دلۆڤان حەسەن
گوتارا نێچیرڤان بارزانی‮ ‬یا كو ل دەمێ رێوەرەسمێن سویندخارنا وی‮ ‬وەك سەرۆكێ هەرێمێ هاتییە پێشكێش كرن،‮ ‬ژبلی‮ ‬كو گوتارەكا بهێز،تێر و تژی‮ ‬و فرە بابەت بوو‮. ‬چەندین بنەمایێن جێگیر و پەیامێن راستەوخۆ و نە راستەوخۆ هاتنە ئاراستەكرن بۆ هەر ئێك ژ‮ “‬لایەنێن كوردستانی‮ ‬یێن هەرێمێ،پارت ولایەنێن عیراقی،‮ ‬وەڵاتێن هەڤسنۆر و وەڵاتێن رۆژئاڤا‮…”.‬ئەگەر ب دیتنا خوە‮ ‬یا كێم بینینڤە ژی‮ ‬چەندەكێ باس ل وان پەیامێن هویربینیكری‮ ‬بكەین،‮ ‬گرنگە باس ل ڤان خالێن ل خوارێ بكەین‮…‬
نێچیرڤان بارزانی‮ ‬د گوتارا خوەدا گۆت‮ “‬دێ سەرۆكاتییا هەرێمێ كەینە چەترا ئێكڕێزیێ‮”.‬هەلبەت ئەڤ ئێكە ژ جەنابێ وی‮ ‬دهێتە پێشبینیكرن.چونكی‮ ‬ل دەما د پۆستی‮ ‬سەرۆك وەزیران ژی‮ ‬دا هیچ جارەكێ خوە وەسا نیشا نەدایە كو مۆلكێ پارتی‮ ‬بتنێ بیت،‮ ‬بەلكو ب كارو كریارێن خوە و سەرەدەریكرنا خوەڤە هەمی‮ ‬دەمان وەك مۆلكێ هەمی‮ ‬كوردستانێ هاتییە دیتن،‮ ‬هەمی‮ ‬دەمان رێیێن ئاسێ ل پێشییا لایەنێن كوردی‮ ‬خۆشكرینە،‮ ‬گرێیێن ئالۆز ب ساناهی‮ ‬ڤەكرینە.هەر ئەڤە بوویە ئەگەر كو چەوان پارتی‮ ‬ب هەلبژاردنا وی‮ ‬وەك سەرۆك دلشاد ببن وەسان لایەنێن دیژی‮ ‬ئەڤێن ب ویژدان ل داهاتی‮ ‬دنێڕن ئەو ژی‮ ‬ب سەرۆكبوونا نێچیرڤان بارزانی‮ ‬دلشاد ببن‮.‬
ل جهەكی‮ ‬سەرۆك دبێژیت‮ “‬هیچ ئەلتەرناتیفەك بۆ دەستووری‮ ‬نییە‮” ‬یا دیارە ل ڤێرە باس ل وی‮ ‬دەستوورێ عیراقێ دكەت‮ ‬یێ كو ل پشتی‮ ‬ژناڤبرنا رژێما بەعس ب رێككەفتن و رازیبوونا هەرسێ جەمسەرێن سەرەكی‮ ‬یێن عیراقێ”كورد،شیعە و سوننەیان”هاتییە دانان‮. ‬لێ عەقلێ شۆفینی‮ ‬یێ عەرەبێن عیراقێ هیچ جارەكێ قەبۆل نەكریە پێگریێ ب دەستووری‮ ‬بكەن،بەلكو بتنێ تەكەز ل وان مادە و برگەیان كریە‮ ‬یێن د بەرژەوەندا وان دا و هەر جارا بابەت هاتبیتە سەر كەركۆك و تەڤایا ناڤچەیێن كوردستانی‮ ‬یێن دەرڤەی‮ ‬ئیدارەیا هەرێمێ،‮ ‬یان ئەو مادەیێن باس ل هێزێن پێشمەرگەی‮ ‬و بەرژەوەندا گشتگیر بۆ تەڤایا خەلكێ ل عیراقێ دژیت دكەن،هاتینە پشتگوه هاڤێتن و هەر جارێ و ب بەهانەیەكێ دەم هاتییە كوشتن‮. ‬لەوما هەر ئەڤ نەپێگریكرنا ب دەستووری‮ ‬بوویە ئەگەر ڤالاهیێن مەزن دروست ببن و رێك بۆ داعش و رێكخراوێن تیرۆری‮ ‬یێن مینا داعش ڤەببن،‮ ‬و هەتا باوەری‮ ‬د ناڤبەرا لایەنێن عیراقی‮ ‬ژی‮ ‬دا نەمینیت و هەردەم ئالۆزی‮ ‬دروست ببن‮. ‬لەوما سەرۆكی‮ ‬تەكەز ل سەر دەستووری‮ ‬كر دا راستە راست ب دەستهەڵاتدارێن عیراقێڕا رابگەهینیت،‮ ‬ئەگەر هوون بەرژەوەندا عیراقێ و عیراقییان دخازن بێی‮ ‬پێگیربوون ب دەستووری‮ ‬هیچ جارەكێ‮ ‬یا وە دڤێت ناهێتە دی‮.‬چارەسەری‮ ‬بتنێ پێگیریبوون و كارپێكرنەكا گشتگیرە ب دەستووری‮.‬
دیسان سەرۆكێ نوی‮ ‬د جهەكێ گوتارا خوەدا گۆت‮:”‬مەزنترین دەستكەفت دیمۆكراسی‮ ‬یە‮”‬
هەلبەت هەلبژاردن،ئازادییا رادەربرینێ،سەروەریا دۆزگەری،پێكڤەژیان و دەستەبەركرنا مافێن هەمی‮ ‬ئۆل و نەتەوە و كێمە نەتەوەیان ل كوردستانێ تا رادەیەكێ زۆر دیمۆكراسی‮ ‬ل ڤێ هەرێمێ بەرقەراربوویە،‮ ‬یا بێی‮ ‬گۆمانە ئەڤه هەموو بێی‮ ‬بزاڤێن حكوومەتا هەرێمێ ب سازی‮ ‬و خەلكێ هەرێمێ نەبوویە‮. ‬لەوما بۆ باشتركرن و پێشڤەبرنا ئەڤ دیمۆكراسییا هەیی‮ ‬و نەهێلانا وان خالان‮ ‬یێن كو دبنە خالێن رەش ل سەر سپییاتییا هەرێمێ پێدڤی‮ ‬ب سەرۆكەكێ كارێزما و لێزانن.هەر د گوتارا خوەدا ب سوپاسیكرنا وان لایەنێن بەشداری‮ ‬د دەنگدانا ویدا نەكرین وەك سەرۆك ئەڤە ب خوە حەزكرن،كاركرن و نیازپاكییا سەرۆكی‮ ‬بۆ دیمۆكراسیێ خویا دكەت‮.‬
هەڤوەڵاتیێن هەرێمێ باوەریەك مەزن ب چار ساڵێن داهاتی‮ ‬هەیە و ب دیتنا مە ئەگەر لایەنێن كوردی‮ ‬بەرپێكان نەدەنە كابینەیا مەسرۆر بارزانی‮ ‬و ئالۆزیا بۆ كارێن سەرۆكێ داهاتی‮ ‬ژی‮ ‬دروست نەكەن،‮ ‬دیسان ئەگەر چ پێشهاتێن نەخواستی‮ ‬و نەچاڤەڕێكری‮ ‬نەهێنە پێش چار ساڵێن داهاتی‮ ‬دێ چارساڵێن خۆشگۆزەرانی،ئارامی‮ ‬و پێشكەفتنەكا باشتر بن بۆ هەرێما كوڕدستانێ‮.‬