سەربەست خالد كۆچەر
د ئێكەم رێورەسمێن سویند خواردنا سەرۆكێ نوو‮ ‬یێ هەرێما كوردستانێ نێچیرڤان بارزانی‮ ‬كارڤەدان و ئاماژە و پەیامێن دەرەكی‮ ‬و نافخۆە و جیهانی‮ ‬دیاربوون،‮ ‬كو پەسنا پێگەهێ سیاسی‮ ‬،‮ ‬نیڤدەولەتی‮ ‬،‮ ‬ئابووری‮ ‬،‮ ‬بهێزبوونا حكومرانی‮ ‬و دەستهەلاتدارییا كوردستانێ دهات كرن بۆ چوار سالێن ئایندە ب سەرۆكاتیا‮ ‬نێچیرڤان بارزانی‮ ‬و مەسروور بارزانی‮ ‬كو هەردووك قوتابیێن مامۆستایەكێنە‮.. ‬مامۆستایێ خەبات و پێشمەرگایەتییا سەروك مسعود بارزانی‮. ‬هەلبەت لبن چاڤدێرییا سەروك مسعود بارزانی‮ ‬و چالاكییا هەردوو سەركردێن گەنج‮ ‬نێچیرڤان بارزانی‮ ‬و مەسرور بارزانی‮ ‬دێ قۆناغەكا نووی‮ ‬یا سیاسی‮ ‬و چارەنڤیسساز و بهێز،‮ ‬دبلۆماسییا ناڤخو و نیڤدەولەتی‮ ‬ل كوردستانێ دێ پێرەو بیت و دێ ئەزموون وسیاسەتا حەكیمانەیا سەرۆك مسعود بارزانی‮ ‬بەردەوام بیت‮.

د ئێكەم گوتارا خۆە دا سەرۆكێ نوو‮ ‬یێ هەرێمێ باس ل كاودانێن سەخت و دژوارێن كوردستانێ كر ل ماوێ بوری،‮ ‬كا چاوا حكومەتا هەرێمێ ب پشتەڤانی‮ ‬و خۆراگریا خەلكێ كوردستانێ ئاستەنگ و بەربەستێن ب زەحمەت ژناڤبر و دەرباز كرینە‮،‮ ‬ئاماژە دا وێ‮ ‬یەكێ كو بۆ چوار سالێن داهاتی‮ ‬دێ ب هێزداریەكا مەزن بۆ وەلات و مللەتێ خۆ‮ ‬،‮ ‬شێواز و سەردەمەكێ زێرین بۆ پاشەرۆژا كوردستانێ بەردەست كەت‮. ‬ئەگەر د سەرنج و رامانا خالەكا وێ گوتارێ بدەین و باس بكەین،‮ ‬ب تایبەتی‮ ‬دەر بارێ رەوش و بارودۆخێ هەنوكەیێ كوردستانێ،‮ ‬سەرۆك نێچیرڤان بارزانی‮ ‬دوپاتی‮ ‬و پشتەڤانی‮ ‬ل پەرەپێدانا پەیوەندیێن سیاسی‮ ‬یێن لایەن و پێكهاتەیێن سیاسی‮ ‬ل هەرێمێ كر ب گرنگ خویاكر و رژدبوون خواست بۆ چوار سالێن داهاتی‮ ‬كو پێكڤە د هەڤكار و هەماهەنگ بین و ب گیانێ كاركرن وەكو ئێك تیم و ب هەڤرا كاركرن بۆ ب دەستڤەئینانا ئومێد و هیڤیێن گەلێ كوردستانێ‮‬،‮ ‬ب پێكڤەبوونەكا نیشتیمانی‮ ‬و نێزیكبوون و ئاراستەیێن هاوبەش دەست نیشان بكەین د قۆناغا بهێت دا‮،‮ ‬دەستكەفتێن ئەڤرۆ ل سەر ئاستێ هەرێمێ و بەغدا نیڤدەولەتی‮ ‬ب پارێزین و هزر ل سەختیا بوری‮ ‬بكەین داكو پاشەرۆژەكا گەش بۆ هەرێمێ زامن و مسۆگەر بكەین‮،‮ ‬لەورا دڤێ خالا هەری‮ ‬بهێزا گوتارا سەرۆك نێچیرڤان بارزانی،‮ ‬ئەو چەندە ئاشكەرا بوو كۆ سەرۆكێ هەرێمێ خواستێ نەخشەرێیا هەماهەنگی‮ ‬و كاركرنێ ب هەڤرایە داكو وەلاتەكێ پێشكەفتن خواز و ئایندەك پرشنگدار بۆ كورستانیان دەستەبەر بیت‮. ‬ئەڤ خواستا سەرۆكێ هەرێمێ،‮ ‬خواستا هەر تاكەكێ كوردە‮ ‬،‮ ‬حەز و خەونا هەموو گەلێ كوردستانێ‮ ‬یە و پێدڤییە بەردەوامی‮ ‬بێتەدان ب ئەزموون و سیاسەتا حەكیمانەیا سەروك مسعود بارزانی‮ ‬ل حوكمڕانیا كوردستانێ،‮ ‬هەروەسا خەلكێ كوردستانێ چاڤەرێ سیاسەت و چەلەنگی‮ ‬و كارتێكرنا سەرۆكێ نوو‮ ‬یێ هەرێمێ نە لسەر ئالیێن سیاسی‮ ‬ل هەرێما كوردستانێ‮،‮ ‬د هەمان دەمدا كومكرن و ل هەڤهاتنا لایەنێن سیاسی‮ ‬ل بن سیبەرا سەروكاتیا هەرێما كوردستانێ كاریگەری‮ ‬و كارتێكرنا خۆە هەیە،‮ ‬چونكە تنێ ب رێیا سازان و نێزیكبوون و ئێكگرتنا لایەنێن سیاسی‮ ‬دێ كوردستانەكا بهێز و سەقامگیر و پێشكەفتی‮ ‬بنیات بیت و چاخ و سەردەمەكێ زێرین و ئارمانج و دەستكەفتێن مەزن دێ بدەستڤە بهێن و ئەڤ نیشتمان و وەلاتە،‮ ‬دێ بیتە كومكەر و خرڤەبوونا هەمی‮ ‬لایەن و پێكهاتەیان ب هەمی‮ ‬رەنگێن جیاوازڤە‮. ‬