خه‌بات: بەرهەم شێخ عزەدین:-
نووسەر و لێكۆڵەرەوە مەلاحەیدەر بندیان لەساڵی 1965 لەدایك بووە وخاوەنی بڕوانامەی دبلۆمە لەبەشی وتاردان،لەتەمەنی 35ساڵی دەستی كردووە بەنووسین و خاوەنی27 كتێبە، تاكو ئێستا توانیویەتی8كتێب لەسەرئەركی خۆی بەچاپ بگەیەنێت.كتێبەكانی لەبوارەكانی: تێگەیشتن لەئاین ئیسلام،كوردایەتی و ڕۆڵی سەركردە سیاسییەكان، ئابوری، شیعر لەسەر سەربەخۆی كوردستان، كۆمەڵایەتی، لێكۆڵینەوە لەئەنفال، چەند بوارێكی دیكە، نووسەر لەساڵی 1987 لەسەرهەڵوێیستی كوردایەتی لەلایەن رژێمی بەعس زیندانی دەكرێیت و فەرمانی لەسێدارەدانی بۆدەردەچێت، لەزۆربەی نووسینەكانی زاڵبوونی هەستی نەتەوایەتی و نیشتیمان پەروەری بەدی دەكرێت،لە ساڵی 2019 دووكتێبی بەچاپ گەیاندووە،لەچەندین ڕۆژنامە و گۆڤارو بڵاوكراو میدیای دیكە وتار و بابەتی هەبووە،لەدیمانەیەكی كورت مەلاحەیدەر بندیان دەربارەی دنیای نووسین و خوێندنەوە بەم جۆرە بۆ خەبات دوا:
خستنە ڕووی مەزڵومیەتی گەلەكەم
نووسەردەڵێت:نووسینەكانم زیاتر بۆڕەزامەندی خوایە چونكە نابێت مرۆڤ ئەوزانیاریانەی هەیەتی لەگەڵ خۆی بیباتە ژێرگڵ دەبێیت بیگەیەنێتە خەڵك بۆئەوەی سودی لێ وەربگرن،هەروەها دەمەوێت لەڕێی نووسینەكانم مەزڵومیەتی میلەتەكەم بخەمە ڕوو ،هەروەها بەشێكی دیكەش داكۆكی كردنە لە مافەڕەواكانی گەلەكەم.
مەلامستەفا لەدیدی نووسەرەوە
مەلاحەیدەر بندیان كەزۆری لێكۆڵینەوە لەسەرمێژووی كورد كردوە وبەدوای هۆكارەكانی بەرەو پێش نەچوونی خێرای ئەم گەلەخێرنەدیوە گەڕاوە وەك خۆی دەڵێت بۆم دەركەوتووە هەموو هۆكارەكەی یەك نەبوون وخۆخۆری بووە،تاكەسەركردە كەبەدڵ سۆزی و خەم خۆری بێجیاوازی و بەیەكسانی كاری بۆسەرجەم تاكەكانی كوەرد كردوە خوالێ خۆش بوو جەنابی مەلا مستەفابارزانی بووە،كەئەمەش لەئاینی ئیسلامی پیرۆزە وە سەرچاوەی گرتبوو،بۆیە گرنگە هەمووسەركردەكان ولایەنە سیاسیەكان بگەڕێنەوە سەرڕێبازی ئەوسەركردە خۆنەویستە بۆئەوەی هیچی دیكە ئەم گەلە ئاوهانەمێنێتەوە و بەمافەكانی خۆی بگات،لەئێستاشدا تەنها سەركردەیەك بتوانێت ئەوكارەبكات و هەمووان لەژێر یەك چەتر كۆبكاتەوە و كورد بگەیەنێیت بەئامانج جەنابی كاك مەسعود بارزانیە.
نووسەر و پێشمەرگە
نووسەر زۆری لێكۆڵینەوە لەسە ربواری سەربازی كردوە و دەڵێت شەڕی پێشوو جیاواز بوو لەئێستا ،بەڵام بۆئەوەی پێشمەرگەسەركەوتوبن دەبێت پشت بەخوا ببەستن ئینجا بگەڕێنەوە بۆسەر رێباز و شێوازی شەڕكردنی مەلامستەفای بارزانی،چوونكە ئەوان قوتابی ئەو پیاوە مەزنەن،هەروەها من زۆر بوارم بۆبرا پێشمەرگەكانمان ڕوون كردۆتەوە لەكاتی جەنگ لەڕووی ئاینی پیرۆزی ئیسلامەوە كەچی بكەن وچون لەپاڵ ئەركی پیرۆزی بەرگری چۆن ئەركە ئاینیەكانیش بەجێ بگەیەنن.
خوێندنەوە پاداشتی خێری هەیە
لە دوماهیدا مەلاحەیدەر بندیان گوتی: لەئاینی ئیسلام خۆپڕچەك كردن بەزانست گرنگە و مروڤ هاندەدرێت كە هەمیشە بەدوای زانست بگەڕێت،لەوسۆنگەویەوە خوێندنەوە پاداشتی هەیە،بۆیە دەبێت زۆربخوێنینەوە و لەخوێندنەوە دانەبڕێین.
