ئاشتی‮ ‬فەتحی‮ ‬بێسفكی
ناكوكی‮ ‬ئەو بارودوخە‮ ‬یێ نە ئارام‮ ‬یان فشارا دەروونی‮ ‬ئەوا دروست دبیت ژ ئەگەرێ نە رێك كەفتنێ دناڤبەرا دوو لایەنان‮ ‬یان ژی‮ ‬زێدەتر،‮ ‬ژبەر پێدڤیێن تاكە كەسی‮ ‬و گروپ و پارتان،‮ ‬ناكوكی‮ ‬دهێتە هژمارتن ئێك ژ ئەوان دیاردەیان‮ ‬یێن كو ل دەمێن كەڤنار دا ل دەڤ تاكە كەسان هەبوویە و‮ ‬یا بەردەوامە لسەر دەستهەلاتێ‮ ‬یان ژی‮ ‬هەر كارەكێ ئارمانجان وان دناڤ دا هەبیت‮ ‬،‮ ‬ناكوكیا سیاسی‮ ‬هەڤركیەكا تایبەتە دناڤبەرا مروڤان دا بو ب دەستڤەئینانا دەستهەلاتێ‮ ‬یان وەرگرتنا هندەك پاداشتان‮ ‬،‮ ‬ئەو لایەنێن ئەڤێ هەڤركیێ دكەن خواندنەكا دوور بو دكەن‮ ‬،‮ ‬ئەگەر بو وان دیار بوو كو ل پاشەروژێ دێ رویدان هێنە پێش نەچار دبیت بەرەڤ وەرگرتنا هەلویستان دچیت ب پێچەوانەی‮ ‬لایەنێ بەرامبەر،‮ ‬قەبارێ ئەڤێ هەڤركیێ‮ ‬یێ گرێدایە ب قەبارێ ئەوێ ئارمانجێ ڤە‮ ‬،‮ ‬ئارمانج چەند مەزنتربیت هەڤركی‮ ‬دێ رژد و دژوارتر بیت‮ ‬،‮ ‬هندەك سیستەمێن سیاسی‮ ‬شیان هەنە خو لبەر ئەڤان هەڤركیان بگرن و هندەك سیستەم نەشێن خو لبەر بگرن لەورا بەرەڤ لاواز بون و نەمانێ ڤە دچن‮ ‬،‮ ‬پێكڤە گرێدانەكا موكم دناڤبەرا هەڤركیێن ئابووری‮ ‬و سیاسی‮ ‬و رەوشەنبیری‮ ‬هەیە لەورا جڤاك هەمی‮ ‬ب ئەڤان هەڤركیا ڤە‮ ‬یێ گرێدایە‮. ‬پشتی‮ ‬كو هەلبژارتنێن پەرلەمانێ هەرێما كوردستانێ هاتینە ئەنجام دان ل‮ ‬30 ‮ ‬ئەیلولا سالا‮ ‬2018 و پاش راگەهاندنا ئەنجامان‮ ‬،‮ ‬هندەك لایەنێن سیاسی‮ ‬دپێكولا ئەوێ چەندێ دابون كو زێدەتر ژ پێگەه و دەنگێن خو پلە و پوستەیێن زێدەتر ب دەست ڤە بینن،‮ ‬سەرەرای‮ ‬هندێ كو ئەو پارت خوە ب دیموكراسی‮ ‬ژی‮ ‬بناڤ ددانن‮! ‬لڤێرێ هەڤركیا سیاسی‮ ‬دناڤبەرا دوو پارتێن سەرەكی‮ ‬یێن هەرێما كوردستانێ روویدا كو پارتی‮ ‬دیموكراتی‮ ‬كوردستان و ئێكەتیا نیشتیمانی‮ ‬یا كوردستانی‮ ‬نە‮ ‬،‮ ‬سەرەرای‮ ‬چەندین دان و ستاندێن ئاشتیانە و دبلوماسی‮ ‬یێن بەردەوامێن پارتی‮ ‬دیموكراتی‮ ‬كوردستان و ئیمزاكرنا رێكەفتنامێن دوو قولی‮ ‬دناڤبەرا پارتێن سیاسی‮ ‬دا ژ پێخەمەت زوی‮ ‬ب دەست ب كاركرنا كابینەی‮ ‬نوی‮ ‬یا حكومەتا هەرێما كوردستانێ‮ ‬،‮ ‬لێ دەما پارتەك‮ ‬یان لایەنەك هەست ب كێم بونا پێگەهێ خو دكەت ئێدی‮ ‬دەست ب وەرگرتنا هندەك رەفتارێن نە رەوا دكەت و هەڤركیا سیاسی‮ ‬لسەر دەستڤەئینانا هندەك ئارمانجێن پارتایەتی‮ ‬یێن دوور ژ نەتەوەی‮ ‬و نیشتیمانی‮ ‬دكەت‮ ‬،‮ ‬ئێكەتیا نیشتیمانی‮ ‬یا كوردستانی‮ ‬كار ژ بو گیروكرنا پروسەیا سیاسی‮ ‬یا نوی‮ ‬ل هەرێما كوردستانێ كر‮ ‬،‮ ‬سەرەرای‮ ‬پێشێلكرنا وان رێكەفتنامێن دناڤبەرا پارتی‮ ‬دیموكراتی‮ ‬كوردستان و ئێكەتیا نیشتیمانی‮ ‬یا كوردستانی‮ ‬،‮ ‬پشتی‮ ‬كومبونا پەرلەمانێ كوردستانێ ل رێكەفتی‮ ‬28 گولانا سالا‮ ‬2019 ‮ ‬لدور هەلبژارتنا سەروكێ نوی‮ ‬یێ هەرێما كوردستانێ‮ ‬،‮ ‬سەرەرای‮ ‬هندێ كو هندەك لایەنێن سیاسی‮ ‬هەڤركیێن سیاسی‮ ‬ب پەكخستنا هەلبژارتنا سەروكێ نوی‮ ‬یێ هەرێما كوردستانێ‮ ‬ڤە گرێدان‮ ‬،‮ ‬زێدەباری‮ ‬لاوازیا رولێ وان‮ ‬،‮ ‬پەرلەمانێ هەرێما كوردستانێ شیان ب زوریەنەیا دەنگان دووەمین سەروكێ هەرێما كوردستانێ‮ (‬نێچیرڤان بارزانی‮) ‬ب هەلبژێرن‮ ‬،‮ ‬ل رێكەفتی‮ ‬11 خزیرانا سالا‮ ‬2019 ‮ ‬ل رێورەسمێن سویند خارنا سەروكێ نوی‮ ‬یێ هەرێما كوردستانێ‮ (‬نێچیرڤان بارزانی‮) ‬كو ئەڤ رێورەسمە ژ كومبونەكا هەرە مەزنا دبلوماسی‮ ‬یا دەڤەرا روژهەلاتا ناڤەراست دهێتە هژمارتن كو ب ئامادەبوونا ژمارەكا ئێكجارا مەزن ژ نوینەرێن وەلات و پارت و لایەنێن سیاسی‮ ‬یێن هەمەجور هاتە برێڤەبرن‮ ‬،‮ ‬د گوتارا سەروكێ نوی‮ ‬هەرێما كوردستانێ دا ئاماژە ب خالەكا گەلەك گرنگ دا ئەو ژی‮ ‬دا دیاركرن كو هەڤركیێن سیاسی‮ ‬دێ هەر هەبن و تشتەكێ ئاسایی‮ ‬یە لێ بلا هزركرنا مە ناكوك نەبیت‮ ‬،‮ ‬دیسان ئاماژە دا كو ل شوینا ئەم كار لسەر بنپێكرنا پێگەهێن ئێك دوو بكەین بلا كار لسەر بنیاتەكێ نوی‮ ‬بكەین بو ڤەدیتنا چارەسەریێن هەڤپشك بو ئایندەكێ گەش ژ بو هەرێما كوردستانێ‮ ‬،‮ ‬لڤێرێ بومە دیار دبیت كو كارێ داهاتیێ سەروكێ هەرێما كوردستانێ دێ گرنگیەكا مەزن ب كێمكرنا هەڤركیێن سیاسی‮ ‬لسەر ئاستێ هەرێما كوردستانێ كەتن‮ ‬،‮ ‬و بزاڤا ئێك رێز كرنەكا سەرتاسەری‮ ‬كەت لسەر ئاستێ پارتێن سیاسی‮ ‬یێن هەرێما كوردستانێ ژ پێخەمەت دەستڤەئینانا هیڤیێن مەزن‮ ‬یێن نیشیتیمانی‮ ‬و دویر ژ بەرژەوەندیێن بەرتەنگێن پارتایەتی‮.‬