خه‌بات: ئاشتی گەرمیانی
كەركووك شارێكی كۆن و شوێنەواری چەندین سەدەیە لەئەمرۆی هاوچەرخیدا و شارێكە خاوەن چەندین شوێنەواری دیالێكت و كەلتووری و فۆلكۆری جیاجیایە و شوێنەوارێكی جوان ماوەتەوە بۆ ئەم سەردەمە ، لەگەڵ ئەوەی كە زۆر لەو بابەتە فۆلكۆریانە فەوتاون و سڕاوەتەوە ، بێگومان ئەمەش كارو كاردانەوەی تایبەتی خۆی هەیە بۆ نمونە ، بەرپابوونی شەری وێران كاری و ناوخۆی و پەرە پێنەدان لەلایەن دەسەلاتە جیاجیاكانەوە بۆیە وای كردوە كە هیچ كەلتوورێك لە جێگای خۆی وەكو خۆی نەمێنێتەوە.
لایەكی تر ئەوەیە كە زۆر لە كەلتوورو فۆلكۆری شاری كەركووك بەدەستی نەیارەكانی دزراون وە بەر شالاوی تالانی كەوتووە ، ئیدی ئەمانە بوون بەو هۆیەی كە زۆر شتی كۆن و بەنرخ لە جێگای خۆی نەماوە ، ئەمەش نەك تەنها لە شاری كەركووك بەڵكو لەهەموو جیهاندا كە وولاتێك شەرو وێران كاری تیادا هەبێت ڕەنگ دانەوەی بەو شێوەیە دەبێت.
دیارەی دروست كردنی تەنوور شتێكی جوانە و سەرەتاییە من ئەم كارەم لە كیشوەری ئەوروپا تەنها لە گوندەكانی ئەلبانیا و بولغاریا و سربیا بینیوە چونكە ئەو وولاتانە بەهۆی هەژارییەوە لەچەند گوندو ناوچەیەك ئە دیاردەیە وەكو تەنوور یان كەرەستەی تریش وەكو خۆی ماوەتەوە ، لەكەركووكیش بەرێكەوتێك لە گەرەكی بەرتەكێ و شۆرجە نزیكی گەراجی سلێمانی و هەولێر ئەم وەستایەم بینی كە سەرقاڵی دروست كردنی تەنوورە و بە چەند قۆناغێك دروستی دەكات ، بۆ بژێوی خۆیان نەك وەكو رێز گرتن لە كەلتوری وولاتێك..؟
چونكە رۆشنبیریەت یەشتان نەگەیشتۆتە ئەو قۆناغەیی كە ئێمە وەكو خەڵك بە بێ بەرانبەر پارێزگاری لە دەست كەوتەكانی فۆلكلۆرو كەلتووری میللەتەكەمان بكەین ، و خەڵكیش سوود لەو پیشەیە وەر دەگرێت كە خەڵك ڕا هاتووە لە دروستكردنی نان بە دەستی خۆی ، واتە یەشتان كاتی ئەوەی هەیە كە نان دروست بكات ، بەلكام لە شارە هاوچەرخەكاندا مرۆ ئەو كاتەی نی یە بۆ دروست كردنی تەنوورو نان دروست كردن بەتەنوور ،، تەنها لە حاڵەتێكدایە ئەویش بۆ كار واتە پارە پەیدا كردن لەوانەیە دروستی بكەن واتە بۆ پارە پەیدا كردن ، نەك بۆ پاراستنی فۆلكۆری.
ئێمە لە وولاتی عێراق و لەهەرێمی كوردستان بەراستی شتێكمان نی یە كە پارێزگاری لە فۆلكلۆرو كەلتووری وولات بكات ئەگەر هەبێت كارتۆنی یە نەك ئەكتیڤی بۆ پاراستن و دەوڵەمەند كردنی و گێرانی ڤیستڤاڵ و كۆنگرەو كۆبونەوە و ناساندنی بە جیهان.
لەوانەشە ئەم كارە دروست كردنی تەنوور تەنها لەكەركووك نەبێت بەڵكو لە هەولیرو لە دیالە و لە بەغدا و كوت وبەسراش هەبێت .لە ئیران و ئەفغانستان وتا پاكستان هەبێت. بۆ خۆی كارێكی رۆژهەلاتی و جیهانی یە ، بەلام مانەوەی تا ئەم سەردەمە دیاردەیەكی جوانە و پێم وایە دەبێت پەرەی پێ بدرێت.
