خه‌بات: رەمزی‮ ‬میرەكانی:-

ئەستێرەی‮ ‬ئەڵمانی‮ ‬تۆنی‮ ‬كروس،‮ ‬یاریزانی‮ ‬هێڵی‮ ‬ناوەڕاستی‮ ‬یانەی‮ ‬ریال مەدرید وتی،‮ ‬كریستیانۆ رۆناڵدۆ،‮ ‬هاوتیپی‮ ‬پێشووی‮ ‬و‮ ‬یاریزانی‮ ‬ئێستای‮ ‬یۆڤانتسی‮ ‬ئیتاڵی،‮ ‬زیاتر لە جارێك هەراسانی‮ ‬كردووە‮. ‬ئەمەو رۆناڵدۆ،‮ ‬كە لە ریال مەدرید بوو،‮ ‬لەسەر ئەنجامدانی‮ ‬ئاهەنگی‮ ‬گۆشت برژاندن راهاتبوو،‮ ‬ماڵەكەشی‮ ‬لەو گەڕەكە بوو كە كروس لە مەدرید تێیدا نیشتەجێ بوو‮. ‬كروس لەمبارەیەوە لێدوانی‮ ‬بۆ رۆژنامەی‮ ‬ماركای‮ ‬ئیسپانی‮ ‬دا و وتی‮:”‬زۆر جار گوێم لە ئاهەنگگێڕانەكانی‮ ‬رۆناڵدۆ لە ماڵەكەیدا دەبوو،‮ ‬كە تاكو كاتێكی‮ ‬درەنگی‮ ‬شەو بەردەوام دەبوو‮”. ‬هەروەها وتی‮:”‬گۆشت برژاندنەكانی‮ ‬رۆناڵدۆ،‮ ‬زۆر بە ژاوە ژاو بوو،‮ ‬هەندێجار دەبوو داوای‮ ‬لێ بكەین،‮ ‬دەنگی‮ ‬هەرا و هۆریایان كەم بكەنەوە‮”. ‬كروس لە بارەی‮ ‬گرنگی‮ ‬گروپی‮ ‬WhatsApp‮‬، بۆ‮ ‬یاریزانانی‮ ‬ریال مەدرید وتی‮:”‬هەر‮ ‬یاریزانێك ئاگای‮ ‬لە راهێنانەكان نەبێت،‮ ‬لە رێگەی‮ ‬ئەو گروپەوە ئاگادار دەكرێتەوە‮”. ‬شیاوی‮ ‬باسكردنە،‮ ‬تۆنی‮ ‬كروس،‮ ‬تاكو كۆتایی‮ ‬وەرزی‮ ‬2023 گرێبەستەكەی‮ ‬لەگەڵ ریال مەدرید تازە كردەوە‮. ‬ئەمەو كروس،‮ ‬تاكو ئێستا‮ ‬233 یاری‮ ‬لەگەڵ ریال مەدرید ئەنجام داوە،‮ ‬13 گۆڵی‮ ‬تۆمار كردووە،‮ ‬59 پاسی‮ ‬یەكلایی‮ ‬كەرەوەی‮ ‬داوە و‮ ‬12نازناویشی‮ ‬بەدەستهێناوە‮.‬