دیندار مستەفا
پشتی كو پەرلەمانێ كوردستانێ ب زۆرینەیا دەنگان رێزدار نێچیرڤان بارزانی هەلبژارتی بۆ پوستێ سەرۆكاتیا هەرێما كوردستانێ. 10/6/2019 رێزدار نێچیرڤان بارزانی د رێورەسمەكا هەرێمی و نێڤدەولەتیدا، وەكو دووەم سەرۆكێ هەرێما كوردستانێ سویندا یاسا خواند. كو د ئەڤێ مەراسیمێ دا زێدەتری 1200 كەسایەتیێن سیاسیێن بهێز و ناڤدار و كاریگەر ل سەر ئاستێ ناڤخویێ و دەرەڤە پشكداربوون.
دكارین بێژین ئەڤ مەراسیمە ئێكەم مەراسیما دیرۆكی بوو. كو بڤێ ئاوایی برێڤە چووی ل سەر ئاستێ هەرێما كوردستانێ و عێراقێ و رۆژهەلاتا ناڤین بگشتی. بڤێ چەندێ ژی نێچیرڤان بارزانێ وەكو سەرۆكێ نویێ هەرێما كوردستانێ هەر د ئێكەم رۆژا دەركەفتنا خودا وەكو سەرۆكێ هەرێمێ ئەو گوتنا خو یا بەری مەراسیما سویند خوارنێ بجهئینا. دەما گوتی: “دێ پوستێ سەرۆكاتیا هەرێمێ كەمە چەترەك بۆ كومكرنا هەمی ئالیێن كوردستانێ “.
ئەوی دئەڤێ رۆژێدا هەمی ئالیێن سیاسی و حزبی و جڤاكی و میری و لایەنیێن دیترێن ل هەرێما كوردستانێ و عێراقێ ل بن چەترا سەرۆكاتیا هەرێمێ كومكرن بێ جوداهی. ئەڤەژی بەلگەیەكێ راست هەلگرە بۆ سەلماندنا ئەزمونداری و بهێزیا كەسایەتیا وی دوارێ برێڤەبرنا پوستێن هەستیار و گرنگێن جەنابێ وی وەرگرتین دهەیامابوری و دنهادا. ژلایەكێ دیترڤە رێزدار نێچیرڤان بارزانێ دگوتارا خودا ئاماژە ب هند خالێن گرنگ دا كو بدیدا مە ئەگەر هەمێ ئالیێن پشكدار نەپشكدار دئەڤێ مەراسیمێدا ب جدی تێهزرینا خۆ د گوتارا ناڤبریدا بكەن.
دێ دماوێ چوار سالێن بهێدا هەم هەرێما كوردستانێ و هەمژی بەغدا و هەمژی وەلاتێن هەڤسی د ئەوپەری ئارامیا سیاسی و جڤاكی و ئابوری و بازرگانیدا دەربازبن. دیر ژ هەر گرفتاریەكێ كو ببیتە ئاستەنگ دكاروانێ بەرجەستەبوون و جێ بەجێكرنا بنەمایێن دیموكراسییا مودێرندا، ئەوا ئەڤرۆكە د گورەپانا سیاسی دا ل سەر ئاستێ نێڤدەلەتی دا كار بۆ دهێتەكرن.
دیسان د گوتارا ناڤبریدا ب نەراستەخو باس ل خالێن دیێن جودا جودا هاتكرن بتایبەت خالێن ناكوك ئەوێن گریدایی بەغدا و هەولێر و فەدیتنا چارەسەریەكا بنەجه كو ببیتە ئەگەرێ لهەڤهاتنا هەردوو ئالیان لسەر مەلفێن نەفتێ و خالێن سنوری و پاراستنا سەروەریا یاسایێ، بجئینانا مادێ 140. هەروەسا خوجهكرنا پشكا هەرێما كوردستانێ د مێزانیا عێراقێ دا.
برێكا دەستورێ هەمیشەییێ عێراقا فیدرال. بڤێ چەندێ ژی سەرۆكێ هەرێمێ دێ شێت رولەكێ كاریگەر بینت دڤان بابەتاندا ژبەركو ناڤبری ناڤدارە د ئەڤی بواریدا. مەدیت كا چەوا پشتی بویەرێن 16 ئكتوبەرێ پەیوەندی دگەل بەغدایێ و جیهانا دەرڤە گرێدان.
جاردن سەنگ و بهایێ هەرێما كوردستانێ زفراندەڤە بۆ بەرییا ئەڤان رویدانان. ب لێزانی و دبلوماسیەتا خو یا بهێز ل ناڤخو و دەرڤە. دیسان سەرۆكێ هەرێمێ باس ل پشتەڤانیا خۆ كر بۆ كابینەیا داهاتێ كو بدیدا مە ئەو دێ شێت پالپشت و چاڤدێر و سەرپەرشتەكێ چالاك بیت د ئەدایا كابینا داهاتی بۆ وێ چەندێ كو حكومەتەكا پر خزمەتگوزاری بیت د هەمی سێكتەرێن ژیانێ دا.
ئەڤە زێدەباری چەندین بابەتێن دن یێن گرنگێن وەكو: “یەكرێزیا نشتیمانی و پاراستنا دەستكەفتێن مللەتێ كورد و هەبونا دادپەروەریێ و پێكڤەژیانێ و ئاشتەواییا جڤاكی و خزەتكرنا تاكێ كورد بێ جوداهییا ئولی و جڤاكی و سیاسیو پارستانا ئارامیا كوردستانێ ئەوا ب سایێ سەرۆك و بارزانێ و پێشمەرگێن كوردستانێ هاتیە هەبوونێ…هتد.”
