سەباح بەیتولڵا
دوو ساڵ بسەر ئەنجام‮ ‬دانا‮ ‬پرسا ریفراندۆمێ و سەركەفتنا وێ دەرباز بوون‮ ‬،‮ ‬كو‮ ‬یا خویا و ئاشكرایە مەزنترین دەسكەفتا گەلێ كوردستانێ‮ ‬یە ل سەد سالێت بوری‮ ‬دا و ب هەمی‮ ‬تەخ و توێژێن خوڤە‮ ‬،‮ ‬بەلێ ریفراندۆم سەركەفت و ریفراندۆم ئەركەكێ ئەخلاقی‮ ‬و نەتەوی‮ ‬و نیشتیمانی‮ ‬و ئایینی‮ ‬بوو‮ ‬و بۆ هندێ چێ دی‮ ‬كارەسات و ئەنفال و كیمیاباران و جینوساید و دەر ب دەری‮ ‬و ئاوارەیی‮ ‬ب سەر مەدا نەهێنەڤە‮ ‬،‮ ‬دیسان رزگاریا نەتەوەیەكێ‮ ‬یە لبن دەستێ زولم و زوریێ و ستەمكاریێ‮ ‬،‮ ‬بۆ جارا ئێكێ‮ ‬یە د دیرۆكێ دا سنورێ تە بێتە دیاركرن و وەلاتێ تە دكەڤیتە سەر نەخشەیێ جیهانێ‮ ‬،‮ ‬وچێ دیكە مزگەفت و دێر و پەرستگەه نەهێنە كاڤلكرن و وێرانكرن و پەرتوكێت پیرۆز تێدا‮ ‬نەهێتە سووتاندن و هەمی‮ ‬ئایێن ژی‮ ‬د ئازاد بن‮ . ‬ریفراندۆم دەنگێ مەزلومیەتا مللەتەكێ بوو‮ ‬و دەنگێ‮ (‬100‮)‬سالێت خەبات و تێكوشین و بەرخودان و قوربانیدان و فیداكاریێ بوو‮ ‬،‮ ‬دهەمان دەم دا بەرسڤەك بوو بۆ رێكەفتنا سایكس ژ بیكو بوو‮ ‬،‮ ‬دەنگێ هەوار و ناڵە ناڵا كەس وكارێت شەهیدێن سەربلند بوو‮ ‬،‮ ‬چ وەڵاتەك‮ ‬یێ ئازاد نیە‮ ‬،‮ ‬ئەگەر خەلكێ وێ‮ ‬یێ ئازاد نەبیت‮ ‬،‮ ‬گەلەك جوانە مرۆڤ بۆ وەڵاتێ خو بمریت‮ ‬،‮ ‬بەلێ‮ ‬یا ژ وێ جوانتر وهەژی‮ ‬تر ئەوە تۆ ب ئازادی‮ ‬لسەر بژی‮ ‬،‮ ‬ئەگەر مرۆڤی‮ ‬كەرامەتا خۆ ل دەست دا چ نامینیت كو ل دەست بدەت‮ .‬ لەوا مرۆڤ خەبات و شورش و سەرهلدانێ دكەت تاكو لسەر ئاخا خۆ ب سەربەستی‮ ‬و كەرامەت و ب سەربلندی‮ ‬و ب سەرفیرازی‮ ‬بژیت‮ . ‬بێگومان بۆ بدەستڤە ئینانا سەربەستیێ و سەرخوبۆنێ مللەت پێدڤی‮ ‬ب رێبەر و سەركردێت قەهرەمان و شارەزا و بوێر هەیە و پێنگاڤا ئێكێ بەرەڤ قەهرەمانیێ هزر نەكرنە ب مرنێ چونكە مرن ل پێناڤ ڤی‮ ‬ئارمانجێ ئەو ژی‮ ‬ژیانە‮ .‬ ‮ ‬جوانیا سەرخوبونێ خەملاندنا وێ‮ ‬یە ب خوێنێ و خوراگریێ و ئێك كاتژمێرا ئازادیێ بەرامبەر ب سەد سالێت‮ ‬بن دەستیێ‮ ‬یە‮ . ‬سەركردەیێ قەهرەمان ژی‮ ‬ئەوە ل رۆژێت‮ ‬دژوار و بەرتەنگ دا سەرێ خۆ بلند‮ ‬ڕاكەت‮ ‬،‮ ‬لەوا بۆ ریفراندۆمێ مە باش دزانی‮ ‬پێدڤی‮ ‬ب دوو كەرەستا هەبوو‮ :‬ 1‮-‬‮ ‬رێبەر وسەركردەیەكێ بهێز‮ ‬ 2‮- ‬مللەتەكێ خۆڕاگر‮ ‬ ‮ ‬لێ ئەڤ هەردوو كەرەستەیێن مە ئاماژە پێكری‮ ‬مللەتێ‮ ‬هەبوون‮ ‬،‮ ‬سەرۆك مەسعود بارزانی‮ ‬سەركێشیا‮ ‬ریفراندۆمێ كر و سەرێ خۆ بلند و بلند‮ ‬ڕاكر و گازیا مەزلومیەتا مللەتەكێ‮ ‬هەژارو بەلنگاز گەهاند و بوو دەسكەفتەكا دیروكیا مەزن و بوو‮ ‬سەنەدەكا‮ ‬فەرمی‮ ‬و بناغێ‮ ‬دەولەتا كوردستانێ‮ ‬دانا و جەنابێ سەرۆك بارزانی‮ ‬بۆ ئەندازیارێ ئاڤاكرنا دەولەتا كوردستانێ‮ .‬ بەلێ جەنابێ سەرۆك بارزانی‮ ‬هژیانەكا مەزن ل رۆژ هەلاتا ناڤین دروست كر و ئەو چەند خویا كر كۆ رێبازا بارزانی‮ ‬نە تەسلیم بوون‮ ‬و نە هەرفین تێدا نیە و بۆ رزگاریا گەلێ خۆ قوربانی‮ ‬چەندا گران بیت دێ پێشكێش كەتن كۆ ئەڤە ژی‮ ‬ل فەرهەنگا‮ ‬پارتی‮ ‬و رێبازا پیرۆزا‮ ‬بارزانی‮ ‬یا دیارو ئاشكرایە‮.‬ ‮ ‬رێبەرێ كاریزما‮ ‬،‮ ‬رێبەرایەتیێ دكەتن‮ ‬بێكو كەس نەچار بكەت‮ ‬،‮ ‬رێبەرێ كاریزما مەدح و سەنا و سوپاس و پێزانین‮ ‬بۆ خۆ نەڤێت بەلكی‮ ‬مللەتێ خۆ لڤێ چەندێ دكەتە‮ ‬هەڤالبەند و بۆ وی‮ ‬حساب دكەتن‮ ‬،‮ ‬رێبەرێ كاریزما پتر كۆ حوكمرانیێ بكەت رێبەرایەتیێ دكەت‮ ‬و ژلایێ خەلكیڤە هیڤی‮ ‬و ئومێدە و هەمی‮ ‬ژیانا خۆ تەرخان دكەتن بۆ خزمەتا مللەتێ خۆ و دۆزا رەوایا وی‮ .‬دیسان رێبەرێ كاریزما ل تەكتیكێ‮ ‬یێ نەرم و سەرخۆیە و ل ستراتیژیەتێ‮ ‬موكم و خۆڕاگر و فیداكار‮ .‬ ‮ ‬لێ ریفراندۆمێ ئەڤ رێبەرێ كارێزما هەبوو لەوا مەزنترین سەركەفتن ل دیرۆكا‮ (‬100‮)‬سەد سالێت مللەتێ كورد بدەستڤە ئینا و‮ (‬93%‮)‬خەلكێ دلسوز هەلگرێ هەستا نەتەوی‮ ‬ونیشتیمانپەروەر و وەلاتپارێز گوتێ‮ : ‬بەلێ بۆ سەرخۆبۆنێ‮ ‬،‮ ‬بەلێ بۆ ئاڤاكرنا دەولەتا كوردستانێ‮ ‬،‮ ‬ئەو رێبەرێ كاریزما هێژا سەرۆك مەسعود بارزانی‮ ‬بوو‮ .‬ ‮ ‬لەوا ئەو نەفام و نەحەز و نەیار و دوژمن و داگیركەر و خوفرۆش كۆ دبێژن ریفراندۆم شكەست‮ .. ‬هزار جارا دبێژینێ نەخێر و نەخێر ریفراندۆم گەلەك ب باشی‮ ‬سەركەفت و مەزنترین دەسكەفتێ گەلێ كوردستانێ بوو‮ ‬وفەرە ژی‮ ‬هەر كوردەكێ دلسوز وهاولاتیەكێ كوردستانی‮ ‬شانازیێ بڤی‮ ‬دەسكەفتێ مەزن بكەن‮ .‬ ‮ ‬لەوا حەتا دونیا هەیە‮ ‬دێ شانازیێ ب سەرۆك مەسعود بارزانی‮ ‬كەت‮ ‬كو ئیرادا مللەتێ خۆ بسەر ئێخست و بۆ جارا ئێكێ ل دیروكا گەلێ كوردستانێ و سەرەرای‮ ‬گەف وگورێن دوژمن و نەحەزو داگیركەرێن كوردستانێ‮ ‬،‮ ‬ریفراندۆم هاتە كرن و حساب بۆ دوژمن و داگیركەرا نەكر‮ .. ‬بەلێ ریفراندۆم بەرسڤەك بوو بۆ وان دوژمن و نەحەزا كو مەبەستا وان ژناڤبرنا گەلێ كوردستانێ بوو و بەرسڤەك بوو بۆ هەمی‮ ‬دونیایێ‮ ‬كو مللەتێ كورد‮ ‬بۆ حەتا حەتا‮ ‬زولم وستەم لێكرنێ‮ ‬قەبیل ناكەت‮ ‬ومافێ وی‮ ‬یە ژی‮ ‬وەكو هەمی‮ ‬گەلێت دونیایێ ب سەربەستی‮ ‬لسەر ئاخا خۆ بژیت و ل هیچ گەلەكێ ڤێ دونیایێ ژی‮ ‬كێمتر نیە‮.‬ ‮ ‬لەورا ب شانازیڤە دبێژین‮ ‬ئەڤرۆ جەنابێ سەرۆك بارزانی‮ ‬ب مەرجەعێ نەتەوا كوردە‮ ‬و هەر چوار پارچێت كوردستانێ شانازیێ پێ دكەن‮ .. ‬ولەوا ب جورئەتڤە دبێژین ریفراندۆم تاجا سەرێ هەمی‮ ‬سەركەفتنایە‮….‬