگاوبانەكان چاك دەكەنەوە
‮ ‬ئەندازیار دڵشاد عیمادەدین بەڕیوەبەری‮ ‬چاككردنەوەو پاراستنی‮ ‬رێگاوبانی‮ ‬هەولیر بۆ خەبات‮ ‬ڕوونیكردەوە‮: ‬ئیمە بەردەوام لەلایەن تیمەكانەوە خەریكی‮ ‬چاككردنەوەی‮ ‬رێگاوبانەكانی‮ ‬دەوروبەری‮ ‬هەولیرین و توانیومانە رێگای‮ ‬دوورترین گوندی‮ ‬سەرسنوور چاك بكەینەوەو چەندین تیمی‮ ‬پسپۆڕی‮ ‬رێگاوبانمان هەیەو بریتین لە ئەندازیارو تیمی‮ ‬تەكنیكی‮ ‬و ئامێری‮ ‬جۆراوجۆریان هەیەو چەندین كارو چالاكی‮ ‬گەورەیان لە دەوروبەری‮ ‬هەولێر بۆ چاككردنەوەی‮ ‬رێگاوبانەكان بەئەنجام گەیاندووەو چاوەڕوانی‮ ‬كابینەی‮ ‬تازەی‮ ‬حكومەتی‮ ‬هەرێمی‮ ‬كوردستانین كە دوای‮ ‬دەست بەكاربوونی‮ ‬پڕۆژەی‮ ‬گەورەی‮ ‬رێگاوبان ئەنجام بدریت بۆ ئەو مەبەستەش چەندین دەرخستەی‮ ‬زۆر گەورەمان ئامادەكردووە تا دوای‮ ‬دەست بەكاربوونی‮ ‬كابینەی‮ ‬تازەی‮ ‬حكومەتی‮ ‬هەرێم دەست بە پڕۆژەكان بكریت لەماوەی‮ ‬ڕابردوومان هەر لەلایەن تیمەكانی‮ ‬كەرتەكانی‮ ‬قەزای‮ ‬سۆران و چۆمان و میرگەسۆر چەندین رێگاوبان بە شیوەیەكی‮ ‬ئەندازەیی‮ ‬چاككراوەتەوەو كارەكانی‮ ‬ئەو دواییەی‮ ‬كەرتەكان بریتییە لە‮:‬
هەتا‮ ‬ڕۆژی‮ ‬13/7 تیمەكان ئەو كارانەیان بە ئەنجام گەیاندووە‮:‬
‮ ‬پڕۆژەی‮ ‬قیرتاو كردنەوەی‮ ‬رێگای‮ ‬پیران‮- ‬كاولان‮- ‬سەروكانی‮ ‬كە دریژی‮ ‬ڕێگاكە زیاتر لە‮ ‬4 كیلۆ مەتربوو قیرتاو كردنی‮ ‬رێگای‮ ‬ناوڕۆین‮ -‬ هەسنان‮- ‬گەرووی‮ ‬بیشێ بە درێژی‮ ‬12 كیلۆ مەتر قیرتاو كردنی‮ ‬چەند شوینیكی‮ ‬تیكچووی‮ ‬رێگای‮ ‬سەرەكی‮ ‬سۆران ژچۆمان لە نزیك پردی‮ ‬جوندیان و بازگەی‮ ‬جوندیان لەلایەن كەرتی‮ ‬چواری‮ ‬سۆران و چاككردنەوەی‮ ‬رێگای‮ ‬ساكا لە ناحیەی‮ ‬بارزان و تیكەڵە‮ ‬ڕیژكردن و قیرتاو كردنی‮ ‬گۆڕەپانیك لە‮ ‬بلێ لە دەڤەری‮ ‬بارزان كەوتە بواری‮ ‬جیبەجێ كردن و كاری‮ ‬فڕیدانی‮ ‬خۆڵ و بەرد لەسەر رێگای‮ ‬گوندی‮ ‬بیریژو ئامادەكردنی‮ ‬رێگاكە بۆ چاككردنەوەی‮ ‬و دروستكردنی‮ ‬رێگای‮ ‬دەروازەی‮ ‬سنوری‮ ‬مێرگەسۆر‮- ‬رووبارۆك لە سنوری‮ ‬میرگەسۆرو دانانی‮ ‬بۆڕی‮ ‬ئاسنی‮ ‬ئارامكۆ بۆ‮ ‬ڕێگای‮ ‬گوندی‮ ‬كیشكێ كە پرۆژەیەكی‮ ‬گرنگە بۆ رێگاكانی‮ ‬قەزاكانی‮ ‬سۆران ژ چۆمان‮- ‬ڕەواندوزو چاككردنەوەی‮ ‬رێگای‮ ‬نیوان ناحیەی‮ ‬كەسنەزان ژ پیر‮ ‬ڕەش ژ كۆلیژی‮ ‬پۆلیس كە زۆر تیكچووبوو جگەلەوە چەندین‮ ‬ڕێگا لەقەزاكانی‮ ‬سۆران‮- ‬چۆمان‮ ‬حاجی‮ ‬ئۆمەران‮ ‬تیكچووبوون توانرا لەلایەن كەراتەكانی‮ ‬چاككردنەوەو پاراستنی‮ ‬رێگاوبانی‮ ‬هەولیر چاككراونەتەوە جگەلە رێگاوبان توانیومانە گرنگی‮ ‬بە پردەكانیش بدەین،‮ ‬وەك چاككردنەوەو قیرتاو كردنەوەی‮ ‬پردی‮ ‬تەنگەتور ژ نیروان چاككرایەوە جگەاەوە توانرا‮ ‬كاری‮ ‬دانانی‮ ‬پەرژینی‮ ‬بی‮ ‬ئار سی‮ ‬بۆ پردی‮ ‬ئاسنی‮ ‬جوندیان و كاولۆكان‮ ‬و دروستكردنی‮ ‬دیواری‮ ‬گایۆن بۆ پردی‮ ‬ئاسنی‮ ‬خانەقا و پرۆژەی‮ ‬دانانی‮ ‬بۆری‮ ‬ئاسنی‮ ‬ئارامكۆ بۆ رێگاكانی‮ ‬قەزاكانی‮ ‬سۆران ژچۆمان‮ ‬ڕەواندوزو تەواوكردنی‮ ‬چینی‮ ‬دەبل دریسینگ و بەستانەوە لە رێگای‮ ‬نیوان‮ ‬باسرمە ژ هەریر دیارە‮ ‬ڕۆژانە هەموو ئەو تیمانە پشكنین و گەڕان بۆ ئەو رێگاوبانانە دەكەن كە تیكچووینە و بۆ ئاینەدەش چەندین دەرخستەی‮ ‬رێگاوبانمان ئامادەكردووەو چاوەڕوانی‮ ‬حكومەتی‮ ‬تازە دەكەین‮.‬