هەژار دوای‮ ‬ئەوەی‮ ‬بەهۆی‮ ‬جەنگەوه لە دیمەشق پایتەختی‮ ‬سووریا دەستبەرداری‮ ‬ژیان و پیشەكەی‮ ‬دەبێت كە فرۆشتنی‮ ‬شەربەتی‮ ‬تەمەرهندیە و لە باپیریەوە فێری‮ ‬بووە،‮ ‬ئێستا و ماوەی‮ ‬حەوت ساڵە لەبەردەم قەڵای‮ ‬هەولێردا درێژە بە پیشەكەی‮ ‬دەدات.رایگەیاند،دوای‮ ‬سەرهەڵدانی‮ ‬جەنگ،‮ ‬ماوەی‮ ‬نزیكەی‮ ‬حەوت ساڵە لەگەڵ خێزانەكەی‮ ‬لە كەمپی‮ ‬قوشتەپەی‮ ‬هەولێر نیشتەجێن‮.‬

‮- ‬شەربەتی‮ ‬تەمەرهندی‮ ‬بە هەولێر ناساند
هەژار ئاماژەی‮ ‬بەوەدا كە هاوینان وەك پیشەی‮ ‬باپیریان لە دیمەشق كاری‮ ‬شەربەتفرۆشی‮ ‬گەڕۆكیان كردووە و ئێستاش هاوینان لە كەمپەكە و هەولێر كە بەماڵی‮ ‬خۆیانی‮ ‬دەزانن،ئەو كارە دەكەن.هەژار دەڵێت‮: “‬كاتێك هاتمە ئێرە،‮ ‬بڕیارمدا درێژە بە پیشەكەم بدەم‮. ‬چونكە شەربەتفرۆشی‮ ‬گەڕۆكی‮ ‬تەمەرهیندی‮ ‬لێرە نەبوو‮. ‬لەبەرئەوە خەڵكی‮ ‬دەیانەوێت بزانن چییە‮. ‬لە كەمپەكە شەربەتەكە حازردەكەم و لە بازاڕ‮ ‬دەیفرۆشم‮”.‬ناوبراو ئاماژەی‮ ‬بەوەدا كە كاری‮ ‬شەربەتفرۆشی‮ ‬لەبەردەم قەڵای‮ ‬دێرینی‮ ‬هەولێر دەكات كە گرنگترین شوێنی‮ ‬شارەكەیە و گەشتیاران بەچڕی‮ ‬سەردانی‮ ‬دەكەن‮. ‬بەهۆی‮ ‬بوونی‮ ‬خواستی‮ ‬زۆر لەسەر شەربەتەكەی‮ ‬هەژار،‮ ‬ئێستا دوو برای‮ ‬دیكەشی‮ ‬دەستیان بە ئەنجامدانی‮ ‬پیشەكەی‮ ‬باپیریان كردووە.هەژار ئاماژەی‮ ‬بەوەدا كە شەربەتی‮ ‬تەمەرهیندی‮ ‬لە سووریا بەشێوەیەكی‮ ‬بەربڵاو بەكاردێت و گوتی‮ “‬شلەڕاستیدا شەربەتی‮ ‬تەمەرهندی‮ ‬بۆ چەندین نەخۆشی‮ ‬وەك چارەسەر وایە‮. ‬وەك چارەسەر بۆ نەخۆشییەكانی‮ ‬گەدە،‮ ‬ریخۆڵە و گورچیلە بەكاردێت‮”.‬ئەو پیشەوەرە گەڕۆكە ئاشكرای‮ ‬كرد رۆژانە لەم كەشە گەرمەی‮ ‬هەولێردا بەشێوەیەكی‮ ‬تێكڕایی‮ ‬بڕی‮ ‬15 دۆلار پەیدا دەكات و بەمە بژێویی‮ ‬خۆی‮ ‬و خێزان و منداڵەكانی‮ ‬دەستەبەردەكات.هەژار گوتیشی‮: “‬ئەگەر دۆخی‮ ‬ژیان ئاسایی‮ ‬ببێتەوە لە سووریا،‮ ‬دەگەڕێمەوە بۆ وڵاتەكەم و درێژە بە پیشەكەم دەدەم‮. ‬دەمەوێت پیشەی‮ ‬باو و باپیرم لە وڵاتەكەم درێژەپێبدەم‮”.‬