خه‌بات: ‬سەید فاتیح بەرزنجی‮:‬-
زیاتر لە‮ ‬یەك مانگە هاوردەكردنی‮ ‬هێلكە بۆ كوردستان و عێراق‮ ‬ڕاگیراوەو هەرێمی‮ ‬كوردستانیش پابەندی‮ ‬بڕیارەكەی‮ ‬حكومەتی‮ ‬عێراقە،‮ ‬بۆیە نرخی‮ ‬هێلكە لە بازاڕەكانی‮ ‬كوردستان بەرز بۆتەوەو گلەیی‮ ‬و گازاندەی‮ ‬هاووڵاتیانی‮ ‬بەدوای‮ ‬خۆیدا هێنا سەبارەت بەو بابەتە وەك‮ ‬ڕۆژنامەی‮ ‬خەبات ئەو‮ ‬ڕاپۆۆرتەمان ئامادەكرد‮.‬

هاووڵاتیان‮: ‬كێ لەگرانبوونی‮ ‬نرخی‮ ‬هێلكە بەرپرسیارە
دوای‮ ‬گرانبوونی‮ ‬نرخی‮ ‬هێلكە لە بازاڕ،‮ ‬هاووڵاتیان گلەیی‮ ‬و گازاندەی‮ ‬زۆریان هەبوو لەحكومەت كە بۆچی‮ ‬چارەسەری‮ ‬ئەو كێشەیە ناكات‮. ‬لەمبارەیەوە ژمارەیەك لە هاووڵاتیان دەربارەی‮ ‬گرانبوونی‮ ‬هێلكە قسەی‮ ‬خۆیان هەبوو‮.‬

‮ ‬ساڵح كەریم لە بازاڕی‮ ‬شێخەڵڵای‮ ‬هەولێر خەریكی‮ ‬كڕینی‮ ‬هێلكەبوو گوتی‮: ‬ماوەی‮ ‬چەند هەفتەیەكە نرخی‮ ‬هێلكە لەبازاڕ‮ ‬زۆر گرانبووەو جاران نرخی‮ ‬یەك تەبەقە هێلكە بە‮ ‬3 هەزار دیناربوو،‮ ‬كەچی‮ ‬لەئێستادا نرخەكە بۆتە دوو هێندە‮. ‬مام محەمەد گوتی‮: ‬داوا لەحكومەتی‮ ‬هەرێم و وەزارەتی‮ ‬كشتوكاڵدەكەین كە سنورێك بۆ گران بوونی‮ ‬نرخی‮ ‬هێلكە دابنێت‮. ‬هەروەها كامەران عەلی‮ ‬گوتی‮: ‬هێلكە لە بازاڕەكان كەم بۆتەوەو نرخەكەشی‮ ‬گران بووە ئومێدەوارم حكومەتی‮ ‬هەرێم چارەسەری‮ ‬ئەو گران بوونە بكات‮. ‬مام شاكری‮ ‬هێلكە فرۆشیش گوتی‮: ‬ئێمە هێلكە بە كۆدەكڕین و چەندین دەكاندار دێنە لای‮ ‬ئێمە بۆ هێلكە كڕین و لە ئێستادا حكومەتی‮ ‬عێراق وای‮ ‬كردووە كە نرخی‮ ‬هێلكە لەبازاڕدا گران بێت،‮ ‬خەریكە لەلایەن حكوتی‮ ‬هەرێم ئەو كێشەیە چارەسەر دەكرێت و بەدوا داچوونی‮ ‬بۆ دەكرێت‮.‬

‮ ‬بەكری‮ ‬هێلكە فرۆشیش لە بازاڕی‮ ‬شێخەڵڵا گوتی‮: ‬گرانبوونی‮ ‬نرخی‮ ‬هێلكە بە هۆی‮ ‬بڕیارێكی‮ ‬حكومەتی‮ ‬عێراقەوەیەو هاوردەكردنی‮ ‬لە دەروارزە سنوریەكان قەدەغەكراوە بۆیە نرخەكەی‮ ‬گران بووە‮.‬

بەهۆی‮ ‬قەدەغەكردنی‮ ‬هاوردەكردنەوە نرخی‮ ‬هێلكە گران بووە
دیارە بەهۆی‮ ‬بڕیارێكی‮ ‬حكومەتی‮ ‬عێراق كە هەرێمی‮ ‬كوردستانیش دەگرێتەوە و پابەندە پێیەوە،‮ ‬بۆیە نرخی‮ ‬هێلكە لە بازاڕەكان گران بووە و پاساوی‮ ‬ئەوەش بۆ ئەوە دەگەڕێننەوە،‮ ‬كە بەرهەمی‮ ‬ناوخۆیی‮ ‬بەشی‮ ‬پێداویستی‮ ‬هاووڵاتیان دەكات ودوای‮ ‬ئەو بڕیارە نرخەكەی‮ ‬بەرزبۆوە‮.‬

دەربارەی‮ ‬ئەو بابەتە جەمال ئاكرەیی‮ ‬بەڕێوەبەری‮ ‬كەرەنتینەی‮ ‬ڤێتەرنەری‮ ‬گوتی‮: ‬لە كوردستان‮ ‬10 پڕۆژەی‮ ‬بەرهەمهێنانی‮ ‬هێلكە هەیەو‮ ‬یەكیان لەشاری‮ ‬دهۆكەو ئەوانی‮ ‬دیكەیش لەشاری‮ ‬هەولێرەو ساڵانە نزیكەی‮ ‬یەك ملیارو‮ ‬200 ملیۆن هێلكە بەرهەم دەهێنرێتو لە95% هێلكەی‮ ‬بەرهەم هاتوو‮ ‬ڕەوانەی‮ ‬ناوەڕاست و خوارووی‮ ‬عێراق دەكرێت و هێلكەش لە بازاڕەكانی‮ ‬كوردستان كەمیان كردووەو نرخەكەشی‮ ‬گران بووە‮. ‬دواتر ئاماژەی‮ ‬بەوەداو گوتی‮: ‬بڕیاری‮ ‬قەدەغەكردنی‮ ‬هاوردەكردنی‮ ‬هێلكە لە وڵاتانی‮ ‬توركیاو ئێران بە بڕیاری‮ ‬بەغدایە و هەرێمی‮ ‬كوردستانیش پابەندە بەو بڕیارەوە،‮ ‬هەر بۆیە نرخەكەشی‮ ‬لەبازاڕەكاندا گران بووە ئەگەرچی‮ ‬جاران نرخی‮ ‬یەك تەبەقە هێلكە لە بازاڕ‮ ‬بە سێ هەزار دیناربووەو لە ئێستادا بۆتە سەرووی‮ ‬پێنج هەزار دینارو ئاماژەی‮ ‬بەوەشداو گوتی‮: ‬لە‮ ‬11 پڕۆژەی‮ ‬پەلەوەری‮ ‬بەرهەم هێنانی‮ ‬هێلكە ئێستا پێنج پڕۆژەیان بەرهەمیان هەیەو چاوەڕوان دەكرێت پڕۆژەكانی‮ ‬دیكە بكەنەوە كاركردن‮.‬

وەزارەتی‮ ‬كشتوكاڵ سێ بڕیاری‮ ‬دەربارەی‮ ‬هێلكە دەركرد
‮ ‬وەزیری‮ ‬كشتوكاڵ و سەرچاوەكانی‮ ‬ئاو بە وەكالەت‮ ‬ڕوونیكردەوە‮: ‬سێ بڕیار دەربارەی‮ ‬هێلكە دەركران بۆ‮ ‬ڕێكخستنی‮ ‬بازاڕو نرخی‮ ‬هێلكە،‮ ‬بۆیە وەزارەتی‮ ‬كشتوكاڵ پێویستە بایەخی‮ ‬زیاتر بەو بابەتە بدات و‮ ‬یەكەم بڕیاریش دەربارەی‮ ‬ڕێكخستنی‮ ‬بازاڕو نرخی‮ ‬هێلكە هاتووەو كۆبوونەوەیەك لە نێوان بەڕێوەبەرایەتی‮ ‬گشتی‮ ‬پلاندانان و بەدواداچوون و بەڕێوەبەرایەتی‮ ‬گشتی‮ ‬سامانی‮ ‬ئاژەڵ و ڤێتەرنەری‮ ‬بە ئامادەبوونی‮ ‬بەڕێوەبەرایەنی‮ ‬سامانی‮ ‬ئاژەڵ لە شارەكان و خاوەنی‮ ‬كێلگەكان بۆ تاوتووكردنی‮ ‬بابەتی‮ ‬بەرهەمی‮ ‬هێلكە و‮ ‬ڕێكخستنی‮ ‬بازاڕو دابینكردنی‮ ‬پێداویستی‮ ‬خاوەن كێڵگەكان و دیاریكردنی‮ ‬نرخی‮ ‬هێلكەو بڕیاری‮ ‬دووەمیش بریتیە لە پێكهێنانی‮ ‬لیژنەیەكی‮ ‬تایبەت لە بەڕێوەبەرایەتی‮ ‬گشتی‮ ‬سامانی‮ ‬ئاژەڵ و ڤێتەرنەری‮ ‬بە ئامانجی‮ ‬سەردانی‮ ‬كردنی‮ ‬وەزارەتی‮ ‬كشتوكاڵی‮ ‬عێراق بۆ‮ ‬ڕێكخستنی‮ ‬ڕێنماییەكانی‮ ‬هاوردەكردنی‮ ‬هێلكەو لەبەرچاوگرتنی‮ ‬پاراستن و پەرەپێدانی‮ ‬بەرهەمی‮ ‬ناوخۆو بڕیاری‮ ‬سێیەمیش بڕیاریش هاتووە كە وەزارەتی‮ ‬ناوخۆو لایەنی‮ ‬پەیوەندیدار ئاگادار بكرێتەوە تا خاڵە سنوریەكان توند بكەن و‮ ‬ڕێگری‮ ‬لە هاوردەكردنی‮ ‬هێلكە بگرن لە‮ ‬ڕێگەی‮ ‬نایاسایی‮ ‬بۆئەوەی‮ ‬مەترسی‮ ‬لەسەر تەندروستی‮ ‬هاووڵاتیان دروست نەكات‮. ‬