راپۆرت‮: ‬سەنگەر حوسێن
دوای‮ ‬بەڕێوەچوونی‮ ‬مەراسیمی‮ ‬سوێندخواردنی‮ ‬نێچیرڤان بارزانی‮ ‬وەك سەرۆكی‮ ‬هەرێمی‮ ‬كوردستان،‮ ‬زۆربەی‮ ‬ئاژانسە جیهانییەكان رووماڵی‮ ‬مەراسیمەكەیان كرد چ راستەوخۆ لە هۆڵی‮ ‬شەهید سەعد عەبدوڵڵا لە شاری‮ ‬هەولێر،‮ ‬یاخود وەك راپۆرت گرنگیان پێدا‮. ‬
ئاژانسی‮ ‬فرانس پرێسی‮ ‬فەرەنسی‮ ‬هەواڵەكەی‮ ‬بە بایەخەوە بڵاوكردەوەو چەند پەرەگرافێكی‮ ‬لە وتارەكەی‮ ‬سەرۆكی‮ ‬هەرێمی‮ ‬كوردستان پەخش كردو نووسیویەتی‮: ‬نێچیرڤان بارزانی‮ ‬وەك كەسایەتییەكی‮ ‬لێهاتوو بووە دووەم سەرۆكی‮ ‬هەرێمی‮ ‬كوردستان كە لە هەمان كاتدا كوڕی‮ ‬برای‮ ‬بەرێز مسعود بارزانییە‮. ‬هەروەها چاوەروان دەكرێ مەسرور بارزانی‮ ‬تەكلیف بكات بۆ پێكهێنانی‮ ‬كابینەی‮ ‬نوێی‮ ‬حكومەتی‮ ‬كوردستان‮. ‬
هەروەها كەناڵی‮ ‬رووسیا ئەلیەوم راپۆرتێكی‮ ‬لەسەر مەراسیمی‮ ‬سوێندخواردنی‮ ‬سەرۆكی‮ ‬هەرێمی‮ ‬كوردستان پەخش كردو لە سایتی‮ ‬تایبەت بەخۆی‮ ‬ژیاننامەی‮ ‬سەرۆكی‮ ‬نوێی‮ ‬كوردستانی‮ ‬بڵاوكردۆتەوە كە بە دەنگی68 ‮ ‬پەرلەمانتار لە كۆی81 ‮ ‬پەرلەمانتار پۆستەكەی‮ ‬وەرگرتبوو‮. ‬
كەناڵی‮ ‬سۆمەرییەی‮ ‬عێراقی‮ ‬گرنگی‮ ‬بە رێورەسمەكە دابوو،‮ ‬تێیدا لە سایتی‮ ‬فەرمی‮ ‬كەناڵەكە نووسیویەتی‮: ‬بە ئامادەبوونی‮ ‬بەرپرسانی‮ ‬عێراقی‮ ‬و میوانی‮ ‬دەرەوە كە نزیكەی1200 ‮ ‬كەس دەبوون،‮ ‬لە پێشەوەی‮ ‬ئامادەبووانیش مسعود بارزانی‮ ‬سەرۆكی‮ ‬پێشووی‮ ‬كوردستان و بەرهەم ساڵح سەرۆكی‮ ‬عێراق دەبینران،‮ ‬رێورەسمێكی‮ ‬شایستە بۆ سوێندخواردنی‮ ‬نێچیرڤان بارزانی‮ ‬وەك سەرۆكی‮ ‬هەرێمی‮ ‬كوردستان بەرێوەچوو‮. ‬
لای‮ ‬خۆیەوە،‮ ‬سایتی‮ (‬الخلیج اون لاین‮) ‬راپۆرتێكی‮ ‬تێروتەسەلی‮ ‬لەسەر مەراسیمەكە بڵاوكردۆتەوە‮. ‬
كەناڵی‮ ‬DW‮ ‬ی‮ ‬ئەڵمانیش نووسیویەتی‮: ‬دوای‮ ‬ماوەیەك چۆل بوونی‮ ‬پۆستی‮ ‬سەرۆكی‮ ‬هەرێمی‮ ‬كوردستان،‮ ‬رۆژی‮ ‬دووشەممە نێچیرڤان بارزانی‮ ‬وەك سەرۆكی‮ ‬هەرێمی‮ ‬كوردستان سوێندی‮ ‬یاسایی‮ ‬خوارد‮. ‬
كەناڵی‮ (‬العربیە‮) ‬لە رێی‮ ‬پەیامنێرەكەی‮ ‬لە نێو هۆڵی‮ ‬شەهید سەعد عەبدولڵا راپۆرتێكی‮ ‬تێروتەسەلی‮ ‬سەبارەت بە بەرێوەچوونی‮ ‬مەراسیمەكە بە بەشداری‮ ‬چەندین بەرپرسانی‮ ‬ناوەوەو دەرەوەی‮ ‬هەرێمی‮ ‬كوردستان بڵاوكردەوە‮. ‬
هەروەها كەناڵی‮ (‬الحرە‮)‬ی‮ ‬ئەمەریكی‮ ‬باسی‮ ‬لە رێورەسمەكە كردو چەند دیمەنێكی‮ ‬نێو هۆڵەكەی‮ ‬گواستەوەو دیمانەی‮ ‬لەگەڵ چەندین میوانیش كردو بەبایەخەوە هەواڵەكەی‮ ‬بڵاكردەوە‮. ‬
سایتی‮ ‬رۆژنامەی‮ (‬الحیاە‮)‬ی‮ ‬لەندەنی‮ ‬بە ناونیشانی‮: ‬نێچیرڤان بارزانی‮ ‬بووە سەرۆكی‮ ‬هەرێمی‮ ‬كوردستان،‮ ‬هەواڵی‮ ‬رێورەسمەكەی‮ ‬بڵاوكردەوە‮. ‬
ئەمەو چەندین كەناڵ و سایت و پەیجی‮ ‬دەزگا راگەیاندنە بەناوبانگەكان هەر دوای‮ ‬تەواو بوونی‮ ‬رێورەسمەكە،‮ ‬وێنەو وتەی‮ ‬میوانانی‮ ‬رێورەسمەكەی‮ ‬گواستەوە لەوانەش‮: ‬كەناڵی‮ ‬سكای‮ ‬نیوزی‮ ‬عەرەبی،‮ ‬كەناڵی‮ ‬ئەلشەرقیەی‮ ‬عێراقی،‮ ‬ئاژانسی‮ ‬ئەنادۆڵی‮ ‬توركی،‮ ‬ئاژانسی‮ (‬كل العراق‮)‬ی‮ ‬تایبەت بە هەواڵ،‮ ‬سایتیBBC ‮ ‬بەهەردوو بەشی‮ ‬ئینگلیزی‮ ‬و عەرەبی،‮ ‬سایتی‮ ‬ئیلاف،‮ ‬رۆژنامەی‮ (‬البیان‮)‬ی‮ ‬ئیماراتی‮. ‬