خەبات‮: موسلیم‮ ‬دۆڵەمەڕی‮ ‬
كوردستان خاوەنی‮ ‬سەدان شوێنەواری‮ ‬مێژوویی‮ ‬كۆنە‮ ‬كە ئەوەش نیشانەی‮ ‬ئەوەیە كە ژیان‮ ‬لە‮ ‬نیشتمانەكان‮ ‬بۆ هەزاران‮ ‬ساڵ‮ ‬لەمەوبەر‮ ‬دەگەڕێتەوە،‮ ‬و هەروەها‮ ‬بەدەیان‮ ‬ئایین و نەتەوەی‮ ‬جیا جیاش‮ ‬لەسەر ئەم‮ ‬خاكە ژیاون، بەڵام‮ ‬ئەمەی‮ ‬جێگای‮ ‬داخە‮ ‬تاكو‮ ‬ئێستا زۆربەی‮ ‬ئەم‮ ‬شوێنەوارە‮ ‬دێرینانە خزمەتیان‮ ‬نەكراوەو‮ ‬هەروەها‮ ‬وەكو‮ ‬شوێنێكی‮ ‬گەشتیاری‮ ‬نەهاتوونە‮ ‬ناساندن، نمونەش‮ ‬سنووری‮ ‬قەزای‮ ‬ئامێدیە‮ ‬كە نزیكەی‮ ‬پەنجا‮ ‬ئەشكەوتی‮ ‬دەستكردی‮ ‬لێیەو‮ ‬تاكو ئێستا‮ ‬بە پێی‮ ‬وتەی‮ ‬دانیشتوانی‮ ‬ئەم‮ ‬ناوچەیە‮ ‬هیچیان‮ ‬بۆ نەكردووەو‮ ‬خزمەتیان‮ ‬نەكردووە‮ ‬بۆ ئەم مەبەستەش‮ ‬نەوزاد هلوڕێ‮ ‬وەكو‮ ‬رۆژنامەنووسێكی‮ ‬ئەم‮ ‬دەڤەرە سەبارەت‮ ‬بەم‮ ‬شوێنەوارانە‮ ‬بۆ‮ ‬خەبات‮ گووتی‮: ‬لەسنووری‮ ‬قەزای‮ ‬ئامێدی‮ ‬نزیكەی‮ ‬پەنجا‮ ‬ئەشكەوتی‮ ‬دەستكرد‮ ‬هەنە‮ ‬كە‮ ‬ئەم ئەشكەوتانە‮ ‬وەكو‮ ‬ژوورێكی‮ ‬بچوك‮ ‬بەسەدت‮ ‬لە‮ ‬بەردەكان‮ ‬یان‮ ‬بڵێم‮ ‬شاخەكان‮ ‬داتاشراون‮ ‬كە لە ژوورەوە‮ ‬چوار‮ ‬تەختی‮ ‬نووستن و شوێنی‮ ‬هەڵگرتنی‮ ‬كەل وپەلی‮ ‬لێدروستكراوە بە شێوەیەكی‮ ‬ئەندازەیی‮ ‬زۆر جوان، كە‮ ‬بەرزایی‮ ‬هەر ژوورێك‮ ‬زیاتر‮ ‬لە دوو مەتر دەبێت‮ ‬و بە پێی‮ ‬سەرچاوەكانی‮ ‬مێژووی‮ ‬تەمەنیان‮ ‬زیاتر لە‮ ‬دوو هەزار‮ ‬ساڵ‮ ‬دەبێت، كە‮ ‬ئەوكات مرۆڤەكانیان‮ ‬ژیانیان‮ ‬تێدا بە سەر بردووە، كە ئێستاش‮ ‬دەكەوێتە‮ ‬نزیك‮ ‬گوندی‮ ‬گەلەكان لە سنووری‮ ‬دێرەلوك‮ ‬و بە گوندی‮ ‬نعوسك‮ ‬یان‮ ‬ئەشكەوتە‮ ‬دەستكردەكان‮ ‬بەناوبانگە، وە هەروەها‮ ‬لە‮ ‬ڕووی‮ ‬شوێنەواری‮ ‬و شوێنی‮ ‬گەشتیاریش‮ ‬ئەم‮ ‬شوێنە گرنگیەكی‮ ‬زۆری‮ ‬هەیە چونكە‮ ‬دەكەوێتە‮ ‬گەلی‮ ‬شێرانە‮ ‬ئەم‮ ‬گەلیەش شوێنێكی‮ ‬گەشتیاری‮ ‬زۆر خۆش و بەناوبانگە كە رۆژانە‮ ‬بە سەدان‮ ‬گەشتیار‮ ‬رووی‮ ‬تێدەكەن‮ ‬هەر‮ ‬بۆیە لە سەر‮ ‬رێگای‮ ‬خۆیانەوە گەشتیارەكان‮ ‬سەردانی‮ ‬ئەم‮ ‬ئەشكەوتە‮ ‬دەستكردانەش‮ ‬دەكەن و‮ ‬وێنەی‮ ‬لەگەڵ‮ ‬دەگرن‮. ‬بەڵام‮ ‬بەداخەوە‮ ‬تاكو ئێستا‮ ‬گرنگی‮ ‬بەم‮ ‬ئەشكەوتە دەستكردانە‮ ‬نەدراوە‮ ‬لە هەموو روویەكەوە‮ ‬چ‮ ‬لە‮ ‬ڕووی‮ ‬رێگاوبان‮ ‬بێت‮ ‬بۆ‮ ‬گەیشتنی‮ ‬گەشتیاران‮ ‬یان‮ ‬لە‮ ‬ڕووی‮ ‬خزمەتگوزاری‮ ‬گەشتیاری‮ ‬تر‮ ‬بێت، بۆیە‮ ‬داواكارین‮ ‬لەلایەنی‮ ‬پەیوەندار‮ ‬كە ئاوڕێك‮ ‬لەم شوێنە مێژوویانە‮ ‬بدەنەوە‮ ‬بۆ ئەوەی‮ ‬ئەوناوچانە ببنە شوێنی‮ ‬مێژوویی‮ ‬و‮ ‬گەشتیاری‮ ‬لە وڵاتەكەماندا‮.‬